Home » Pittaarninnga

Pittaarninnga

Pittaarninnga naunaiyainiq taimaa havakvik ihariagiyuq piliuriami naunaiyariamikni taimaa piqaqaqtauhimayumik maniliurutauyuq uyarakhiurvinguriami.

Una hivitutqiaq naunaiyainiq atauttimuuqtait tamaita ilihimayait uuminnga piqaqaqtauhimayumik paqiyainnik– aktikkulaanga qanurittaakhaaniklu (naunaiqtauyuq “qanurittaakhaanik” ore-nganit), havigalininnga (qanuraaluktut havigalinga pittaaqtait), nutaaq hivuniqmilu niuvviqviup akingit hunavaluk, hunavalukluuniit, uyarakhiuqtauyukhaq, havaanga tamayat akingalu, aktikkulaanga qanurittuqluuniit uyarakhiurniqmut ihumagiyauyut, avatiliriniqmut unalu nunallaanut ihumagiyait, ihumagiyauyullu aulapkainiqmut akinga. Aadlat ihumaaluutingit naunaiqtauniaqtut unalu nunaryuaptikni piqarninnga ihariagiyanginniklu, kavamaliqinirmut hakugikninnga nunannganit, munariniqmut ayurnaqninnga, havaakhaqarumi, nunallaanut ikayuutauniq. Hapkuat hivituyumik naunaiqniaqtaa taimaa qayangnaqninnganik aittuutinganillu.

Akhuurutauyut apirhuutingit kiudjutingillu pittaaarninngani hamma qanuraaluk akiqarniaqqa piliuriami aulapkaigiamilu akiliutikhaalu qanuraalukniaqqa. Akiliuhiarutikhaa imaatut qanuraaluk pivagait uyarakhiurviup maniliurutigiyait akiliriami hivulliqpaanga akituyut, talvani ilaliutiyuq uyarakhiurniq, avatiliriniqmut naunaiyaininnga igluqpiliurninngalu, maniliurninnga.

Naunaiyariami aktikkulaanga qanurittaakhaaniklu, piqaqaqtauhimayumik naunaiqtauyuq hivituyumik naunaiyariami qanuraaluktut piqaqtuq uyaqqami. Una ilihimayauyuq uuminnga pikhait. Tamna pikhait nampanga ihuarhaqtauyuq uuminnga naunaiqtauyuq, naunaiqhimayuq, ilaliutihimayuq, piyuq qanuraaluktut ikuutaqtunik naunaiyaininnganit. Unalu, piqaqaqtauhimayumik tutquumavinga– maniqaqpiaqtuq uyaqqanikization piniaruknaqhininnga atuliqtitaugiami pkihait naunaiqtaunginnaqpata– naunaiyaqtauyuqlu.

Tamna pittaarninnga havaanga akituvallaaqtuq, unalu havakvingit atuqpaktut 10nit milliat taalamut akiliriamikni akinganik. Pilimaittut maniliurutikhanik ukunannga piqaqaqtauhimayumik taimaa uyarakhiurniqmut pilihaaliqqat, talvanilu, maniliurutingit hivulliqpaanguyunit ikittut ukiunik uyarakhiurniqmut atuqtauyut akiliriamikni atugangit piyait uyarakhiurniqmit.

Taimaa pittaarninnga naunaiyainiq amihullu ihumaalutigiyangit havauhikhaq taimaa uyarakhiurniqmut maniliurutauniaqtuq, tamna havauhikhaq hivumuuqtitaunginnarialik munariniqmut laisiliqtitirniqmullu ilagiyanganik. Kingulliqpaami, tamna havauhikhaq nanminiqaqtut ihumagiyut tunigumagumik manikharmik uyarakhiurviliariamiknik. Ukiuqtaqtumi uyarakhiurviit akiqaqtaaqtut C$1 billiat taalamik, amihumikluuninit, uyarakhiurviliariami.