Home » Unipkaanga

Unipkaanga

Ikayuutauniqmut pivallianiq piqaqtuq amihumik hakugiktumiklu unipkaanganik Ukiuqtaqtumi – ilitquhiuyuq taimaa tavungaraaluk piyuq taimaa 80nik ukiunik tamainnut avikturhimayunut. Nutaaq uyarakhiurvingit Ukiuqtaqtumi piliurhimayuq taimaa ukiunguraangat taimaa 1930-nit, hapkuallu;

1930-mi – Eldorado (radium-nik, uranium-nik), Con, Negus, Rycon (gold-nik)
1940-mi – Giant, Thompson-Lundmark (gold-nik)
1950-mi – Rankin (haviqquyaq), Discovery (gold-nik)
1960-mi – Pine Point (zinc-aqilruq), Cantung (tungsten-nik)
1970-mi – Nanisivik (zinc-nik)
1980-mi – Polaris (zinc-aqilruq), Lupin (gold-nik), Cullaton Lake (gold-nik)
1990-mi – Colomac (gold-nik), Ekati (diamonds-nik)
2000-mi – Diavik, Snap Lake, Jericho (diamonds-nik)
2010-mi – Meadowbank uumanilu Hope Bay (gold-nik), Mary River (havirayak ), Gahcho Kué (diamonds-nik)

Naunairyuumiriani uuminnga unipkaanganik takulugu Nunatsiap Nunavunmilu Havakvinga Uyarakhiurvingit taigualiuqtanginnik, Uyarakhiurniqmut: Ukiuqtaqtuqmiutavut Ilitquhinga ilaliutihimayuq naunaitkutamik piksaniklu uyarakhiurvikmit unipkaanga piyuq qangaraalukmit pulaarluguluuniit Yalunaimi Ilitquhinganik Katimayiingit qaritauyakkut pulaarvinga ilaliutihimayuq amihunik naunaitkutanik uyarakhiurniqmut amigaittuq unipkaanganik Ukiuqtaqtumi.

Qangaraaluk aullaayuktuq Martin Frobisher uyarakhiuqtuq gold-mik Qikiqtaalukmi 1576-mi, Inuit Adlaillu inuit naunaiqtait kannuyaq nakuutqianguyuq hanalrutikhanut haunimit ivory-milluuniit. Uumani 1770-71, aullaayuktuq Samuel Hearne, naunaiqtauyumit Matonabee, qinirhiayut kannuyaqmit.

Taimaa 100 ukiut qaangirmat, 1898 Klondike Gold-mik qilamiurninnga paqittut qinirhiayullu ilitariyauniq maninnakniqlu qinirhiaplutik iluanut Nunatsiaqmi. Atauhiq uyarakhiuqtiuyuq, E.A Blakeney, piqaqtuq gold-mik uuktuutikhalik ihivriuqtuq angiyualukmik 2.158 ounces atauhiqmut ton-mut. Amihut mallauyut, ukunatitut uyarakhiuqtiuyut Gilbert Labine, paqittuq radium-mik qiplariktuniklu Great Bear Lake-mi, unalu C.J. (Johnny) Baker paqittuq gold-mik haniani Yalunaip Kangirhungani.

Qaffiuyut uyarat nalvaaqtauyut qangaraalukmik piyut uuminnga uyarakhiurniqmut ikayuqtait angmaqtitautigiyaa Ukiuqtaqtuq.

Taimaa nutaatqiaq aliahukniqlu nalvaaqtaukmat diamonds-nik 1991mi uumannga nunaliqiyii Chuck Fipke unalu Stu Blusson. Una angmaqtitaa nutaaq ukiunga ihivriuqniqmik unalu uyarakhiurniqmut, hivulliqpaanganut ikayuutikhat unalu Nunaqaqqaarhimayunut ilaupkainiq.

Talvanittauq, Nunavunmi, piittumungarmat uyaqqat piliurniq 2010mi, uyarakhiurvinga utiffaaqtuq gold-mik unalu havirayak paqiyait tuniyauyut piliurninnganut atulihaaliqmat uumani ukiut.

Inuit uyarakhiuqtiuyuq Noel Avadluk nalvaaqtaa Nunavutim Hope Bay Uyarakhiurvinga. Piksaliuqtaa: Nunatsiaqmi Katitiqhimayangit/Holman Piksaliuqtaa qangaraaluknitaq unalu Uqaqtumik Unipkaanga Ihivriuqniqmut Katimayiingit /N-1990-004

Atauhiuyuq tahapkuat uyarakhiurvingit, Hope Bay, hivulliqpaami paqiyauyuq Inuit uyarakhiuqtiuyumit Noel Avadluk.

Taimaa ihivriuqniq unalu uyarakhiurniqmut ilagiyanga angiklikmat, Nunatsiaqlu angikliyuumiqtuq Nunavunmilu Havakvinga Uyarakhiurvingit. Havakvinga, angmaqtauyuq 1967mi, ikayuqtiyuq akhuurutauyumik nungulaittumiklu ihivriuqniq unalu uyarakhiurniqmut havakvinga Nunatsiaqmi Nunavunmilu talva ikayuqtait inungit Ukiuqtaqtuqmiutami. Tikinnahuarutinga tuniyuq hivuliqtiniqmut, ikayuutauyuqlu uumunnga, munariniq nungulaittuqlu uyaqqat ihivriuqniq piliurninngalu malruukni avikturhimayumi.