ᑐᑦᑕᕐᕕᒃ » ᐅᔭᕋᖕᓂᐊᒐᒃᓴᑦ ᐃᓅᓯᑦᑎᓐᓂ

ᐅᔭᕋᖕᓂᐊᒐᒃᓴᑦ ᐃᓅᓯᑦᑎᓐᓂ

ᑲᓇᑕ ᓄᓇᒥᙶᖅᑐᖃᐅᕐᔪᐊᖅᐳᖅ ᐊᑐᖅᑕᐅᔪᓐᓇᖅᑐᒃᓴᐅᑕᐅᔪᓂᒃ ᐊᒻᒪ ᖃᐅᔨᒪᓂᖃᕐᓂᖅ ᓄᓇᒥᒃ ᐊᑐᖅᑕᐅᔪᓐᓇᖅᑐᒃᓴᐅᑕᐅᓂᕆᔭᖏᓐᓂᒡᓗ ᑐᙵᓂᐅᒻᒪᕆᒃᐳᖅ ᕿᓂᖅᑕᖃᕐᓂᕐᒧᑦ, ᐱᓕᕆᐊᖃᕐᓂᕐᒧᑦ, ᐃᓚᒋᔭᐅᖃᑕᐅᓂᕐᒧᓪᓗ ᑲᒪᒋᔭᖃᑦᑎᐊᕐᓂᒃᑯᑦ ᓄᓇᒥᙶᖅᑐᓂᒃ ᐱᕙᓪᓕᐊᑎᑦᑎᓂᕐᒥ.

ᐃᓕᓐᓂᐊᖅᑐᑦ ᖃᐅᔨᔭᖃᖅᐹᓪᓕᕐᓂᖃᖅᐳᑦ ᐅᔭᕋᓕᕆᓂᕐᒥᒃ ᐃᓕᓐᓂᐊᕐᕕᖕᒥᑦ ᐊᓐᓂᔾᔭᐅᓯᒪᑎᓪᓗᒋᑦ ᕌᓂ ᐳᖅᑐᓂᕐᒥ ᐅᔭᕋᕆᔭᕐᓂᒃ ᖃᐅᔨᔭᐅᕙᓪᓕᕐᕕᐅᓪᓗᓂ ᐱᓱᒡᕕᒃ ᔭᓗᓇᐃᕝ ᓄᓇᑦᓯᐊᑉ ᖃᓂᒋᔮᓂ. ᐃᓕᓐᓂᐊᕐᕕᖕᒥᑦ ᐊᓐᓂᔾᔭᐅᓯᒪᓂᖅ ᐃᓚᒋᔭᐅᓚᐅᖅᐳᖅ ᐅᓪᓗᓄᑦ ᐱᖓᓱᓅᖓᔪᒧᑦ ᐅᔭᕋᖕᓂᐊᕐᓂᕆᓂᕐᒨᖓᔪᑦ ᐅᔭᕋᖕᓂᐊᕐᓂᖅ ᐅᔭᖅᑲᑦ ᓄᓇᕐᔪᐊᖅ ᖃᐅᔨᓴᕐᓂᐅᕙᒃᑐᑦ ᐱᓕᕆᐊᖅ ᐱᔾᔪᑎᖃᓪᓗᐊᑕᖅᑐᖅ ᐅᔭᖅᑲᓂᒃ ᐅᔭᕋᖕᓂᐊᒐᒃᓴᓂᒡᓗ, ᐅᔭᕋᖕᓂᐊᒐᒃᓴᓂᒃ ᕿᓂᕐᓂᖅ, ᐅᔭᕋᖕᓂᐊᕐᓂᖅ, ᑲᔫᓰᓐᓇᕈᓐᓇᕐᓂᕆᔭᖅ, ᐊᒻᒪ ᐱᕐᔪᐊᖑᓂᕆᔭᖅ ᐅᔭᕋᖕᓂᐊᒐᒃᓴᐃᑦ ᓄᓇᒥᑦ ᐱᔭᐅᕙᒃᑐᑦ ᐊᑐᕐᓂᖃᕐᓂᕆᔭᖏᓐᓂᒃ ᐃᓅᓯᕐᒥ. ᐊᑭᓕᖅᓱᐃᓂᒃᑯᑦ ᐃᑲᔪᖅᓯᓚᐅᖅᐳᑦ ᓄᓇᑦᓯᐊᑉ ᒐᕙᒪᖓᑦ, ᑎᐅᕋ ᐊᒃᔅ ᐅᔭᕋᖕᓂᐊᒐᒃᓴᐃᑦ, ᐊᒻᒪ ᓄᓇᒥᙶᖅᑐᓕᕆᔨᒃᑯᑦ ᑲᓇᑕᒥ. ᐊᔾᔨᙳᐊᖁᑎᒋᔭᖅ: ᐅᔭᕋᖕᓂᐊᕐᓂᕆᓂᕐᒨᖓᔪᑦ / ᑎᐅᕋ ᐊᒃᔅ ᐅᔭᕋᖕᓂᐊᒐᒃᓴᐃᑦ

ᐃᓅᓯᕆᔭᖅ ᐊᓯᔾᔨᖅᓯᒪᔪᕐᔪᐊᕌᓘᕗᖅ ᓄᓇᒥᙶᖅᑐᑦ ᐊᑐᖅᑐᒃᓴᑦ ᐊᑐᖅᑎᑕᐅᓂᕆᓯᒪᔭᖏᑎᒍᑦ. ᐅᖅᓱᐊᓗᒃ (ᐳᓪᓚᖅ, ᐅᖅᓱᖅ, ᐊᕐᔭᒃᓴᖅ) ᐅᖅᑰᓴᕈᑕᐅᕙᒃᐳᖅ, ᓴᓗᒪᑦᑎᐊᖅᑐᒥᒡᓗ ᐆᓇᖅᑐᖃᕐᓇᖅᖢᓂ ᐃᒪᕐᒥᒃ, ᓄᒃᑕᕈᑕᐅᕙᒃᖢᓂᓗ. ᐊᐅᒃᑕᔫᑦ (ᐅᖅᓱᐊᓕᖕᒥᙶᖅᑐᑦ ᐃᓚᐅᕈᑎᑦ) ᐊᑐᖅᑕᐅᔭᕆᐊᖃᖅᐳᑦ ᑭᓱᓕᐊᕆᔭᖃᕐᓂᕐᒧᑦ, ᑐᓴᖅᑎᑦᑎᖃᑦᑕᐅᑎᔾᔪᑎᓄᑦ, ᐊᒻᒪ ᓴᓇᔭᖃᕐᓂᕐᒧᑦ.

ᓴᕕᕋᔭᒃᓴᓂᒃ ᐅᔭᕋᖕᓂᐊᖅᑕᐅᔪᒃᓴᓂᒡᓗ ᐱᑕᖃᓪᓚᕆᒋᐊᖃᖅᐳᖅ ᓄᓇᒃᑰᕈᑎᓄᑦ, ᐃᒡᓗᕐᔪᐊᓄᑦ, ᐊᖏᔫᑎᓄᑦ, ᑲᑉᐳᔾᔭᒐᕐᓄᑦ, ᐊᒻᒪᓗ ᐱᖁᑎᓄᑦ ᐃᓚᒋᔭᐅᓪᓗᑎᒃ ᐱᓚᒃᑑᑎᑦ. ᑭᓱᓗᒃᑖᐸᓗᑦ ᐱᖁᑏᑦ ᐅᓪᓗᒥᓕᓴᖅ ᓄᑖᙳᖅᐸᓪᓕᐊᔪᓂᒃ ᐊᑐᖅᑕᐅᔪᓐᓇᖅᑎᑦᑎᔪᑦ ᐅᔭᕋᖕᓂᐊᖅᑕᐅᔪᒃᓴᓂᒃ ᓴᕕᕋᔭᒃᓴᖃᕆᐊᖃᓲᖑᓪᓗᑎᒡᓗ ᐱᑕᖃᕆᐊᖃᓲᖑᔪᑦ ᐅᔭᕋᖕᓂᐊᕐᕕᖕᓂᑦ.

ᐅᔭᕋᖕᓂᐊᕐᓂᖅ, ᐱᔾᔪᑎᒋᓪᓗᒍ ᓴᖅᑭᑎᑕᐅᓲᑦ ᑭᒃᑯᓕᒫᑦᑎᐊᑦ ᖃᐅᑕᒫᑦ ᐃᓅᓯᖏᓐᓄᑦ ᐃᓚᒋᔭᐅᖃᓯᐅᔾᔭᐅᓯᒪᓂᖏᓐᓄᑦ, ᓇᓂᑐᐃᓐᓈᑦᑎᐊᖅᐳᖅ.

ᑭᖑᓂᕆᔭᕐᒥ ᐅᓪᓗᒥᐅᓕᖅᑐᕐᓗ ᐅᔭᕋᖕᓂᐊᕐᕕᖕᓂᙶᖅᓯᒪᔪᑦ ᐃᓱᒪᒋᓪᓗᒋ, ᐅᐃᒍᓕᐅᑎᓯᒪᔪᑦ ᕿᒥᕐᕈᓗᒋᑦ ᖃᓄᖅ ᐅᔭᕋᖕᓂᐊᕐᕕᖕᓂᙶᖅᓯᒪᔪᑦ ᐅᓪᓗᒥᐅᔪᒧᑦ ᐃᓅᓯᕐᒧᑦ ᐃᓚᒋᔭᐅᖕᒪᖔᑦ ᓄᓇᕐᔪᐊᕐᒥ.

  • ᑰᐹᓪᑦ
  • ᑕᐃᒪᓐ
  • ᒎᓗ
  • ᓴᕕᒃᓴᖅ
  • ᐊᕿᑦᑐᔭᖅ
  • ᕋᐃᑎᐊᒻ
  • ᓄᓇᕐᔪᐊᕐᒥ ᐅᔭᕋᖕᓂᐊᖅᑕᐅᕙᒃᑐᓂᑦ ᐱᖃᑕᖃᕋᔪᙱᑦᑐᑦ
  • ᖃᑯᓪᓕᖅ
  • ᓴᓇᙳᐊᒐᒃᓴᖅ ᐅᒃᑯᓯᒃᓴᖅ
  • ᑕᖕᔅᑕᓐ
  • ᓯᐊᕐᓇᖅ