ᒫᓐᓇᐅᔪᒃᑯᑦ ᐱᖓᓱᑦ ᐅᔭᕋᖕᓂᐊᕐᕕᒋᔭᑦ, ᓄᓇᑦᓯᐊᕐᒥ, ᐅᓄᐸᓗᒃᑐᓂᒃ ᓯᕗᒧᒃᐸᓪᓕᐊᓯᒪᓂᖃᖅᑐᓂᒃ ᐱᓕᕆᐊᒃᓴᖅᑕᖃᖅᐳᖅ ᐅᔭᕋᖕᓂᐊᕐᕕᙳᖅᑎᑕᐅᑐᐃᓐᓇᕆᐊᓕᖕᓂᒃ – ᐅᑭᐅᖅᑕᖅᑐᕐᒥᐅᓄᑦ ᐱᕕᒃᓴᖅᑕᖃᓕᖅᑎᑦᑎᑐᐃᓐᓇᕆᐊᖃᖅᖢᓂ. ᐅᔭᕋᖕᓂᐊᕐᕕᒋᔭᙳᓚᐅᖅᑳᕋᑎᒃ, ᑕᒪᒃᑯᐊ ᐱᓕᕆᐊᒃᓴᖅ ᐅᓄᖅᑐᓂᒃ ᕼᐊᓐᓇᓚᖏᓐᓃᑦᑐᓂᒃ ᓴᓇᔭᖃᕐᓂᕐᒧᑦ ᐃᖅᑲᓇᐃᔮᖅᑖᕐᓇᕐᕕᐅᓂᐊᖅᑐᑦ. ᐅᔭᕋᒃᑕᕆᐊᕐᕕᒃᓴᕐᒥᒃ ᓴᓇᖃᑕᐅᔪᑦ ᓅᑦᑐᓐᓇᕋᔭᖅᑐᑦ ᐃᖅᑲᓇᐃᔮᖃᐃᓐᓇᖅᑑᓗᑎᒃ ᐅᔭᕋᒃᑕᕐᕕᐅᓕᖅᐸᑦ.
ᐃᔨᕋᖅᑕᓕᒃ ᓄᓇᕗᒻᒥ ᐅᔭᕋᒃᑕᕆᐊᕐᕕᒃᑖᓵᕆᔭᐅᓂᐊᓕᖅᐳᖅ, ᑲᖏᖅᖠᓂᐅᑉ ᖃᓂᒋᔮᓃᖦᖢᓂ ᒫᓐᓇ ᓴᓇᔭᐅᕙᓪᓕᐊᔪᖅ, . ᒎᓗᒥᒃ ᐅᔭᕋᖕᓂᐊᖅᑕᖃᓕᕐᕕᐅᓂᐊᖅᖢᓂ 2019 ᐊᕐᕌᒍᖓᑕ ᐊᕝᕙᖓᓄᑦ ᑎᑭᐅᑎᓂᐊᓵᖅᑎᓪᓗᒍ. ᐊᒪᕈᖅ ᐅᐃᒍᒋᔭᐅᓪᓗᓂ ᐅᔭᕋᖕᓂᐊᑦᑕᒃᓴᓕ ᐊᐳᖅᑎᓈᖅᑐᖅ ᐅᔭᕋᒃᑕᕆᐊᕐᕕᐊᑕ ᖃᓂᒋᔮᓃᑦᑐᖅ ᒎᓗᒃᓴᕐᕕᐅᓕᖅᑐᒃᓗᒃᓴᕐᕕᐅᓕᖅᑐᒃᓴᐅᑕᐅᕗᖅ 2019 ᐱᒋᐊᓕᓵᖅᓯᒪᓕᖅᑎᓪᓗᒍ.
ᐱᓕᕆᐊᒃᓴᐃᑦ ᐃᓚᖏᑦ, ᐃᓚᒋᔭᐅᓪᓗᑎᒃ NICO, ᐳᕆᐅᕆ ᑯᕇᒃ, ᐊᒻᒪ ᐸᐃᓐ ᐳᐃᓐᑦ, ᐃᖅᑲᓇᐃᔮᖃᕋᔭᕐᓂᕐᒧᑦ ᐅᔭᕋᒃᑕᕆᐊᕐᕕᐅᔪᒫᕐᓂᐊᓂᕐᒧᓪᓗ ᑐᕌᖅᑕᖃᖅᐳᑦ. ᐊᓯᖏᑦ ᐱᓕᕆᐊᒃᓴᐃᑦ ᐅᔭᕋᒃᑕᕆᐊᕐᕕᙳᑐᐃᓐᓇᕆᐊᓖᑦ ᒪᑯᓂᖓ ᐃᓚᖃᖅᐳᑦ ᑭᓈᑎ ᐅᐊᖕᓇᖅᐸᓯᐊ (ᑕᐃᒪᓐ), ᐃᓐᑎᓐ ᓖᒃ (ᒎᓗ), ᑯᕇᔾᔨᔅ ᓖᒃ (ᒎᓗ), ᓯᐅᕗᐃᓐ (ᓯᐊᕐᓇᖅ-ᐊᕿᑦᑐᔭᖅ), ᓂᐊᑦᓴᓛᑦᓱ (ᓄᓇᕐᔪᐊᕐᒥ ᐅᔭᕋᑦᑎᐊᕙᐃᑦ ᐱᑕᖃᕋᔪᙱᑦᑐᑦ), ᐊᒻᒪ ᔭᓗᓇᐃᕝ ᓄᓇᓕᐸᐅᔭᖓᓂ ᒎᓗ.
ᐃᓚᒋᔭᐅᓪᓗᑎᒃ ᐅᔭᕋᖕᓂᐊᕐᕕᒋᔭᒃᓴᑦ ᐱᖓᓱᑦ ᓴᓇᔭᐅᓕᐊᓂᒃᑐᑦ, ᓄᓇᕗᒻᒥ ᐅᓄᖅᐳᑦ ᐱᓕᕆᐊᒃᓴᑦ ᐱᒋᐊᖅᑎᑕᐅᖅᑲᒻᒥᖅᓯᒪᓕᖅᑐᑦ ᐅᔭᕋᖕᓂᐊᕐᕕᒋᔭᒃᓴᙳᑐᐃᓐᓇᕆᐊᖃᖅᖢᑎᒡᓗ. ᑕᒪᒃᑯᐊ ᐃᓚᖃᖅᐳᑦ ᒎᓗᖃᕐᓃᑦ ᓴᓐᒐᔪᕐᒥ ᐊᒻᒪ ᑦᓯᑦᓕᐊᒃ ᑕᐃᒪᓐᑕᓕᒃ. ᐊᓯᖏᑦᑕᐅᖅ ᐱᓕᕆᐊᒃᓴᐃᑦ ᑭᖑᓂᖓᒍᑦ ᐅᔭᕋᖕᓂᐊᕐᕕᒃᓴᐅᔪᓐᓇᖅᑐᑦ ᒪᑯᐊᖑᕗᑦ Izok, (ᑲᓐᓄᔭᖅ, ᒎᓗ, ᓯᐊᕐᓇᖅ), ᐅᓗ (ᒎᓗ), Hᐊᐃ ᓖᒃ (ᐊᑭᑐᔪᒃᓴᔭᐅᙱᑦᑐᑦ ᓴᕕᕋᔭᐃᑦ) Hᐋᑲᑦ ᐸᐃ (ᐊᑭᑐᔪᒃᓴᔭᐅᙱᑦᑐᑦ ᓴᕕᕋᔭᐃᑦ), ᓰᓪ (ᓯᐊᕐᓇᖅ), ᕌᒃ ᐸᐃ (ᓴᕕᒃᓴᖅ), ᑲᒥᑎ ᐸᐃ, (ᒎᓗ), ᑭᒡᒐᕕᒃ (ᓄᖑᑦᑐᐃᑦᑐᖅ), ᐊᒻᒪ ᓇᐅᔮᑦ (ᕿᓚᓗᒐᐅᓂᕋᖅᑕᐅᓚᐅᖅᑑᒐᓗᐊᖅ) (ᑕᐃᒪᓐ).
ᓯᕗᒧᒃᐸᓪᓕᐊᑎᑕᐅᓯᒪᔪᑦ ᐱᓕᕆᐊᒃᓴᐃᑦ ᖃᐅᔨᒪᓇᖅᓯᓯᒪᓕᖅᑐᒥᒃ ᐅᔭᕋᖕᓂᐊᒐᒃᓴᖃᖅᐳᖅ ᐊᒻᒪ/ᐅᕝᕙᓘᓐᓃᑦ ᐃᓂᖅᓯᓯᒪᓕᖅᐳᑦ ᐊᕙᑎᓕᔾᔪᓯᕆᓂᐊᖅᑕᒥᓄ ᐊᖏᖅᑕᐅᓂᖃᖅᐸᓪᓕᐊᕗᓪᓘᓐᓃᑦ.
ᐊᒻᒧᐊᒃᐸᓪᓕᐊᒋᑦ ᓇᓂᓯᓇᓱᒧᑦ ᓄᓇᕘᑉ ᓄᓇᑦᓯᐊᓪᓗ ᐱᓕᕆᐊᒃᓴᐃᑦ ᓯᕗᒧᐊᒃᐸᓪᓕᐊᔪᖁᑎᖏᑕ ᖃᓄᐃᓕᖓᓂᕆᔭᖏᓐᓂᒃ ᓴᖅᑭᔮᖅᑎᑦᑎᔪᓂᒃ
