ᑐᑦᑕᕐᕕᒃ » ᐅᔭᕋᖕᓂᐊᖅᑕᖃᕐᓂᖅ

ᐅᔭᕋᖕᓂᐊᖅᑕᖃᕐᓂᖅ

ᐹᕕᓐᓛᓐᑯᑦ ᓄᓘᔭᖕᓂ ᐅᔭᕋᖕᓂᐊᕐᕕᖓᓂ, ᕿᑭᖅᑖᓗᖕᒥ, ᓄᓇᕗᒻᒥ, ᓴᕕᒃᓴᖃᐅᖅᑐᑦ, ᐃᓕᐅᖅᑲᖅᑕᐅᕙᒃᑐᑦ ᐅᒥᐊᕐᔪᐊᓄᑦ ᔪᓚᐃᒥᑦ−ᓯᑎᐱᕆᒧᑦ ᐊᐅᔭᒃᑯᑦ ᓯᑯᖃᙱᑎᓪᓗᒍ.
ᐊᔾᔨᙳᐊᖅ: ᐹᕕᓐᓛᓐ ᓴᕕᒃᓴᕐᓂᒃ ᐅᔭᕋᖕᓂᐊᖅᑎᑦ

ᐅᔭᕋᖕᓂᐊᖅᑕᖃᕐᓂᖅ, ᐲᔭᐃᓂᖅ ᐊᑐᖅᑐᒃᓴᙳᖅᑎᕆᓂᕐᓗ ᖃᐅᔨᒪᔭᐅᓂᖅᐹᖑᕗᖅ ᐅᔭᕋᓂᐊᕐᓂᐅᑉ ᒥᒃᓵᓂ ᐊᒻᒪ ᑎᑭᐅᑎᓂᕐᒨᖓᓂᖅᐹᖑᓪᓗᓂ. ᑕᒪᑐᒧᖓ ᐃᓚᒋᔭᐅᕗᑦ ᐊᕐᕌᒍᒐᓴᒡᔪᐊᑦ ᐱᓕᒻᒪᒃᓴᐃᓂᖅ, ᐃᖅᑲᓇᐃᔮᖃᖅᑎᑦᑎᓂᖅ, ᓇᖕᒥᓂᓕᖕᓄᑦ ᐃᑲᔫᓯᐊᑦ ᓄᓇᓕᒋᔭᒥ ᓇᒧᑐᐃᓐᓇᕐᓗ ᑲᓇᑕᒧᑦ, ᑮᓇᐅᔭᖕᓂᕆᔭᐅᔪᑦ ᐅᔭᕋᖕᓂᐊᕐᕕᖕᒥᒃ ᓇᖕᒥᓂᖃᖅᑎᐅᔪᓄᑦ ᐃᓚᖓᓂᒡᓘᓐᓃᑦ ᐱᖃᖃᑕᐅᔪᓄᑦ ᔭᒐᐃᑐᐃᓐᓇᕆᐊᖃᖅᖢᑎᒃ ᑮᓇᐅᔭᓕᖅᑎᑦᑎᓯᒪᔪᑦ. ᐊᒻᒪᒃᑲᓐᓂᖅ, ᑖᒃᓰᔭᐃᔾᔪᑎᑦ ᓂᖏᖅᑕᕈᑎᒃᓴᐃᓪᓗ ᐊᑭᓕᖅᓲᑕᐅᕙᒃᐳᑦ ᑭᒃᑯᑐᐃᓐᓇᕐᓄᑦ ᒐᕙᒪᓄᑦ ᐊᒻᒪ ᓄᓇᖃᖅᑳᖅᑐᑦ ᑎᒥᖁᑎᖏᓐᓄᑦ.

ᐅᑭᐅᖅᑕᖅᑑᑉ ᐅᔭᕋᕐᓂᐊᕐᕕᖁᑎᒋᓕᖅᑕᖏᑦ ᐱᓕᕆᔨᖁᑎᒥᖕᓂᒃ ᐱᓕᒻᒪᒃᓴᐃᕙᒃᐳᑦ ᐊᑦᑕᕐᓈᕿᑦᑕᐃᓕᓗᑎᒃ ᐃᖅᑲᓇᐃᔭᖅᐸᖕᓂᕐᒥᒃ, ᐱᑕᖃᓕᖅᑎᑦᑎᓚᐅᖅᐳᖅ 200ᐅᖓᑖᓂ ᓴᓇᔨᐅᓂᕐᒧᑦ ᑎᑎᖅᑲᖁᓯᖅᓯᒪᓕᖅᑐᓂᒃ, ᒫᓐᓇᐅᔪᕐᓗ ᐃᖅᑲᓇᐃᔭᖅᑎᑦᑎᓪᓗᑎᒃ 5400ᐸᓗᖕᓂᒃ, ᐊᑐᖅᓯᓯᒪᓪᓗᑎᒡᓗ C$25ᐱᓕᐊᓐ ᑖᓚᓂᒃ ᐊᐅᓚᑦᑎᓂᕐᒧᑦ. ᐱᖓᓱᐃᓕᖓᔪᑦ ᐃᓚᖓᑦ ᐃᖅᑲᓇᐃᔭᖅᒋᔭᐃᑦ ᖃᔅᓯᐅᓂᖏᓐᓄᑦ ᐅᑭᐅᖅᑕᖅᑐᕐᒥᐅᑕᐅᕗᑦ ᑕᒪᑐᒧᖓᓗ ᑮᓇᐃᔭᐃᔭᐅᑎᒋᔭᖅ ᐅᑭᐅᖅᑕᖅᑐᕐᒨᖓᕗᖅ ᐅᑭᐅᖅᑕᖅᑐᕐᒥᓗ ᓄᓇᖃᖅᑳᖅᑐᑦ ᓇᖕᒥᓂᖁᑎᒋᔭᖏᓐᓅᖓᓪᓗᑎᒃ.

ᑕᒪᒃᑯᐊ ᑕᑯᑲᐅᖅᑐᒐᒃᓴᐅᓂᐅᕗᑦ ᐃᑲᔫᓯᐊᖅᑖᖑᓯᒪᔪᓂᑦ ᐅᑭᐅᖅᑕᖅᑐᕐᒥ ᐅᔭᕋᖕᓂᐊᕐᓂᕐᒥᑦ ᓄᓇᑦᓯᐊᑉ ᓄᓇᕘᓪᓗ ᓄᓇᖏᑕ ᐃᓚᐃᓐᓇᓪᓚᑯᓗᐊᓂᒃ ᐊᑐᖅᓯᓯᒪᔪᒥᑦ.. ᐆᒃᑑᑎᒋᓗᒍ, ᑕᐃᐊᕕᒃ ᑕᐃᒪᓐᓇᕐᕕᒃ, ᑐᓪᓕᓂᑭᑦᑐᒻᒪᕆᐊᓗᒃ ᓄᓇᑦᓯᐊᕐᒥ, ᐊᑐᖅᓯᖕᒪᑦ 13 ᑭᓗᒦᑕᑦ ᑭᑉᐹᕆᒃᓯᓯᒪᔪᑦ, ᐅᕝᕙᓘᓐᓃᑦ 0.007 ᐳᓴᖓ ᓄᓇᑦᓯᐊᑉ ᓄᓇᖓᓂᒃ. ᑕᐃᐊᕕᒃ ᐱᑕᖃᓕᖅᑎᑦᑎᕙᒃᐳᖅ 1ᐱᓕᐊᓐ ᑖᓚᓂᒃ ᐊᑐᓂᒃ ᑭᓗᒦᑕ ᑭᑉᐹᕆᒃᓯᓯᒪᔪᒧᑦ ᓄᓇᒥᒃ ᐃᓕᖅᑯᓯᑐᖃᖏᓃᑦᑐᓐᓃᖅᑎᓴᒪᔭᒧᑦ.

ᐅᑭᐅᖅᑕᖅᑐᕐᒥ, ᐅᔭᕋᖕᓂᐊᕐᕕᐅᑉ ᑐᓪᓕᓂᖓ ᐃᓚᖃᖅᐳᖅ ᓄᓇᐅᑉ ᖄᖓᓂ ᐅᔭᕋᒃᑕᕐᕖᑦ, ᓄᓇᐅᑉ ᐃᓗᐊᓂ ᐱᓕᕆᓂᖃᕐᓂᖅ, ᐅᔭᕋᖕᓂᐊᖅᑕᐅᔪᒥᙶᖅᑐᓂᒃ ᐊᑐᖅᑐᒃᓴᙳᖅᑎᕆᔾᔪᓯᖅ, ᐅᐃᔭᒃᑰᕈᓐᓇᐅᑎᑦ, ᐃᒪᕐᒥᒃ ᐃᒪᑦᑎᐊᕙᙳᖅᑎᕆᓂᖅ, ᐊᒃᑕᕐᕕᖕᓂᒡᓗ ᒥᐊᓂᕆᔭᖃᕐᕖᑦ, ᐊᒻᒪ ᐃᖅᑲᓇᐃᔭᖅᑏᑦ ᐊᖏᕐᕋᕆᔭᖏᑦ, ᒥᕝᕖᑦ, ᐊᖅᑯᑎᑦ, ᐋᖅᑭᐅᒪᓂᖃᖅᑎᑕᐅᑦᑎᐊᖅᑐᑦ ᐅᔭᖅᑲᑦ ᐊᑐᙱᑦᑐᑦ ᑲᑎᖅᓱᖅᑕᐅᕝᕕᖏᑦ, ᐃᒪᕐᓗᖕᒥᒡᓗ ᓯᐊᒻᒪᔾᔭᐃᒃᑯᑎᓕᐊᖑᓯᒪᔪᑦ, ᐊᓯᖏᓪᓗ, ᐊᑐᕆᐊᖃᖅᑕᒧᑦ ᓴᓇᔭᐅᓯᒪᔪᑦ. ᐅᑭᐅᖅᑕᖅᑑᑉ ᐅᔭᕋᖕᓂᐊᕐᕕᖏᑦ ᑎᑭᑕᐅᕙᒃᑐᒦᙱᓚᑦ ᐊᖅᑯᑎᑕᖃᙱᓐᓂᑯᐊᓄᑦ ᐊᑐᖅᑕᐅᖏᓐᓇᐅᔭᕈᓐᓇᖅᑐᒥᒃ