ᑐᑦᑕᕐᕕᒃ » ᐅᔭᕋᖕᓂᐊᖕᓂᐊᕐᓂᐅᑉ ᑲᐃᕙᓂᖓ

ᐅᔭᕋᖕᓂᐊᖕᓂᐊᕐᓂᐅᑉ ᑲᐃᕙᓂᖓ

ᖃᐅᔨᓂᖅ ᐅᔭᕋᖕᓂᐊᖅᐸᓪᓕᐊᓂᕐᓗ ᐅᔭᕋᖕᓂᐊᒐᒃᓴᓂᒃ ᐱᒻᒪᕆᐊᓘᕗᖅ ᐃᓅᖃᑎᒌᖕᓂᑦᑎᓐᓄᑦ ᓇᓂᓯᔭᕆᐊᒃᓴᖅ ᐅᔭᕋᖕᓂᐊᒐᒃᓴᓂᒃ ᐱᔭᕆᐊᖃᑦᑕᑦᑎᓐᓂᒃ ᑭᓱᓗᒃᑖᑲᓴᖕᓄᑦ ᐊᑐᖅᐸᒃᑕᑦᑎᓐᓄᑦ ᐃᓅᓯᕐᒥ, ᑕᐃᒃᑯᐊᓘᓐᓃᑦ ᓄᑖᖑᔪᑦ ‘ᐊᕙᑎᒧᑦ ᐱᐅᓂᖅᓴᑦ’ ᓄᑖᙳᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᑦ. ᐊᑐᕆᐊᖃᓲᖑᕗᑦ ᐅᐊᔭᒃᑯᑦ ᐃᖏᕐᕋᓲᓄᑦ ᐹᑕᓖᑦ ᐊᒻᒪᓗ ᓂᐱᑦᑕᖅᑐᑦ ᐊᓄᕆᒧᑦ ᓱᑲᓐᓇᖅᑐᓕᐅᓲᑦ ᐸᐅᖅᑕᖃᙱᓐᓂᖅᓴᐅᔾᔪᑕᐅᕙᒃᖢᑎᒃ ᐅᔭᕋᖕᓂᐊᕐᓂᒃᑯᑦ ᐱᔭᐅᕙᒃᑐᑦ ᓴᕕᕋᓴᒃᓴᖏᑦ. ᐅᖃᐅᓯᑐᖃᕆᔭᐅᕗᖅ: “ᐱᕈᖅᑎᑕᐅᔪᓐᓇᙱᑉᐸᑦ, ᐅᔭᕋᖕᓂᐊᖅᑕᐅᔭᕆᐊᓕᒃ.”

ᐅᔭᕋᖕᓂᐊᖕᓂᐊᕐᓂᐅᑉ ᑲᐃᕙᓂᖓ ᐃᑲᔪᖅᖢᓂ ᓇᓗᓇᐃᖅᓯᔾᔪᑕᐅᕗᖅ ᐅᓂᒃᑲᐅᓯᕆᔭᐅᓂᖓᓄᑦ ᖃᓄᖅ ᐊᔾᔨᒌᙱᑦᑑᑕᐅᓪᓗᑎᒃ ᖃᓄᐃᓕᐅᕈᑕᐅᕙᒃᑐᑦ ᓇᓂᓯᓂᕐᒧᑦ, ᐲᖅᓯᓂᕐᒧᑦ ᐊᒻᒪᓗ ᐅᔭᕋᖕᓂᐊᕐᓂᕐᒧᑦ ᐅᔭᕋᖕᓂᐊᒐᒃᓴᓂᒃ ᓴᕕᕋᔭᒃᓴᓂᒡᓗ ᐱᔭᐅᔪᓐᓇᕐᓂᖏᓐᓄᑦ ᐅᓪᓗᒥᓕᓴᖅ ᓄᓇᕐᔪᐊᕐᒥ ᐱᔭᐅᔭᕆᐊᖃᖅᑐᑦ. ᐱᒋᐊᕐᓂᖃᓲᖑᕗᖅ ᓯᕗᓂᐊᓂ ᕿᓂᕐᓂᒃᑯᑦ ᐊᒻᒪᓗ ᑲᔪᓯᑦᑎᐊᕌᖓᑦ, ᓇᓂᓯᓂᕐᒥᑦ ᐅᔭᕋᖕᓂᐊᕐᓂᕐᒧᑦ, ᑭᖑᓪᓕᕐᒥᓗ ᒪᑐᓯᓂᕐᒧᑦ ᐊᒻᒪᓗ ᓴᓗᒻᒪᖅᓴᐃᓂᕐᒧᑦ ᓄᓇ ᐊᓯᐊᓄᑦ ᐊᑐᖅᑕᐅᒐᒃᓴᖓᓄᑦ ᐅᑎᖅᑎᑕᐅᕙᒃᖢᓂ.

ᐃᓘᓐᓇᑎᒃ ᐅᔭᕋᖕᓂᐊᖕᓂᐊᕐᓂᐅᑉ ᑲᐃᕙᓂᖓᓄᑦ ᐊᑐᖅᑕᐅᕙᒃᑐᖅ ᐱᑕᖃᖅᑎᑦᑎᓲᖑᕗᑦ ᑕᕝᕗᖓᓪᓗᐊᑕᖅ ᐊᓯᐊᒎᖅᑐᒃᑯᓪᓗ ᑮᓇᐊᔾᔭᒃᓴᓂᕐᒧᑦ ᐱᕕᒃᓴᓂᒃ ᑲᒻᐸᓃᓪᓗ ᐱᓕᕆᖃᑎᒋᕙᒃᖢᓂᒋᑦ ᒐᕙᒪᐃᑦ ᓄᓇᓖᓪᓗ ᓄᓇᓕᖕᓂ ᐃᑲᔫᑎᒃᓴᖅᑖᕈᓐᓇᓛᕐᒪᑕ ᐊᕙᑎᓗ ᓴᐳᒻᒥᔭᐅᔪᓐᓇᓛᕐᒪᑦ.

ᐃᓘᓐᓇᑎᒃ ᐅᔭᕋᖕᓂᐊᕐᓂᐅᑉ ᑲᐃᕙᓂᖓᓂ ᐊᑐᖅᑕᐅᕙᒃᑐᑦ ᐊᑐᕆᖃᓲᖑᔪᑦ ᖁᑦᑎᓛᖑᔪᓂᒃ ᐊᕙᑎᒥᒃ ᓴᐳᒻᒥᓂᕐᒧᑦ ᑎᑭᐅᑎᔭᐅᔭᕆᐊᓕᖕᓂᒃ. ᓄᓇᒥᙶᖅᑐᑦ ᐊᐅᓚᑕᐅᓲᖑᕗᑦ ᑲᑐᔾᔨᓪᓗᑎᒃ ᓄᓇᖃᖅᑳᖅᑐᓄᑦ ᑭᒃᑯᑐᐃᓐᓇᕐᓄᓪᓗ ᒐᕙᒪᐅᔪᓄᑦ.

    • ᕿᓂᖅᐸᒃᐳᑦ ᐅᔭᕋᒃᓯᐅᖅᑎᑦ, ᓄᓇᓕᕆᓂᕐᒥᒃ ᖃᐅᔨᓴᖅᑎᑦ ᐊᒻᒪᓗ ᕿᓂᕐᓂᕐᒧᑦ ᑲᒻᐸᓂᐅᔪᑦ. ᐱᒋᐊᕐᓂᖃᖅᐳᖅ ᖃᐅᔨᓴᕐᓂᕐᒥᒃ ᐃᓱᒪᓕᐅᖅᑐᖃᕐᓂᐊᕐᒪᑦ ᓇᓂ ᕿᓂᖅᑐᖃᓪᓗᐊᕐᒪᖔᑦ ᖃᓄᐃᑦᑐᓂᒡᓗ ᐊᑭᑕᔫᑕᐅᔪᓂᒃ ᐅᔭᕋᖕᓂᐊᒐᒃᓴᓂᒃ ᕿᓂᖅᑐᖃᓪᓗᐊᕐᒪᖔᑦ. ᐊᒡᒋᖅᑐᒥ ᐊᔾᔨᒌᙲᑦᑑᑎᓂᒃ ᐊᑐᖅᖢᑎᒃ ᓄᓇᒥ ᓄᓇᒥᒃ ᖃᐅᔨᓴᓲᖑᕗᑦ ᓇᓂᓯᓇᓱᓲᖑᓪᓗᑎᒡᓗ ᐊᑭᑐᔪᒥᒃ ᐅᔭᕋᖕᓂᐊᖅᑕᐅᔪᒃᓴᒥᒃ. ᕿᓂᖅᑏᑦ ᐃᓱᒪᑦᑎᐊᕋᓱᒋᐊᖃᓲᖑᕗᑦ, 1ᑐᐊᑯᓗᒃ 1,000ᓂᑦ ᕿᓂᕐᓂᕐᒧᑦ ᐱᓕᕆᐊᒃᓴᑦ ᐅᔭᕋᖕᓂᐊᕐᕕᙳᖅᑎᑕᐅᓲᖑᖕᒪᑦ.
    • ᓇᓂᓯᓂᖅ ᓄᓇᒥᒃ ᖃᐅᔨᓴᕆᐊᕐᓇᒃᑲᓪᓕᕐᓇᓲᖑᕗᖅ ᓲᖃᐃᒻᒪᓗ ᐱᕈᖅᑎᑦᑎᓇᓱᐊᕐᓂᕐᒧᑦ ᑮᓇᐅᔭᑦ ᐊᑭᓕᖅᑕᐅᔪᓐᓇᕐᓂᐊᕐᒪᑕ ᐃᖅᑲᓇᐃᔭᒃᑲᓐᓂᕆᐊᖃᖅᑐᑦ ᓇᓂᓯᔪᖃᕌᖓᑦ ᐊᑭᑐᔪᒥᒃ. ᐅᔭᕋᖕᓂᐊᒐᒃᓴᖅᑕᓖᑦ ᐊᑭᖃᖅᑐᑦ ᑮᓇᐅᔾᔭᒍᓐᓇᕈᑕᐅᓪᓗᑎᒃ ᐅᔭᕋᖕᓂᐊᕐᓂᒃᑯᑦ ᐅᔭᕋᖕᓂᐊᒐᒃᓴᓕᒡᔪᐊᖑᓂᕋᖅᑕᐅᕙᒃᐳᑦ. ᐊᒥᓱᓂᒃ ᐅᔭᕋᖕᓂᐊᒐᒃᓴᓂᒃ ᓇᓂᓯᔪᖃᕐᓂᑰᕗᖅ ᐅᑭᐅᖅᑕᖅᑐᕐᒥ ᐊᑭᑐᓗᐊᑲᓚᐅᖅᖢᑎᒃ ᐅᔭᕋᖕᓂᐊᖅᑕᐅᓇᓱᒋᐊᒃᓴᖅ. ᑮᓇᐅᔾᔭᕝᕕᐅᔪᓐᓇᑐᐃᓐᓇᕆᐊᖃᖅᑐᑦ ᐅᔭᕋᖕᓂᐊᒐᒃᓴᑦ ᐊᑭᑦᑐᕆᐊᖅᑎᑕᐅᒃᐸᑕ, ᐊᑭᒡᓕᒋᐊᖅᑎᑕᐅᔪᕐᓂᖃᖅᐸᓪᓘᓐᓃᑦ, ᓲᕐᓗ, ᖃᐅᒻᒪᖅᑯᑎᑦ ᐊᑭᒡᓕᒋᐊᖅᑎᑕᐅᓐᓂᖅᐸᑕ, ᐊᖅᑯᑎᒃᑰᕈᓐᓇᕐᓂᕐᓘᓐᓃᑦ ᐅᕝᕙᓘᓐᓃᑦ ᓄᑖᖑᔪᑦ ᓄᑖᙳᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᑦ.

<liᐅᔭᕋᖕᓂᐊᕐᕕᓕᐅᕐᓂᕐᒧᑦ ᐃᓚᒋᔭᐅᕗᑦ ᓄᓇᒥᒃ ᖃᐅᔨᓴᕐᓂᒃᑯᑦ ᐊᑐᕆᐊᖃᕐᓇᕐᓂᖅᓴᐅᔪᖅ, ᐊᕙᑎᒧᑦ ᓴᓇᔭᐅᔪᒃᓴᓂᒡᓗ ᐋᖅᑭᒃᓱᐃᓂᖅ ᐊᒻᒪᓗ ᖃᐅᔨᓴᕐᓂᖅ, ᑲᔪᓯᑦᑎᐊᖅᕈᓐᓇᖅᑎᒋᓂᕐᒧᑦ ᖃᐅᔨᓴᕐᓂᐅᔪᑦ ᓇᓗᓇᐃᖅᓯᑎᑦᑎᓂᕐᒧᑦ ᑮᓇᐅᔭᓕᕆᓂᕐᓂᒃ, ᑮᓇᐅᔭᓂᒡᓗ ᑲᑎᖅᓱᐃᕐᔪᐊᕐᓂᕐᒥᒃ ᐱᓗᐊᖅᑐᒥᒃ ᐅᔭᕋᖕᓂᐊᕐᕕᐅᑉ ᓴᓇᔭᐅᓂᖓᓄᑦ, ᐊᑭᖃᕈᓐᓇᖅᖢᓂ ᐱᓕᐊᓐ ᑖᓚᖏᓐᓂ. ᑭᓯᐊᓂ ᑭᓱᓗᒃᑖᑦ ᐋᖅᑭᒃᓯᒪᑦᑎᐊᕌᖓᑕ, ᐃᓚᒋᔭᐅᓪᓗᑎᒃ ᓄᓇᓕᐅᑉ ᐃᑲᔪᖅᓱᕐᓂᖓ ᐊᒻᒪᓗ ᐊᕙᑎᒧᑦ ᐱᔪᓐᓇᐅᑎᑦ ᐃᖏᖅᑕᐅᓯᒪᓂᕐᓗ, ᑲᒻᐸᓂᐅᔪᖅ ᓴᓇᔪᓐᓇᖅᓯᓕᑕᐃᓐᓇᓲᖑᕗᖅ.

  • ᓴᓇᓂᖅ ᐅᔭᕋᖕᓂᐊᕐᕕᖕᒥᒃ ᐊᑯᓂᐅᓂᖃᓲᖑᕗᖅ ᐊᑯᓐᓂᖓᓂ 2-3ᓂᒃ ᐊᕐᕌᒍᓂᒃ, ᐃᖅᑲᓇᐃᔨᑕᖃᐅᕐᓇᕆᐊᖃᓲᖑᓪᓗᓂ ᐊᔾᔨᒌᙱᑦᑑᑎᓂᒃ ᓴᓇᔪᓐᓇᕐᓂᖃᕐᓗᑎᒃ, ᐊᑭᖃᕈᓐᓇᓲᖑᓪᓗᓂᓗ ᐅᖓᑖᓂ $1 ᐱᓕᐊᓐ ᑖᓚᑦ.
  • ᐅᔭᕋᖕᓂᐊᖅᐸᓪᓕᐊᓂᖅ ᐲᔭᐃᕙᓪᓕᐊᓂᐅᕗᖅ ᐊᑭᑐᔪᓂᒃ ᐅᔭᕋᖕᓂᐊᒐᒃᓴᓂᒃ ᐊᑕᖓᕝᕕᒋᔭᖏᓐᓂᑦ ᐅᔭᖅᑲᓂᑦ, ᐱᔭᕆᐊᑐᓐᓇᖅᖢᓂᓗ. ᐅᔭᖅᑲᑦ ᐅᔭᕋᖕᓂᐊᖅᑕᐅᖅᑰᓲᖑᕗᑦ ᓄᓇᒥ, ᓯᖃᓪᓕᖅᑕᐅᓪᓗᑎᒃ, ᐃᓛᓐᓂᒃᑯᑦ ᓯᐅᕋᙳᖅᑎᑕᐅᕙᒃᖢᑎᒃ, ᐃᓚᐅᕈᑎᖃᖅᑐᒃᑯᑦ ᐃᓚᐅᕈᑎᖃᙱᒃᑐᒃᑯᓪᓘᓐᓃᑦ ᐊᕕᒃᓯᒪᑎᑕᐅᓕᓲᖑᓪᓗᑎᒃ ᐊᑭᑐᔪᑦ ᐊᑐᖅᑕᐅᔾᔮᙱᑦᑐᓪᓗ. ᐊᑐᖅᑕᐅᔾᔮᙱᑦᑐᑦ ᐅᔭᕋᖕᓂᐊᕐᕕᖕᒥ ᑐᖅᑯᖅᑕᐅᓯᒪᐃᓐᓇᓕᖅᐸᒃᖢᑎᒃ, ᐊᑭᑐᔪᑦ ᐅᔭᕋᖕᓂᖃᒐᒃᓴᖅ ᓂᐅᕕᐊᒃᓴᙳᖅᑎᑕᐅᓕᓲᖑᓪᓗᑎᒃ. ᐅᔭᕋᖕᓂᐊᖅᐸᓪᓕᐊᓂᖅ ᐃᑲᔪᖅᓱᕈᓐᓇᖅᑐᖅ 10ᖏᓐᓂᑦ 100ᖏᓐᓄᑦ ᑕᐃᓴᖏᓐᓂ ᐃᖅᑲᓇᐃᔮᓂᒃ ᐊᑯᓂᐅᓂᖃᕈᓐᓇᖅᖢᑎᒃ ᐊᕐᕌᒍᑦ ᖃᔅᓰᓐᓇᖏᓐᓂᑦ ᖁᓕᕋᓴᖏᓐᓄᑦ. ᐃᓚᖏᑦ ᐅᔭᕋᖕᓂᐊᕐᕕᑦ ᐱᑕᖃᕐᓂᑰᒻᒪᕆᓕᖅᑐᑦ ᐊᕐᕌᒍᑦ 100 ᐅᖓᑖᓂᑦ ᐱᕕᒃᓴᖃᖅᑎᑦᑎᓂᑰᓕᖅᖢᑎᒡᓗ ᐃᑲᔫᑎᒃᓴᖃᖅᑎᒃᑎᓂᑰᓕᖅᖢᑎᒡᓗ ᑭᖑᓕᕇᒃᑐᒐᓇᖕᓄᑦ.
  • ᒪᑐᔭᐅᓂᖓ ᓴᓗᒻᒪᖅᓴᖅᑕᐅᓂᖓᓗ ᑭᖑᓪᓕᕐᒥ ᑲᒪᒋᔭᐅᓲᖑᔪᖅ ᒪᑐᔭᐅᓂᖓᓕᕌᖓᑦ ᐅᔭᕋᖕᓂᐊᕐᕕᒃ ᐅᑎᖅᑎᑕᐅᓂᐊᓕᕌᖓᓗ ᐅᔭᕋᖕᓂᐊᕐᕕᒃ ᐊᑦᑕᕐᓇᕐᓂᖃᕈᓐᓃᖅᑎᑕᐅᓗᓂ ᐅᔭᕋᖕᓂᐊᕐᕕᐅᓚᐅᓱᖓᖅᑐᑎᑐᑦ. ᐃᒡᓗᕐᔪᐊᑦ ᓱᕋᒃᑎᕆᔭᐅᓪᓗᑎᒃ ᓄᓇᓗ ᐋᖅᑭᒃᓱᖅᑕᐅᓪᓗᓂ. ᓇᐅᒃᑯᓗᒃᑖᑲᓴᒃ ᐱᕈᖅᑐᖃᒃᑲᓐᓂᓲᖑᕗᖅ, ᐅᓗᒥᓘᓐᓃᑦ ᑕᐃᒃᑯᓄᖓ ᐱᕈᖅᐸᓚᐅᖅᑐᓂ ᐅᔭᕋᖕᓂᐊᕐᕕᐅᓚᐅᖅᑐᓂ. ᓴᓗᒻᒪᖅᓴᐃᓂᖅ ᐱᒋᐊᖅᑎᑕᐅᒐᔪᓲᖑᕗᖅ ᒪᑐᔭᐅᕝᕕᒃᓴᖓᑕ ᓯᕗᓂᓪᓛᓗᐊᒍᑦ. ᒪᑐᔭᐅᓂᖓᓄᑦ ᓴᓗᒻᒪᖅᓴᖅᑕᐅᓂᖓᓄᓪᓗ ᐸᕐᓇᐃᓂᖅ ᐸᕐᓇᒃᑕᐅᕙᒌᓲᖑᔪᑦ ᐅᔭᕋᖕᓂᐊᕐᕕᒃ ᓴᓇᔭᐅᓚᐅᖅᑳᖅᑎᓐᓇᒍᓘᓐᓃᑦ, ᐅᔭᕋᖕᓂᐊᖅᑐᖃᖅᑎᓪᓗᒍ, ᐅᔭᕋᖕᓂᐊᕈᓐᓇᓛᕐᒪᑕ ᒪᑐᔭᐅᒃᐸᑦ ᐱᔭᕆᐊᑐᙱᓐᓂᖅᓴᐅᓛᕐᒪᑦ. ᐃᓛᓐᓂᒃᑯᑦ ᓴᓗᒻᒪᖅᓴᐃᓂᖅ ᐱᒋᐊᖅᑎᑕᐅᓲᖑᔪᖅ ᐅᔭᕋᖕᓂᐊᖅᑐᖃᖅᐸᓪᓕᐊᑎᓪᓗᒍ ᓯᕗᒧᒃᐸᓪᓕᐊᓂᒃᑯᑦ ᓴᓗᒻᒪᖅᓴᕐᓂᐅᓂᕋᖅᑕᐅᔪᒥᒃ ᐊᑐᖅᖢᑎᒃ. ᐅᔭᕋᖕᓂᐊᕐᕖᑦ ᐊᓂᒍᐃᑐᐃᓐᓇᖃᑦᑕᙱᖦᖢᑎᒃ ᒪᑐᓯᓂᕐᒧᑦ ᐸᕐᓇᐅᑎᓂᒃ ᑭᓯᐊᓂᑦᑕᐅᖅ ᑐᓂᓯᕐᔪᐊᖅᑳᕆᐊᖃᓲᖑᕗᑦ ᑭᓇᐅᔭᓂᒃ ᑮᓇᐅᔭᖃᕐᓂᕋᐃᔾᔪᑎᓂᒃ ᐅᔭᕋᖕᓂᐊᕐᕕᐅᑉ ᒪᑐᔭᐅᓂᖓᓄᑦ ᓂᕆᐅᒋᔭᐅᙱᓪᓗᓂ ᑮᓇᐅᔭᖃᕈᓐᓃᓕᑳᓪᓚᖕᓂᖅᐸᑕ, ᒐᕙᒪᒃᑯᓪᓕ ᓴᓗᒻᒪᖅᓴᐃᔭᕆᐊᖃᖔᓕᕐᓗᑎᒃ.

 

ᒫᓐᓇ ᐅᔭᕋᖕᓂᐊᕐᓂᖅ ᓄᓇᑦᓯᐊᕐᒥ ᑕᕆᔭᒐᒃᓴᖅ
ᓇᕿᓪᓗᒋᑦ ᑲᓱᕐᕖᑦ ᐅᓇᓂ ᑕᐅᑐᒍᓐᓇᕐᓂᐊᕋᕕᒋᑦ ᑕᑯᓐᓇᒐᒃᓴᓕᐊᕆᔭᐅᔪᑦ ᓄᓇᑦᓯᐊᕐᒥ ᓄᓇᕗᒻᒥᓗ ᐅᔭᕋᖕᓂᐊᖅᑐᓕᕆᔨᑦ ᑲᑐᔾᔨᖃᑎᒌᖏᓐᓄᑦ. ᓴᓇᔭᐅᓚᐅᖅᖢᓂ 2007ᒥ, ᑕᑯᓐᓇᒐᒃᓴᓕᐊᕆᔭᐅᔪᖅ, ᓴᖅᑭᔮᖅᑎᑦᑎᕙᒃᖢᓂ ᐅᑭᐅᖅᑕᖅᑐᕐᒥ ᑕᑯᔭᐅᔪᒃᓴᓂᒃ ᐅᔭᕋᖕᓂᐊᖕᓂᐊᕐᓂᐅᑉ ᑲᐃᕙᓂᖓᓂᑦ.
ᐱᒋᐊᕈᑎᖓ
ᓄᓇᒃᑯᑦᑕᐃᓐᓇᖅ ᖃᐅᔨᓇᓱᒃᑕᖃᕐᓂᖅ
ᐃᓗᕙᓯᖕᓂᖅᓴᒃᑯᑦ ᖃᐅᔨᓇᓱᒃᑕᖃᕐᓂᖅ
ᐱᔪᓐᓇᖅᑎᑕᐅᓂᖅ, ᐱᕙᒌᔭᐅᕙᓪᓕᐊᓂᖅ ᓴᓇᔭᖃᕐᓂᕐᓗ
ᐅᔭᕋᖕᓂᐊᖅᑕᒃᓴᓂᒃ ᐊᑐᖅᑐᒃᓴᙳᖅᑎᕆᔾᔪᓯᖅ
ᐅᔭᕋᖕᓂᐊᕐᕕᐅᑉ ᒪᑐᔭᐅᓂᖓ

ᐅᔭᕋᖕᓂᐊᕐᓂᐅᑉ ᑲᐃᕙᓂᖓ. ᓇᑭᙶᕐᓂᖓ: ᓄᓇᒥᙶᖅᑐᓕᕆᔨᑦ ᑲᓇᑕᒥ