ᑐᑦᑕᕐᕕᒃ » ᐅᔭᖅᑲᓂᒃ ᐊᑐᖅᑕᐅᔾᔮᙱᑦᑐᓂᒃ ᒥᐊᓂᕆᔭᖃᕐᓂᖅ

ᐅᔭᖅᑲᓂᒃ ᐊᑐᖅᑕᐅᔾᔮᙱᑦᑐᓂᒃ ᒥᐊᓂᕆᔭᖃᕐᓂᖅ

ᐅᔭᕋᖕᓂᐊᖅᖢᓂ ᒪᕐᕈᐃᓂᒃ ᐊᑐᖅᑕᐅᔾᔮᑦᑐᓂᒃ ᐱᑕᖃᓕᖅᑎᑦᑎᒍᐊᒃᐳᖅ: ᐅᔭᖅᑲᑦ ᐊᒡᕖᖅᑎᖅᑕᐅᔪᑦ ᐊᒻᒪ ᓯᖃᓕᔭᐅᔪᑦ ᐲᔭᐃᕝᕕᐅᓇᓱᒧᑦ ᐃᓚᐅᖅᑑᑎᖃᑐᐃᓐᓇᕆᐊᖃᖅᖢᑎᒃ.

ᐅᔭᖅᑲᑦ ᐊᑐᖅᑕᐅᔾᔮᙱᑦᑐᑦ, ᓯᕗᓂᖔᖓᓃᑉᐳᖅ, ᑕᐃᐊᕕᒃ ᑕᐃᒪᓐ ᐅᔭᕋᖕᓂᐊᕐᕕᐅᑉ ᓄᓇᐅᑉ ᖄᖓᓂ ᐅᔭᕋᖕᓂᐊᕐᕕᖏᓐᓂᑦ. ᖁᓪᓕᕐᒥ ᑕᓕᖅᐱᒃᓖᖅ ᐅᔭᕋᖕᓂᐊᕐᕕᐅᑉ ᐲᔭᐃᕝᕕᐅᕌᓂᒃᓯᒪᔪᑦ ᑕᐃᒪᓐᖃᓲᑦᑦ ᐴᖅᑲᖅᑕᐅᓯᒪᕝᕕᐊ. ᖃᐅᔨᓴᕋᓱᒧᑦ ᐅᔭᖅᑲᓂᒃ ᐊᑐᖅᑕᐅᔾᔮᙱᓕᖅᑐᓂᒃ, ᐅᔭᕋᖕᓂᐊᕐᕕᒃ ᓄᓇᕐᔪᐊᕐᒥ ᐊᖏᓛᖑᔪᒥᒃ ᐅᔭᖅᑲᓂᒃ ᐊᑐᖅᑕᐅᔾᔮᙱᓕᖅᑐᓂᒃ ᖃᐅᔨᓴᕐᕕᓕᐅᓚᐅᖅᓯᒪᔪᖅ. ᐅᔭᕋᖕᓂᐊᕐᕕᐅᑉ ᑐᓴᒐᒃᓴᓕᐊᕆᓯᒪᕙᒃᑕᖏᓐᓂᙶᖅᑐᒥᒃ ᐅᖃᓕᒫᕈᒪᒍᕕᑦ ᐅᓇ ᓇᕿᓪᓗᒍ.ᐊᔾᔨᙳᐊᖅ: ᑕᐃᐊᕕᒃ ᑕᐃᒪᓐ ᐅᔭᕋᖕᓂᐊᕐᕕᒃ 

ᐊᒡᕖᖅᑎᖅᑕᐅᔪᑦ ᑭᒪᒃᑕᐅᑐᐃᓐᓇᖅᐸᒃᐳᑦ ᕿᒧᒡᔪᙳᖅᑎᑕᐅᓪᓗᑎᒡᓘᓐᓃᑦ ᐊᖅᑯᑎᓄᑦ ᐊᓯᖏᓐᓄᓪᓗ ᐊᑐᖅᑎᑕᐅᕙᒃᑭᓪᓗᑎᒃ.

ᐅᔭᖅᑲᑦ ᐲᔭᐃᕝᕕᐅᔪᑦ ᑲᑎᖅᓱᖅᑕᐅᕙᒃᐳᑦ ᐃᒪᕐᓗᑯᓄᑦ ᑕᓯᕋᓕᐊᓂ ᐅᔭᕋᖕᓂᐊᕐᕕᑦ ᐃᓚᖏᓐᓂ ᓇᓗᓇᐃᖅᑕᐅᓯᒪᓇᓱᒃᖢᑎᒃ ᐃᓚᐅᖅᑑᑎᖃᕐᓂᖏᓐᓂᒃ, ᐅᕝᕙᓘᓐᓃᑦ ᑕᐃᒪᓐᖃᓲᑦ ᐴᖅᑲᖅᑕᐅᓯᒪᕝᕕᖏᑦ ᑕᐃᒪᓐᓂᒃ ᐅᔭᕋᖕᓂᐊᕐᕕᖕᓂ, ᖃᐅᔨᒪᓇᖁᓪᓗᒍ ᐃᓚᐅᖅᑑᑎᖃᕐᓇᒍ ᐲᔭᐃᕕᐅᕙᖕᓂᖏᓐᓂᒃ.

ᐱᔪᓐᓇᑐᐊᕌᖓᒥᒃ, ᐃᓚᐅᖅᑑᑎᑦ ᐊᑐᖅᑕᐅᒃᑲᓐᓂᖃᑦᑕᐅᔭᖅᐸᒃᐳᑦ ᐊᓂᑕᐅᓚᐅᖅᑳᕋᑎᒃ ᐊᒃᑕᕐᕕᒃᓴᓕᐊᖑᓯᒪᔪᒧᑦ ᐅᔭᕋᒃ ᓯᖃᓕᑕᐅᓯᒪᔪᖅ ᑕᕝᕙᖓᑦᑕᐃᓐᓇᖅ ᐊᓂᑕᐅᒋᓪᓗᓂ, ᑕᒪᒃᑯᐊ ᐊᒃᑕᕐᕕᒃᓴᓕᐊᖑᓯᒪᔪᑦ ᑕᐃᔭᐅᓂᖃᖅᐸᒃᐳᑦ ᐃᒪᕐᓗᑯᓄᑦ ᑕᓯᕋᓕᐊᑦ, ᓴᓇᔭᐅᑦᑎᐊᖅᓯᒪᕙᒃᐳᑦ ᐊᓂᐊᕈᕝᕕᐅᕙᖁᓇᒋᑦ ᖃᓂᒋᔭᖏᓐᓃᑦᑐᓄᑦ ᐃᒪᕐᓄᑦ ᑰᖕᓄᑦ ᑕᓯᕐᓄᑦ ᐃᔅᓵᕿᖁᓇᒋᑦ.

ᐊᑐᕈᓐᓃᖅᑐᑦ ᑲᑎᖅᓱᖅᑕᐅᑦᑎᐊᕐᓂᐊᖅᐳᑦ ᐅᔭᕋᖕᓂᐊᕐᓂᓕᒫᖏᓐᓂᕐ ᑭᖑᓂᖓᒍᓪᓗ ᒥᐊᓂᕆᔭᐅᖏᓐᓇᕐᓂᐊᖅᐳᑦ ᒪᑐᔭᐅᓇᓱᖕᓂᖓᓂ ᓄᓇᓗ ᐅᑎᖅᑎᐅᕋᖅᑎᑕᐅᓂᖓᓂ.