ᑐᑦᑕᕐᕕᒃ » ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᓂᖅ

ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᓂᖅ

ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᓂᖅ ᐆᓇᖅᓯᑎᕆᕙᒃᐳᖅ ᐅᔭᕋᖕᓂᐊᖅᑕᕐᒥᒃ ᐃᓚᐅᖅᑑᑎᓂᒡᓗ ᒥᑭᒡᓕᑎᕆᔾᔪᑎᒥᒃ ᓴᕕᕋᔭᑐᐃᓐᓇᐅᓕᖅᑎᑦᑎᓇᓱᒧᑦ. ᑕᐃᒪᐃᓕᐅᕆᓂᒃᑯᑦ ᓴᕕᕋᔭᓕᐅᓪᓚᕆᒃᐸᒃᐳᑦ. ᐅᐊᔭᒃᑰᕈᑎᑐᕐᔪᐊᓂᑯᐊᓄᑦ ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᓂᖅ ᐊᑭᑐᔪᐊᓘᕗᖅ.

ᐊᑭᑐᔫᑕᐅᙱᑦᑐᓂᒃ ᓴᕕᕋᓕᐅᕐᓂᕐᒧᑦ ᐊᐅᒃᑎᕇᕝᕖᑦ ᐊᖏᔫᑎᑲᓪᓚᖕᓂᒃ ᐅᔭᕋᖕᓂᐊᒐᒃᓴᓕᖕᓂᒃ ᐊᑐᖅᑐᒃᓴᙳᖅᑎᕆᕙᒃᐳᑦ, ᐅᐊᔭᒃᑰᕈᑎᓂᒡᓗ ᐊᑐᖅᓯᔪᒻᒪᕆᐊᓘᕙᒃᐳᑦ ᓴᓇᔭᐅᓂᖏᓪᓗ ᐊᑐᖅᑎᑕᐅᓂᖏᓪᓗ ᐊᕗᖓᑲᓪᓛᓗᒃ ᐊᑭᖃᕋᔭᖅᖢᑎᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ. ᑕᐃᒪᐃᓐᓂᑯᐊᓄᑦ, ᐱᑕᖃᙱᓚᖅ, ᓴᓇᔭᐅᔪᖃᔾᔮᔪᒃᓴᐅᓇᓂᓗ ᐅᑭᐅᖅᑕᖅᑐᕐᒥ ᖃᓂᑦᑐᒃᑯᑦ.

ᒎᓗᓕ, ᐊᖏᔫᑕᐅᓈᖅᑎᖅᑕᐅᕙᙱᓐᓇᒥ ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᒐᒃᓴᐅᕗᖅ ᐊᐅᒃᓯᒪᔪᕐᓗ ᑯᕝᕕᖅᓴᐅᑕᐅᓗᓂ ᒎᓘᓪᓗᓂ ᑭᑉᐹᕇᒃᓯᑎᓯᒪᔪᓕᐊᖑᔪᓐᓇᖅᑐᖅ ᐃᓐᒐᑦᓚᔭᐅᓗᓂᓘᓐᓃᑦ ᐅᔭᕋᖕᓂᐊᕐᕕᖕᒥ.