ᑐᑦᑕᕐᕕᒃ » ᐊᑐᖅᑐᒃᓴᙳᖅᑎᕆᔾᔪᓯᖅ

ᐊᑐᖅᑐᒃᓴᙳᖅᑎᕆᔾᔪᓯᖅ

ᐅᔭᕋᖕᓂᐊᖅᑕᖅ, ᑲᑎᙵᐅᖃᑎᒌᒃᖢᑎᒃ ᐱᔭᐅᓇᓱᒃᑐᖅ ᐅᔭᕋᑐᐃᓐᓇᕐᓗ, ᓄᓇᐅᑉ ᖄᖓᓄᐊᕈᔾᔭᐅᔭᕌᖓᒥ, ᐊᑐᖅᑐᒃᓴᙳᖅᑎᕆᔾᔪᓯᒃᑰᖅᑎᑕᐅᔭᕆᐊᖃᖅᐳᖅ.

ᐅᔭᕋᖕᓂᐊᖅᑕᐅᔪᖅ ᐊᑐᖅᑐᒃᓴᙳᖅᑎᕆᔾᔪᓯᒃᑰᖅᑎᑕᐅᔪᓐᓇᖅᐳᖅ ᐅᔭᕋᖕᓂᐊᕐᕕᒋᔭᕐᒥ ᐅᕝᕙᓘᓐᓃᑦ ᐊᐅᓪᓚᖅᑎᑕᐅᔭᕆᐊᖃᖅᐳᖅ ᐊᑐᖅᑐᒃᓴᙳᖅᑎᕆᔾᔪᓯᒃᑰᖅᑎᑦᑎᔪᓐᓇᖅᑐᓄᑦ ᓯᖃᓪᓕᑎᕆᕝᕕᖕᓄᑦ, ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᕝᕕᖕᒧᑦ, ᐊᒻᒪᓘᓐᓃᑦ ᓴᕕᕋᔭᑦᑎᐊᕙᙳᖅᑎᕆᕝᕕᖕᓄᑦ.

ᑲᒪᒋᔭᐅᕙᓪᓕᐊᓂᖓ ᐱᒋᐊᕐᖓᐅᑎᖃᖅᐸᒃᐳᖅ ᐃᕐᓂᒃᖠᓂᕆᓂᕐᒥᒃ. ᑕᐃᒪᑎᑕᐅᒍᐊᒃᐳᖅ ᓯᖃᓕᑎᕆᓂᒃᑯᑦ ᐅᔭᕋᐅᓂᕆᔭᖓ ᒥᑭᑦᑑᑎᙳᖅᓯᒪᓕᕌᖓᒥ ᐱᓕᕆᐊᖑᔭᕐᓂᕐᓂᖅᓴᐅᓕᕈᐊᖕᒪᑦ.

ᓯᖃᓪᓕᖅᓯᒪᓕᖅᑐᖅ ᐃᖕᒥᒃᑯᑦ ᐊᐅᓚᔪᒃᑯᑦ ᑲᐃᕕᑦᑐᓄᑦ ᓴᕕᕋᔭᐅᔪᓄᐊᖅᑲᖅᑕᐅᓕᖅᖢᑎᒃ ᓯᖃᓖᔾᔪᑕᐅᓂᕋᖅᑕᓄᑦ, ᐃᒪᕐᒧᑦ ᖃᑯᑎᒃᑯᓪᓗ ᐃᓚᐅᖅᑑᓯᖅᓯᒪᔪᒧᑦ ᐃᖑᓚᑕᐅᖃᓯᐅᔾᔭᐅᓕᖅᑎᑕᐅᓪᓗᓂ. ᓯᖃᓖᓂᒃᑯᑦ ᐅᔭᕋᖕᓂᐊᑕᐅᓇᓱᒃᑐᖅ ᐊᑐᖅᑕᐅᔾᔮᙱᑦᑐᒥᑦ ᐅᔭᖅᑲᒥᑦ ᐊᕙᑕᖐᓯᒪᔪᒥᑦ ᐲᔭᖅᑕᐅᕙᒃᐳᖅ.

ᑕᐃᒪᓕᐅᖅᑕᓂᕐᒥᒍᑦ ᒪᕋᐅᓕᖅᖢᓂ ᐃᓱᖅᑐᐊᓘᓕᖅᖢᓂᓗ.

ᐅᔭᕋᖕᓂᐊᖅᑕᑉ ᑭᓲᓂᖓ ᒪᓕᒃᖢᒍ ᑭᖑᓂᖓᒍᑦ ᖃᓄᐃᓕᐅᖅᑕᐅᔾᔪᓯᑦ ᐊᔾᔨᒌᙱᑦᑑᑕᐅᐸᓗᒃᐳᑦ.

ᒎᓗᒧᓪᓗ ᕿᓪᓕᖅᑐᒧᓪᓗ ᐊᑭᑭᓐᓂᖅᐹᖑᕗᖅ ᑖᒃᑯᐊᒃ ᓴᕕᕋᔭᑦᑎᐊᕚᒃ ᐊᑐᙱᑦᑐᒥᑦ ᐊᕕᒃᑎᑦᑕᕆᐊᒃᓴᖏᒃ ᐊᑐᖅᓯᑎᖦᖢᒍ ᐃᒃᑕᕆᖕᓂᕆᔭᖏᒃ ᐃᓚᐅᖅᑑᑎᖃᕐᓂᕆᔭᖏᒡᓗ.

ᐃᒃᑕᕆᖕᓂᕆᔭᖏᑎᒍᑦ ᐊᕕᒃᑎᑕᒃᓴᐅᙱᑦᑕᕌᖓᑕ ᐅᔭᕋᖕᓂᐊᖅᑕᐅᓇᓱᒃᑐᑦ, ᐃᓚᐅᖅᑑᑎᓂᒃ ᓲᕐᓗ ᓴᐃᔭᓇᐃᑦ ᓴᓗᒻᒪᖅᓴᐅᑦ ᐊᑦᑕᕐᓇᖅᑐᖅ ᐊᑐᖅᓯᕙᒃᐳᑦ ᐅᔭᕋᖕᓂᐊᒐᒃᓴᒥᒃ ᐊᐅᒃᑎᑦᑎᔾᔪᑎᒋᔭᐅᓪᓗᒍ. ᑳᐸᓐᒥᒃ ᐊᓂᐊᕋᐃᓂᖅ ᐊᑐᖅᑕᐅᔪᓐᓇᕆᕗᖅ ᓴᕕᕋᔭᑦᑎᐊᕙᒃᑕᐅᑎᒋᓇᓱᒃᖢᒍ.

ᐊᑭᑐᔪᒃᓴᔭᐅᙱᑦᑐᓂᑦ ᓴᕕᕋᔭᒃᑕᕋᓱᒍᓯᖅ ᓲᕐᓗ ᒪᑯᓂᖓ ᑲᓐᓄᔭᖅ, ᐊᕿᑦᑑᔭᖅ, ᓯᐊᕐᓇᖅ or ᑮᓇᐅᔭᒃᓴᖅ, ᐊᔾᔨᒋᔭᐅᙱᒻᒪᕆᒃᐳᖅ ᑕᐃᒪᓐᑕᕋᓱᖕᓂᕐᒧᑦ ᒎᓗᑕᕋᓱᖕᓂᕐᒧᓪᓘᓐᓃᑦ. ᐅᔭᕋᖕᓂᐊᕋᓱᒃᑕᖅ ᓯᖃᓪᓕᓯᒪᓕᖅᑎᓪᓗᒍ ᐳᒃᑕᓛᕐᕕᖕᓄᐊᖅᑲᖅᑕᐅᕙᒃᐳᖅ ᐃᖑᓚᖅᑕᔪᐊᓘᓕᖅᖢᓂ ᖃᐳᐊᕿᑎᑕᐅᔪᒧᑦ ᓱᐴᕐᕕᐅᓪᓗᓂ.

ᐅᔭᕋᖕᓂᐊᕋᓱᒃᑕᖅ ᖃᐳᐊᖕᓄᑦ ᓂᐱᑉᐸᓪᓕᐊᕙᒃᖢᓂ ᖄᖓᓄᐊᕌᖓᑕ ᑎᓚᐃᕋᖅᑕᐅᓕᖅᐸᒃᖢᑎᒃ ᐊᓯᐊᓄᐊᖅᑲᖅᑕᐅᓪᓗᑎᒃ ᐊᕙᒻᒧᐊᑐᓄᑦ ᑎᓚᐅᕋᖅᓯᔾᔪᑎᓄᑦ. ᐅᔭᖅᑲᑦ ᐊᑐᙱᑦᑐᑦ ᕿᒪᒃᑎᐸᒃᖢᑎᒃ. ᐅᔭᕋᖕᓂᐊᖅᑕᖅ ᐃᓛᒃᑰᓕᖅᑎᑕᐅᓕᖅᖢᓂ ᕿᒪᒃᑎᖅᑕᐅᓂᒃᑯᑦ, ᓴᓗᐊᖅᓴᖅᑕᐅᓕᖅᖢᓂᓗ ᐊᐅᓪᓚᖅᑎᑕᐅᔪᒃᓴᐅᑎᙳᖅᖢᓂ ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᕝᕕᖕᒧᑦ.

ᐊᑭᑐᔪᒃᓴᔭᐅᙱᑦᑐᓂᑦ ᓴᕕᕋᔭᙳᖅᑎᕆᓇᓱᒍᑏᑦ ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᕝᕖᑦ ᐊᑭᑐᔪᕐᔪᐊᓪᓛᓘᖕᒪᑕ ᐊᑐᖅᓯᕐᔪᐊᕆᐊᖃᖅᖢᑎᒡᓗ ᐊᐅᔭᒨᖅᑐᓂᒃ ᐊᐅᓚᔪᓐᓇᐅᑎᓂᒃ ᐊᒻᒪ ᐃᓚᐅᖅᑑᑎᑲᓪᓚᖕᓂᒃ. ᒫᓐᓇ ᐱᑕᖃᙱᓚᖅ ᐱᑕᖃᓕᓛᕈᒥᓇᕋᓂᓗ ᓄᓇᑦᑎᐊᕐᒥ. ᒎᓗᓕ ᑲᑎᙵᓂᖃᕐᔪᐊᕋᓗᐊᕋᒥᒃ ᒥᑭᑦᑑᑕᐅᖏᓐᓇᕈᐊᖕᒪᑦ ᐊᑭᑐᔪᒃᓴᔭᐅᙱᑦᑐᓂᑦ ᓴᕕᕋᔭᖕᓂᐅᖓᓂᑦ. ᑕᐃᒪᓐᓂᑯᐊᓄᑦ ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᒐᒃᓴᐅᕗᖅ ᐅᔭᕋᖕᓂᐊᖅᑕᐅᕝᕕᒋᔭᕐᒥᓂ.

ᓯᕕᖓᓂᖃᕐᔪᐊᖅᑎᑕᒃᑯᑦ ᐃᖏᕐᕋᕙᓪᓕᐊᓪᓗᓂ ᓅᑎᕆᔾᔪᑎᑎᒍᑦ ᑕᐃᒪᓐᓖᑦ ᑭᑉᐳᓚᐃᑦ ᐃᔾᔪᓂᓕᒃᑎᒍᑦ ᐊᕕᒃᑎᕆᕝᕕᖕᒧᐊᖅᑕᐅᕙᒃᐳᑦ. ᑕᐃᒫᒃᑯ ᐋᖅᑭᒃᓯᒪᓂᖃᖅᑎᑕᖅ ᐅᔭᕋᖕᓂᐊᖅᑕᒥᒃ ᐊᕙᒻᒧᐊᒍᓐᓇᐃᓪᓕᑎᑦᑎᕙᒃᐳᖅ ᐊᑐᖅᑕᒃᓴᙳᖅᑎᕆᕝᕕᖕᒥᒡᓗ ᐃᓂᖅᑯᙱᓐᓂᕐᒥᒍᑦ ᑐᓪᓕᓂᑭᑉᐳᖅ.
ᐊᔾᔨᙳᐊᖁᑎᒋᔭᖅ: ᑕᐃᐊᕕᒃ ᑕᐃᒪᓐᓂᐊᖅᑎᑦ

ᑕᐃᒪᓐᓴᐃᑦ ᐊᑐᖅᑐᒃᓴᙳᖅᑎᕆᔾᔪᓯᖓᑦ ᐃᓚᐅᖅᑑᑎᓅᖓᙱᑦᑐᓐᓇᖅᐳᓪᓕ ᑲᑎᙵᔪᓐᓃᖅᑎᑕᐅᓇᓱᒋᐊᕈᑎᒃ ᑭᒻᐳᓚᐃᑦᒥᑦ. ᑕᐃᒪᐃᑦ ᐊᔾᔨᒋᔭᐅᙱᑦᑐᒥᒃ ᐃᔾᔪᓂᖃᕐᒪᑕ, ᑎᓯᓂᖃᕐᒪᑕ ᖃᐅᒪᓂᖃᕐᒪᑕᓗ ᐃᓂᒋᔭᖏᓐᓂᑦ ᐲᔭᒐᕐᓂᕈᑎᒋᔭᒥᖕᓂᑦ. ᐊᑐᖅᑐᒃᓴᙳᖅᑎᕆᕝᕕᖕᒥ, ᑕᐃᒪᒃᓴᐃᑦ ᐃᓚᔭᐅᕙᒃᐳᑦ ᐃᒪᕐᒧᑦ ᕕᐅᕈᔅᑳᓐᒧᓪᓗ (ᓯᐅᕋᕐᒧᑦ ᓂᐱᖅᑲᕐᓇᐅᔪᒧᑦ) ᑲᐃᕕᑦᑐᒧᐊᖅᑕᖅᑕᐅᖅᑲᖅᖢᑎᒃ ᐊᕕᒃᑎᕆᔨᐅᔪᒧᑦ ᑕᐃᒪᓐᒥᒃ ᑕᐃᒪᓐᑕᖃᕐᓂᕋᐃᔾᔪᑎᑐᐃᓐᓇᕐᓂᒡᓗ ᐊᑐᖅᓯᓪᓗᑎᒃ ᐃᔾᔪᓂᕆᔭᕐᒥᒃ. ᐱᕕᒋᔭᖃᕐᕕᖕᒥ, ᑕᐃᒪᐃᑦ ᑲᑎᙵᔪᓐᓃᖅᑎᖅᑕᐅᕙᒃᐳᑦ ᐅᔭᖃᒥᑦ ᐊᑐᔾᔮᙱᑦᑐᒥᑦ ᐊᑐᖅᓯᓪᓗᑎᒃ ᐊᒃᔅᕋᐃᓂᒃ ᐊᑐᓲᖑᕗᑦ ᑕᐃᒪᐃᑦ ᐃᓛᒃᑯᑦ ᐃᓕᖅᑯᓯᕆᔭᖏᑦᑎᒍᑦ ᓴᖅᑭᑎᑦᑎᔾᔪᑎᒋᓪᓗᒍ – ᑕᐃᒪᐃᑦ ᕿᓪᓕᖅᐸᖕᒪᑕ ᑕᐃᒪᐃᑦᑐᒧᑦ ᐃᑯᒪᒧᑦ ᐅᖅᓱᖅᑎᖅᓯᒪᔪᓂᒃ ᐊᓪᓕᕋᕐᓃᖦᖢᑎᒃ.

ᐊᔾᔨᓕᐅᕈᑕᐅᔭᑦ ᖃᐅᒪᓂᖏᑦ ᐊᑐᖅᑕᐅᓕᖅᐸᒃᐳᑦ ᐃᓕᐅᕋᑦᑎᐊᖅᓯᒪᐅᖅᑐᑦ ᓱᐱᓯᑳᓪᓚᒍᑎᓄᑦ ᑕᐃᒪᐃᑦ ᓱᐱᔭᐅᒐᒥ ᓅᑎᕆᕝᕕᖕᒧᐊᖅᑎᑕᐅᓚᐅᖅᖢᑎᒃ ᑲᑎᖅᓱᐃᕝᕕᖕᒧᐊᖅᑕᐅᓕᖅᐸᒃᖢᑎᒃ.

ᐊᔪᕐᓇᙱᑦᑕᕌᖓ, ᐃᓚᐅᖅᑑᑎᑦ ᐊᑐᓕᖅᑭᒃᑕᐅᒃᑲᓐᓂᖃᑦᑕᐅᔭᖅᐸᒃᐳᑦ ᑲᑎᖅᓱᐃᕝᕕᖕᒧᐊᖅᑕᐅᓚᐅᖅᑳᕋᑎᒃ ᒥᓪᓗᐊᖅᑕᐅᓂᒃᑯᑦ ᐱᖃᓯᐅᔾᔭᐅᕙᒃᖢᑎᒃ ᐅᔭᖅᑲᑦ ᐊᑐᔾᔮᙱᑦᑐᑦ ᓯᖃᓪᓕᓯᒪᑦᑎᐊᖅᑐᑦ. ᑕᒪᒃᑯᐊ ᑕᐃᔭᐅᕙᒃᑐᑦ ᐃᒪᕐᓗᑯᓄᑦ ᑕᓯᕋᓕᐊᑦ, ᐊᖅᑭᒃᑕᐅᓯᒪᓂᖃᑦᑎᐊᖅᐸᒃᐳᑦ ᓯᐊᒻᒪᒃᐸᓪᓕᐊᖁᓇᖏᑦ ᓱᕈᖅᑎᕆᖁᓇᒋᑦ ᖃᓂᒋᔭᖏᓐᓃᑦᑐᓂᒃ ᑕᓯᕐᓂᒃ ᑰᖕᓂᒡᓗ.