ᑐᑦᑕᕐᕕᒃ » ᐊᑐᖅᑕᐅᓂᑯᑦ

ᐊᑐᖅᑕᐅᓂᑯᑦ

ᐊᑐᖅᑕᐅᔪᒃᓴᓂᒃ ᐱᕙᓪᓕᖅᐸᓪᓕᐊᑎᑦᑎ ᐱᒻᒪᕆᐅᔪᒥᒃ ᓴᙱᔪᒥᒡᓗ ᐊᑐᖅᑕᐅᓂᑰᓂᖃᖅᐳᖅ ᐅᑭᐅᖅᑕᖅᑐᕐᒥ – ᐃᖅᑲᐅᒪᓇᕈᑎᒋᔭᐅᕗᖅ ᑕᐃᒪᙵᓂᑦ ᐊᕐᕌᒍᑦ 80 ᐅᖓᑖᓂ ᑕᒪᐃᓐᓄᑦ ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔫᖕᓄᑦ. ᓄᑖᓂᒃ ᐅᔭᕋᖕᓂᐊᕐᕕᖕᓂᒃ ᓴᖅᑭᒃᑐᖃᐃᓐᓇᐅᔭᕐᓂᑯ ᑕᒪᐃᓐᓂ ᐊᕐᕌᒍᑦ ᖁᓕᖏᖅᓱᖅᑎᑕᐅᓯᒪᔪᓂ ᑕᐃᒪᙵᓂᑦ 1930ᖏᓐᓂᐅᓚᐅᖅᑎᓪᓗᒍ, ᐃᓚᒋᔭᐅᓪᓗᑎᒃ;

1930ᖏᓐᓂ – ᐊᓪᑐᕌᑐ (ᕋᐃᑎᐊᒻ, ᓄᖑᑦᑐᐃᑦᑐᖅ), ᑲᓐ, ᓇᒐᔅ, ᕋᐃᑲᓐ (ᒎᓗ)
1940ᖏᓐᓂ – ᔭᐃᐊᓐᑦ, ᑖᒻᓴᓐ-ᓚᓐᒫᒃ (ᒎᓗ)
1950ᖏᓐᓂ – ᑲᖏᖅᖠᓂᖅ (ᑮᓇᐅᔭᒃᓴᖅ), ᑎᔅᑲᕗᕆ (ᒎᓗ)
1960ᖏᓐᓂ – ᐸᐃᓐ ᐳᐃᓐᑦ (ᓯᐊᕐᓇᖅ-ᐊᕿᑦᑐᔭᖅ), ᑳᓐᑕᖕ (ᑕᖕᔅᑕᓐ)
1970ᖏᓐᓂ – ᓇᓂᓯᕕᒃ (ᓯᐊᕐᓇᖅ)
1980ᖏᓐᓂ – ᐳᓚᐅᕆᔅ (ᓯᐊᕐᓇᖅ-ᐊᕿᑦᑐᔭᖅ), ᓗᐱᓐ (ᒎᓗ), ᑲᓚᑕᓐ ᓖᒃ (ᒎᓗ)
1990ᖏᓐᓂ – ᑯᓗᒪᒃ (ᒎᓗ), ᐃᑲᑎ (ᑕᐃᒪᓐ)
2000ᖏᓐᓂ – ᑕᐃᐊᕕᒃ, ᔅᓈᑉ ᓖᒃ, ᔨᐊᕆᑯ (ᑕᐃᒪᓐ)
2010ᖏᓐᓂ – ᐊᐳᖅᑎᓈᖅᑐᖅ ᐊᒻᒪᓗ ᑲᐱᓯᓕᒃᑑᖅ (ᒎᓗ), ᓄᓘᔮᑦ (ᓴᕕᒃᓴᑦ), ᒑᑦᓲ ᑰᐃ (ᑕᐃᒪᓐ)

ᐃᓕᒃᑲᓐᓂᕈᒪᒍᕕᑦ ᖃᓄᐃᓕᐅᖅᑐᖃᕐᓂᐅᓚᐅᖅᑐᑦ ᒥᒃᓵᓄᑦ, ᑕᑯᓗᒍ ᓄᓇᑦᓯᐊᕐᒥᓄᓇᕗᒻᒥᓗ ᐅᔭᕋᖕᓂᐊᖅᑐᓕᕆᔨᑦ ᑲᑐᔾᔨᖃᑎᒌᖏᑦᑕ ᓴᖅᑭᑎᓯᒪᔭᖓᑦ ᐅᔭᕋᖕᓂᐊᕐᓂᖅ: ᐅᑭᐅᖅᑕᖅᑐᕐᒥ ᐃᖅᑲᐅᒪᓇᕈᑎᒋᓂᐊᖅᑕᕗᑦ ᖃᐅᔨᒃᑲᐃᔾᔪᑎᑕᓕᒃ ᐊᔾᔨᙳᐊᖃᖅᖢᓂᓗ ᐅᔭᕋᖕᓂᐊᕐᓂᐅᓚᐅᖅᓯᒪᔪᓂᒃ ᐊᕐᕌᒍᑦ ᕼᐊᓐᓇᓚᖏᓐᓂᐅᓚᐅᖅᑐᓂᑦ ᑕᑯᔭᖅᑐᕐᓗᒍᓘᓐᓃᑦ ᔭᓗᓇᐃᒥ ᖃᓄᐃᓕᐅᖅᑐᖃᕐᓂᐅᓚᐅᖅᑐᓄᑦ ᑲᑐᔾᔨᖃᑎᒌᑦ ᖃᐅᔨᒋᐊᕐᕕᖓ  ᖃᐅᔨᒃᑲᐃᔾᔪᑎᑕᖃᐅᖅᑐᖅ ᐅᔭᕋᖕᓂᐊᖅᐸᒃᑐᑐᖃᐅᓚᐅᕐᓂᖓᓂᒃ ᐅᑭᐅᖅᑕᖅᑐᕐᒥ.

ᕿᓂᖅᑎᐅᓚᐅᖅᑐᑦ ᒪᕐᑎᓐ ᕗᕈᐱᓱ ᒎᓗᓂᒃ ᐅᔭᕋᖕᓂᐊᓚᐅᖅᓯᒪᙱᑦᑐᑐᖃᐅᑎᓪᓗᒍ ᕿᖏᖅᑖᓗᖕᒥ 1576ᒥ, ᐃᓄᐃᓪᓗ ᑕᓂᓗ ᖃᐅᔨᓚᐅᖅᓯᒪᔪᑦ ᓄᓇᒋᔭᒥᓂ ᑲᓐᓄᔭᐅᔪᑦ ᓴᓇᕐᕈᑎᑦ ᓴᓇᕐᕈᑎᒃᓴᑦᑎᐊᕙᐅᓂᖅᓴᐅᓚᐅᖅᑐᑦ ᓴᐅᓂᕐᓂᑦ ᑑᒑᕐᓂᓪᓗ. 1770-71ᒥ, ᕿᓂᖅᑎᐅᓚᐅᖅᑐᖅ ᓴᒧᐃᓕ ᕼᐆᓐ, ᒪᓕᒃᑕᕆᓪᓗᓂᐅᒃ ᒪᑖᓇᐱ, ᑲᓐᓄᔭᖅᓯᐅᓚᐅᖅᑐᖅ.

100 ᐊᕐᕌᒍᑦ ᐊᓂᒍᖅᓯᒪᓕᖅᑎᓪᓗᒋᑦ, 1898ᒥ ᑲᓛᓐᑕᐃᒃᒥ ᒎᓗᓯᐅᖅᑳᑎᒋᔪᖃᓕᓚᐅᖅᐳᖅ ᐃᓚᖏᓪᓗ ᖃᐅᔨᒪᔭᐅᑦᑎᐊᕋᓱᓕᓚᐅᖅᑐᑦ ᑮᓇᐅᔾᔭᒃᓴᑦᑎᐊᕋᓱᓚᐅᖅᖢᑎᒡᓗ ᕿᓂᖅᖢᑎᒃ ᓄᓇᑦᓯᐊᑉ ᐃᓗᐊᓂ. ᐊᑕᐅᓯᖅ ᐅᔭᕋᒃᓯᐅᖅᑎᐅᓚᐅᖅᑐᖅ, ᐃ.ᐊ. ᐸᓚᐃᒃᓂ, ᒎᓗᒥᒃ ᐆᒃᓯᑖᕈᑎᒃᓴᖅᓯᐊᓚᐅᖅᐳᑦ ᐊᒃᑎᒋᓂᖃᕋᔭᕐᓂᕋᐃᔾᔪᑎᒋᔭᐅᔪᒥᒃ 2.158 ᐊᐅᓐᓯᑦ 1000 ᐸᐅᓐᓂ ᐅᖁᒪᐃᓐᓂᓕᖕᓂ ᐅᔭᖅᑲᑦ ᐃᓗᐊᓂ. ᐊᒥᓱᑦ ᒪᓕᒃᓴᓛᕐᓂᐊᕐᓂᖅᖢᑎᒃ, ᓲᕐᓗ ᐅᔭᕋᒃᓯᐅᖅᑎᐅᓚᐅᖅᑑᒃ ᒋᓪᐳᑦ ᓚᐱᓐ, ᕋᐃᑎᐊᒻᓯᐊᖅᓯᖅᑳᓚᐅᖅᓯᒪᔪᖅ ᖃᑯᓪᓕᖅᓯᐊᖅᑳᓚᐅᖅᓯᒪᓪᓗᓂᓗ ᓇᓄᕐᔪᐊᑉ ᑕᓯᐊᓂ (Great Bear Lake), ᐊᒻᒪᓗ C.ᔭ. (ᔮᓂ) ᐸᐃᑯ ᒎᓗᓯᐊᖅᑳᓚᐅᖅᓯᒪᔪᖅ ᔭᓗᓇᐃ ᑲᖏᖅᖢᐊᓂ.

ᐅᓄᖅᑐᑦ ᐃᓗᓕᓖᑦ ᓇᓂᔭᐅᓕᓚᐅᖅᐳᑦ ᐊᕐᕌᒍᑦ ᖁᓕᐅᑦᑕᖅᑐᓂ ᐊᓂᒍᖅᐸᓪᓕᐊᔪᓂ ᐅᔭᕋᖕᓂᐊᕐᓂᒃᑯᑦ ᐅᑭᐅᖅᑕᖅᑐᖅ ᑎᑭᑕᒃᓴᕈᖅᑎᑕᐅᕙᓪᓕᐊᑐᐃᓐᓇᕐᓂᖓᒍᑦ.

ᐃᒻᒪᖄ ᒫᓐᓇᓕᓴᓵᖑᓂᖅᐹᖅ ᐆᒪᔮᕐᓇᕐᓂᖅᐹᖑᕗᕐᓗ ᓇᓂᓯᔪᖃᖅᑎᓪᓗᒍ ᑕᐃᒪᓐᓂᒃ 1991ᒥ ᐅᔭᕋᓕᕆᔩᖕᓄᑦ ᑦᓴᒃ ᕕᑉᑭᒧᑦ ᐊᒻᒪ ᔅᑐ ᑉᓗᓴᓐ. ᑕᒪᓐᓇ ᐱᒋᐊᕈᑎᒋᔭᐅᕙᓪᓕᐊᓕᓚᐅᖅᐳᖅ ᕿᓂᕐᓂᖅᑖᓵᖑᔪᒥ ᐅᔭᕋᖕᓂᐊᖅᑕᖃᖅᐸᓪᓕᐊᓂᕐᒥᒡᓗ, ᓯᕗᓂᐊᒍᑦ ᐊᑐᖅᑕᐅᓯᒪᙱᑦᑐᓂᒃ ᐃᑲᔫᓯᐊᓂᒃ ᓄᓇᖃᖅᑳᖅᑐᓂᒡᓗ ᐃᓚᐅᑎᑦᑎᓂᖃᖅᖢᓂ.

ᓄᓇᕗᒻᒥᓕ, ᐅᔭᕋᖕᓂᐊᕐᓂᖅᑕᖃᔮᕈᓐᓃᑦᑎᐊᓚᐅᖅᑎᓪᓗᒍ 2010ᒥ, ᐱᒋᐊᖅᐸᓪᓕᐊᑎᑕᐅᒃᑲᓐᓂᓕᓚᐅᕆᕗᖅ ᓇᓂᓯᔪᖃᖅᑎᓪᓗᒍ ᒎᓗᓕᖕᓂᒃ ᓴᕕᕋᔭᒃᓴᓕᖕᓂᒡᓗ ᑖᒃᑯᓇᓂ ᐊᕐᕌᒍᑦ ᖁᓕᑦ ᐃᓗᐊᓂ ᐅᔭᕋᕐᓂᐊᖅᑕᐅᔪᖅᑕᖃᓕᓚᐅᕆᕗᖅ.

ᐃᓅᓪᓗᓂ ᐅᔭᕋᒃᓯᐅᖅᑎ ᓅᓪ ᐊᕙᓪᓗᒃ ᓇᒡᕚᖅᑎᐅᓚᐅᖅᐳᖅ ᓄᓇᕗᒻᒦᑦᑐᖅ ᑲᐱᓯᓕᒃᑑᖅ ᐅᔭᕋᖕᓂᐊᕐᕕᒃ. ᐊᔾᔨᙳᐊᖅ: ᓄᓇᑦᓯᐊᕐᒥ ᑐᖅᑯᖅᑕᐅᓯᒪᔪᑦ/ᐅᓗᒃᓴᖅᑐᕐᒥ ᐊᔾᔨᙳᐊᑐᖃᕐᓂᒃ ᐊᒻᒪᓗ ᐅᖃᐅᓯᒃᑯᑦ ᐊᑐᖅᑕᐅᓂᑰᔪᓄᑦ ᖃᐅᔨᓴᕐᓂᕐᒧᑦ ᑲᑎᒪᔨᑦ /N-1990-004

ᑖᒃᑯᐊ ᐅᔭᕋᖕᓂᐊᕐᕕᐅᔪᑦ ᐃᓚᖓᑦ, ᑲᐱᓯᓕᒃᑑᖅ, ᖃᐅᔨᔭᐅᔭᕆᐅᓚᐅᖅᓯᒪᔪᖅ ᐃᓄᖕᒧᑦ ᐅᔭᕋᒃᓯᐅᖅᑎᒧᑦ ᓅᓪ ᐊᕙᓪᓗᖕᒧᑦ.

ᕿᓂᖅᑕᖃᕐᓂᖅ ᐅᔭᕋᖕᓂᐊᕐᓂᓕᕆᓂᕐᓗᑕ ᐊᑐᖅᑕᐅᓂᖅᓴᐅᓕᖅᑎᓪᓗᒋᒃ, ᑕᐃᒫᒃᑕᐅᖅ ᐱᕈᖅᐹᓪᓕᕆᕗᖅ ᓄᓇᑦᓯᐊᕐᒥ ᓄᓇᕗᒻᒥᓗ ᐅᔭᕋᖕᓂᐊᖅᑐᓕᕆᔨᑦ ᑲᑐᔾᔨᖃᑎᒌᖓᑦ. ᑖᒃᑯᐊ ᑲᑐᔾᔨᖃᑎᒌᖑᔪᑦ, ᐱᒋᐊᖅᑎᑕᐅᓂᑯᑦ 1967ᒥ, ᐱᑕᖃᓕᖁᔨᓪᓗᑎᒃ ᐆᒻᒪᕆᖕᓇᖅᑐᒥᒃ ᑲᔪᓰᓐᓇᕈᓐᓇᕐᓂᐊᖅᑐᒥᒡᓗ ᕿᓂᕐᓂᕐᒥᒃ ᐅᔭᕋᖕᓂᐊᕐᓂᕐᒥᒡᓗ ᓄᓇᑦᓯᐊᕐᒥ ᓄᓇᕗᒻᒥᓗ ᐅᑭᐅᖅᑕᖅᑐᕐᒥᐅᓄᑦ ᐃᑲᔪᖅᓱᖅᑕᐅᓪᓗᓂ. ᑐᕌᕆᔭᖃᖅᐳᑦ ᓯᕗᓕᖅᑎᐅᓂᕐᒥᒃ, ᑭᒡᒐᖅᑐᐃᓂᕐᒥᒡᓗ, ᑲᒪᒋᔭᖃᑦᑎᐊᕐᓂᒃᑯᑦ ᐱᑕᖃᐃᓐᓇᖅᑎᑦᑎᓂᒃᑯᓪᓗ ᐅᔭᕋᖕᓂᐊᖅᑕᐅᔪᓐᓇᖅᑐᓂᒃ ᕿᓂᕐᓂᕐᒥᒃ ᐱᕙᓪᓕᐊᑎᑦᑎᓂᕐᒥᒡᓗ ᑖᒃᑯᖕᓇᖕᓂ ᐊᕕᒃᑐᖅᓯᐊᕕᐊᕈᑏᖕᓂ.