ᑐᑦᑕᕐᕕᒃ » ᐊᑐᖅᑕᐅᖃᓯᐅᔾᔭᐅᔭᕆᐊᓖᑦ

ᐊᑐᖅᑕᐅᖃᓯᐅᔾᔭᐅᔭᕆᐊᓖᑦ

ᑮᓇᐅᔾᔭᒐᓲᑎᒋᓇᓱᒧᑦ ᐊᑭᓕᖅᓱᐃᔭᖃᕐᓂᖅ ᐊᑐᖅᑕᐅᖃᓯᐅᔾᔭᐅᔭᕆᐊᓕᖕᓂᒃ ᐱᕈᖅᐹᓪᓕᕋᓲᑎᑦᑎᐊᕙᐅᕗᖅ ᒪᑭᒪᔾᔪᑎᒃᓴᓂᒃ. ᐅᑭᐅᖅᑕᖅᑐᖅ ᐊᑐᖅᑕᐅᖃᓯᐅᔾᔭᐅᔭᕆᐊᓕᑭᓐᓂᖅᐹᖑᕗᖅ ᑲᓇᑕᓕᒫᒥ. ᐊᑐᖅᑕᐅᖃᓯᐅᔾᔭᐅᔭᕆᐊᓕᖃᙱᓐᓂᖅ ᒪᑭᒪᔾᔪᑎᑎᒍᑦ ᐱᕙᓪᓕᖅᐸᓪᓕᐊᙱᔾᔪᑎᒋᔭᐅᕗᖅ.

ᓯᕗᓂᕐᒥ ᐊᑐᖅᑕᐅᓯᒪᔭᑎᒍᑦ, ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔾᔭᒐᓲᑕᐅᓂᐊᕐᓗᓂ ᐊᑭᓕᖅᓱᐃᔨᐅᕙᓚᐅᖅᐳᑦ ᐊᑐᖅᑕᐅᖃᓯᐅᔾᔭᐅᔭᕆᐊᓕᖕᓂᒃ. ᑭᖑᓂᖓᒍᑦ ᐅᔭᕋᖕᓂᐊᕐᕕᒃ ᐊᑭᓕᖅᓱᐃᖃᑕᐅᓕᖅᖢᓂ ᐊᑐᖅᑕᐅᖃᓯᐅᔾᔭᐅᔭᕆᐊᓕᖕᓂᒃ. ᐅᔭᕋᖕᓂᐊᕌᓂᒃᑳᖓᑕ, ᐊᑐᖅᑕᐅᖃᓯᐅᔾᔭᐅᔭᕆᐊᓖᑦ ᐱᑕᖃᐃᓐᓇᖅᐸᒃᖢᑎᒃ ᐃᓚᒋᓕᐅᔾᔭᐅᖃᑕᐅᓪᓗᑎᒃ ᐅᔭᕋᖕᓂᐊᕐᓂᐅᑉ ᕿᒻᒪᑯᑦᑎᐊᕙᖓ ᑭᒃᑯᓕᒫᓄᑦ.

ᐆᒃᑑᑎᒋᔭᒃᓴᐅᕗᑦ ᓯᓂᐅ (Snare) ᐃᒪᕐᒥᒃ ᐊᑐᖅᓯᓂᒃᑯᑦ ᐆᒻᒪᖅᑯᑎᓕᐅᕈᓐᓇᐅᑎᓕᐊᕆᓯᒪᔭᖓᑦ ᔭᓗᓇᐃᕝᒧᑦ ᐅᔭᕋᖕᓂᐊᕐᕕᖕᒥᓄᓪᓗ, ᑕᓪᓴᓐ (Taltson) ᐊᒻᒪ ᐳᓘᕕᔅ (Bluefish) ᐃᒪᕐᒥᒃ ᐊᑐᖅᓯᓂᒃᑯᑦ ᐆᒻᒪᖅᑯᑎᓕᐅᕈᓐᓇᐅᑎᓕᐊᕆᓯᒪᔭᖏᑦ, ᔭᓗᓇᐃ ᑕᓯᕐᔪᐊᖓ ᓄᓇᒃᑰᕈᑎᑯᑖᒃᑰᕈᑎ ᐸᐃᓐ ᐳᐃᓐᑦ ᐅᔭᕋᖕᓂᐊᕐᕕᖓᓄᑦ, ᐊᖅᑯᑎᑦ ᓄᓇᒥᙶᖅᑐᓂᒃ ᐊᑐᖅᑕᒃᓴᓄᙵᐅᖓᔪᑦ ᐅᔭᕋᖕᓂᐊᕐᕕᖕᓄᓪᓗ ᓄᓇᓕᖏᓐᓄᑦ ᔭᓗᓇᐃᕝ ᐊᒻᒪ ᐸᐃᓐ ᐳᐃᓐᑦ, ᑕᕆᐅᒃᑯᑦ ᐅᓯᑲᖅᑕᕐᓂᖅ ᑐᓚᒃᑕᕐᕖᓪᓗ ᐃᓚᒋᔭᐅᓪᓗᓂ ᓄᓇᕐᔪᐊᕐᒥ ᓯᑯᓯᐅᑕᐅᓯᓐᓈᑦ ᐅᓯᑲᖅᑕᐅᑎ ᐅᒥᐊᕐᔪᐊᖅ, ᐅᒥᐊᕐᔪᐊᖅ (MV Arctic) ᐳᓛᕆᔅ ᐊᒻᒪ ᓇᓂᓯᕕᒃ ᐅᔭᕋᖕᓂᐊᕐᕕᖕᓄᑦ ᓄᓇᕗᒻᒥ.

ᐃᑲᔪᖅᓯᓂᒃᑯᑦ ᐱᑕᖃᓕᕈᓐᓇᖅᑎᑦᑎᓂᒃᑯᓪᓗ ᐅᔭᕋᖕᓂᐊᕐᕕᖕᓂᒃ ᒪᑭᒪᔾᔪᑎᓄᓪᓗ ᐃᓚᓯᒋᐊᕐᓂᕆᔭᖏᓐᓂᒃ, ᒐᕙᒪᒃᑯᑦ ᐅᑎᖅᑎᑦᑎᓚᐅᖅᐳᑦ ᐊᑭᓕᖅᓲᑎᒋᓚᐅᖅᑕᒥᖕᓂᒃ ᐊᑐᖅᑕᐅᖃᓯᐅᔾᔭᐅᔭᕆᐊᓕᖕᓄᑦ. ᖄᒃᑲᓐᓂᐊᒍ ᐱᔭᐅᔪᖅ, ᕿᒻᒪᑯᒋᔭᐅᔪᑦ ᐊᑐᖅᑕᐅᖃᓯᐅᔾᔭᐅᔭᕆᐊᓖᑦ ᓱᓕ ᐊᑐᖅᑕᐅᕗᑦ ᐅᑭᐅᖅᑕᖅᑐᕐᒧᑦ ᑲᓇᑕᒧᓪᓗ.

ᐊᕐᕌᒍᓄᑦ 40ᓄᑦ ᑮᓇᐅᔾᔭᒐᓲᑎᒋᓂᐊᕐᓗᒍ ᐊᑭᓕᖅᓲᑎᒋᔭᕐᓂᒃ ᐊᑐᖅᑕᐅᖃᓯᐅᔾᔭᐅᔭᕆᐊᓕᖕᓅᖓᔪᖃᙱᓐᓇᓚᐅᖅᑎᓪᓗᒍ, ᒪᕐᕉᖕᓂᒃ ᐊᖅᑯᓯᐅᕐᓂᕐᒨᖓᔫᒃ ᐅᖃᐅᓯᐅᓵᓚᐅᖅᐴᒃ.

ᐅᑯᐊᖑᕘᒃ ᑦᖠᑦᓲ ᐊᖅᑯᑕᐅᖏᓐᓇᐅᔭᖅᑐᕆᓕᖅᑕᖓ ᐊᒻᒪ ᑮᓇᐅᔭᖅᑕᖃᖅᑎᑕᐅᓂᖓ ᒪᑲᓐᓯ ᕚᓕ ᐊᖅᑯᑎᑯᑖᖓ.

ᑮᓇᐅᔾᔭᒃᓴᐅᑎᒋᓂᐊᕐᓗᒍ ᐊᑭᓕᖅᓱᐃᓂᖅ ᔅᓚᐃᕝ ᓄᓇᖓᑕ ᐅᔭᕋᑦᑎᐊᕙᖃᕐᓂᕆᔭᖓᓂ ᐊᒻᒪ ᒍᕋᐃᔅ ᐸᐃ ᐊᖅᑯᑎᑖᕐᓂᕐᒧᑦ ᑐᓚᒃᑕᕐᕕᒃᑖᕐᓂᕐᒧᓪᓗ ᐱᓕᕆᐊᒃᓴᕐᒧᑦ ᐱᕐᔪᐊᖑᐃᓐᓇᖅᐴᒃ ᐋᖅᑭᒋᐊᖅᐹᓪᓕᕈᑕᐅᓇᔭᕐᒪᑎᒃ ᐅᔭᕋᖕᓂᐊᒐᒃᓴᓄᑦ ᐊᑭᑐᒋᔭᐅᓕᖅᓯᒪᓗᐊᖅᑐᓄᑦ ᑎᑭᐅᑎᓇᓱᒐᒃᓴᐅᙱᓐᓂᑯᖏᓐᓄᑦ.

ᐆᒻᒪᖅᑯᑎᑐᓗᐊᕈᓐᓃᕐᓂᖅᑕᐅᖅ ᐱᕕᒋᓂᖃᖅᐹᓪᓕᕈᑕᐅᒋᕗᖅ. ᐆᒻᒪᖅᑯᑎᖃᕆᐊᖃᕐᓂᖅ ᐊᑭᑦᑐᕈᑎᕐᔪᐊᒻᒪᕆᐊᓘᕙᖕᒪᑦ ᓄᓇᓕᖕᓄᑦ ᐅᔭᕋᖕᓂᐊᕐᕕᖕᓄᓪᓗ ᐊᒻᒪ ᐅᖅᓱᐊᓗᒃᑐᕈᓐᓃᒐᒃᓴᐅᒋᓐᓇᐅᔭᕋᓂ.

ᓄᓇᑦᑎᐊᑉ 2030ᒧᑦ ᐆᒻᒪᖅᑯᑎᑐᕐᓂᕐᒧᑦ ᖃᓄᐃᓕᐅᕐᓂᕆᓇᓱᒃᑕᖓᑦ ᐃᓚᖃᖅᐳᖅ ᐊᑐᖅᑕᐅᓕᖅᑎᒃᑲᓐᓂᕋᓱᒋᐊᒃᓴᖅ ᑖTᓪᑦᓴᓐ ᐃᒪᕐᒥᒃ ᐊᑐᖅᓯᓂᒃᑯᑦ ᐆᒻᒪᖅᑯᑎᓕᐅᕈᓐᓇᐅᑎᖓᓂᒃ ᑲᓱᖅᑎᓐᓇᔭᖅᖢᒍ ᑕᓯᕐᔪᐊᖅ ᔅᓚᐃᕝ ᓂᒋᐊᓃᑦᑐᓄᖅ ᐅᐊᖕᓇᖓᓃᑦᑐᓄᓪᓗ, ᑲᓱᖅᑎᒻᒥᓗᒋᓪᓗ ᑲᓇᑕᐅᑉ ᓂᒋᐊᓄᑦ, ᓄᓇᓖᓪᓗ ᐅᔭᕋᖕᓂᐊᕐᕕᓪᓗ ᐊᑭᑐᒃᓴᙱᓐᓂᖅᓴᐅᓕᕋᔭᖅᖢᑎᒃ, ᐊᑐᓕᖅᑭᒐᒃᓴᐅᓗᓂᓗ, ᓴᓗᒪᓂᖅᓴᐅᓗᓂᓗ ᐆᒻᒪᖅᑯᑎᑖᕈᑎᒋᓕᖅᑕᖅ. ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᓐᓂᑦ ᐊᓂᐊᕆᙱᓐᓂᖅᓴᐅᑎᑦᑎᑐᐃᓐᓇᙱᓪᓗᑎᒃ, ᐊᑭᑭᓐᓂᖅᓴᐅᔪᒥᒃ ᐆᒻᒪᖅᑯᓯᖅᓯᓗᑎᒃ ᔭᓗᓇᐃ ᑕᓯᕐᔪᐊᖓᑕ ᓂᒋᐊᓃᑦᑐᓄᖅ ᐅᐊᖕᓇᖓᓃᑦᑐᓄᓪᓗ ᓄᓇᓕᖕᓄᓪᓗ ᐊᑭᑐᒃᓴᓗᐊᕈᓐᓃᖅᐹᓪᓕᕈᑕᐅᓗᓂ ᐃᒻᒪᖄ ᐸᐃᓐ ᐳᐃᓐᑦ ᒪᑐᐃᖅᑕᐅᒃᑲᓐᓂᕐᒥᓗᓂ ᑲᔪᓰᓐᓇᕈᓐᓇᕈᑕᐅᓗᓂᓗ ᐅᔭᕋᖕᓂᐊᕐᓂᕐᒥᒃ ᐅᔭᕋᖕᓂᐊᒐᒃᓴᖃᑦᑎᐊᖅᑐᒥ ᔅᓚᐃᕝ ᓄᓇᖓᑕ ᐅᔭᕋᑦᑎᐊᕙᖃᕐᓂᕆᔭᖓᓂ.