ᑐᑦᑕᕐᕕᒃ » ᐊᑦᑕᕐᓈᕿᑦᑕᐃᓕᓂᖅ

ᐊᑦᑕᕐᓈᕿᑦᑕᐃᓕᓂᖅ

ᐱᓂᐊᕐᓂᖃᖃᑎᒌᒃᑐᐃᓐᓇᐅᕗᑦ ᑕᐃᒪᓐᑕᕆᐊᒃᓴᖅ ᐊᑦᑕᕐᓈᕿᓐᓇᒋᓪᓗᒍ, ᐅᓗᕆᐊᓇᖅᑐᖅᓯᐅᕐᓇᙱᓪᓗᒍ, ᐱᑦᑎᐊᔪᓯᒪᓗᒍ ᐊᒻᒪ ᑮᓇᐅᔾᔭᒃᓴᕐᓇᕐᓗᓂ, ᓱᕋᒻᒪᐃᓐᓇᕋᓂ ᐃᓄᖕᓂᒃ ᐊᕙᑎᒋᔭᕐᒥᒡᓗ. ᐅᔭᕋᖕᓂᐊᕐᕕᓗᒃᑖᑦ ᐱᓕᒻᒪᒃᓴᐃᓂᖃᖅᑎᑦᑎᕙᒃᐳᑦ, ᐊᑐᐊᒐᖃᖅᐳᑦ, ᐱᓕᕆᐊᖃᕈᓯᖃᖅᐳᑦ, ᕿᒥᕐᕈᓂᖃᖅᐸᒃᐳᑦ, ᐊᒻᒪ ᑐᓴᐅᒪᖃᑦᑕᐅᑎᓂᖃᖅᐸᒃᐳᑦ ᐊᑦᑕᕐᓈᕿᑦᑕᐃᓕᒪᓂᖅ ᑭᒃᑯᓗᒃᑖᓄᑦ ᐊᑐᖅᑕᐅᑎᓐᓇᓱᒃᐸᒡᓗ ᐃᖅᑲᓇᐃᔭᓗᑎᒃ – ᐅᔭᕋᖕᓂᐊᕐᕕᓗᒃᑖᑦ ᐅᒃᐱᕆᔭᖃᕐᒪᑕ ᐋᓐᓂᕐᓂᖅᑕᖃᙱᑦᑎᐊᒻᒪᕆᒍᓐᓇᕋᓱᒋᓐᓈᓪᓗᑎᒃ ᐋᓐᓂᖅᑐᖃᕋᔭᙱᑦᑐᓐᓇᕋᓱᒌᓐᓈᓪᓗᑎᒡᓗ.

ᐅᔭᕋᖕᓂᐊᕐᕕᓗᒃᑖᑦ ᐃᖅᑲᓇᐃᔭᖅᑎᖁᑎᖃᖅᐳᑦ ᐱᓕᒻᒪᒃᓴᖅᓯᒪᓂᖃᑦᑎᐊᖅᑐᓂᒃ ᐋᓐᓂᐊᕐᓂᓕᕆᔨᓂᒃ. ᑕᒪᕐᒥᒡᓗ ᐊᑭᓕᖅᓱᖅᑕᐅᓇᑎᒃ ᐅᐸᓗᕐᓂᖅᑕᖃᕆᐊᖃᖅᐸᑦ ᐃᑲᔪᖅᑎᐅᓇᔭᖅᑐᖃᖅᐳᑦ (ERTs) ᐊᑭᓕᖅᓱᖅᑕᐅᓇᑎᒃ ᐱᓕᕆᕙᒃᑐᓂᒃ ᐃᖅᑲᓇᐃᔭᕐᕕᖕᒥᖕᓂ.

ᐊᕐᕌᒍᑕᒫᑦ, ᐃᓚᒋᔭᐅᔪᑦ ᐅᔭᕋᖕᓂᐊᕐᕕᖕᒧᑦ ᐊᑭᓕᖅᓱᖅᑕᐅᓇᑎᒃ ᐅᐸᓗᕐᓂᖅᑕᖃᕆᐊᖃᖅᐸᑦ ᐃᑲᔪᖅᑎᐅᓇᔭᖅᑐᑦ ᓵᓚᖃᕋᓱᖕᓂᖃᓲᖑᕗᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑦᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐅᔭᕋᖕᓂᐊᕐᕕᖕᒥ ᐱᕐᕈᓗᐊᕿᔪᖃᕋᔭᖅᐸᑦ ᐃᑲᔪᖅᓯᓂᕆᔭᖏᓐᓂ. ᐊᔾᔨᙳᐊᖁᑎᒋᔭᖅ: ᑎ ᐱᐅᕐᔅ

ᐊᑭᓕᖅᓱᖅᑕᐅᓇᑎᒃ ᐅᐸᓗᕐᓂᖅᑕᖃᕆᐊᖃᖅᐸᑦ ᐃᑲᔪᖅᑎᐅᓇᔭᖅᑐᑦ ᐃᓚᒌᒃᓯᓯᒪᕙᒃᐳᑦ ᓵᓚᖃᕋᓱᒃᑳᖓᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑦᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᕐᕌᒍᑕᒫᑦ ᐅᔭᕋᖕᓂᐊᕐᕕᖕᓂ ᐅᐸᓗᕐᓇᖅᑐᓕᕆᓂᕐᒧᑦ ᓵᓚᖃᕋᓱᖕᓂᕆᕙᒃᑕᖓᓐᓂᑦ ᐅᔭᕋᖕᓂᐊᕐᓂᕐᒧᑦ ᐱᓇᓱᐊᕈᓯᕆᔭᐅᑎᓪᓗᒍ ᓄᓇᑦᓯᐊᑉ ᓄᓇᕘᓪᓗ ᐅᔭᕋᖕᓂᐊᖅᑐᓕᕆᔨᑦ ᑲᑐᔾᔨᖃᑎᒌᒃᑯᖏᓐᓄᑦ.

ᓄᓇᑦᓯᐊᑉ ᑎᖏᑦ ᑎᑭᐅᑎᒐᔪᒃᐳᑦ ᐃᓚᐅᖃᑕᐅᔭᕆᐊᒃᓴᖅ ᑲᓇᑕᒥ ᐅᐊᖕᓇᖅᖠᕐᓄᑦ ᐅᔭᕋᖕᓂᐊᕐᕕᖕᓂ ᐅᐸᓗᕈᓐᓇᕐᓂᕐᒧᑦ ᓵᓚᖃᕋᓱᖕᓂᕆᔭᐅᕙᒃᑐᒥ; ᐊᕐᕌᒎᒃ ᒪᕐᕉᒃ ᓈᔭᕌᖓᑎᒃ ᓵᓚᖃᕋᓱᖕᓂᖃᖅᐸᒃᑐᑦ ᐳᕆᑎᔅ ᑲᓚᒻᐱᐊᒥ, ᑖᓐᓇ ᐊᒥᐊᓕᑲᕐᔪᐊᑉ ᐅᐊᖕᓇᖓᓂ ᐊᖏᓂᖅᐹᖑᓪᓗᓂ ᐅᔭᕋᖕᓂᐊᕐᕕᖕᓂ ᐅᐸᓗᕐᓂᕐᒧᑦ ᐃᑲᔪᕋᓱᒃᑎᐅᓂᕐᒧᑦ ᓵᓚᖃᕋᓱᖕᓂᐅᕙᒃᐳᖅ ᓵᓚᖃᖅᑐᓪᓗ ᓄᓇᕐᔪᐊᕐᒥᐅᖑᖃᑎᒌᑦ ᓵᓚᖃᕋᓱᖃᑦᑕᐅᑎᓂᖏᓐᓄᑦ ᑎᑭᐅᑎᕙᒃᐳᑦ.

ᐅᔭᕋᖕᓂᐊᕐᕖᓪᓗ ᐅᐸᓗᕐᓂᖅᑕᖃᕆᐊᖃᖅᐸᑦ ᐃᑲᔪᖅᑎᐅᓇᔭᖅᑐᑦ ᐃᑲᔪᖃᑦᑕᐅᑎᓇᔭᕐᓂᕐᒧᑦ ᐊᖏᖃᑎᒌᖕᓂᖃᕆᕗᑦ ᐃᑲᔪᖃᑦᑕᐅᑎᓇᔭᖅᖢᑎᒃ ᐱᔭᕆᐊᖃᑐᐊᕌᖓᒥᒃ.