ᑐᑦᑕᕐᕕᒃ » ᐊᕙᑎ

ᐊᕙᑎ

ᑎᑭᐅᑎᓂᖅ ᓴᙱᓈᖅᓯᒪᔪᕐᔪᐊᓄᑦ ᐊᕙᑎᒋᔭᕐᒥᒃ ᒥᐊᓂᕆᔭᖃᕐᓂᕐᒧᑦ ᐊᑐᖅᑕᐅᔭᕆᐊᓖᑦ ᐅᔭᕋᖕᓂᐊᕐᓂᖅᑕᖃᓕᓚᐅᖅᑎᓐᓇᒍ ᓇᑉᐸᓪᓗᐊᕆᔭᐅᑐᐃᓐᓇᖅᐳᖅ ᐊᕙᑎᒨᖓᔫᑉ ᒥᒃᓵᓄᑦ. ᐅᔭᕋᖕᓂᐊᕐᕕᒃᑕᖃᕐᓂᓕᒫᖓᓂ, ᐊᐅᓚᓂᕆᔭᖓ ᓇᐅᑦᑎᖅᓱᖅᑕᐅᖏᓐᓇᕐᓂᐊᖅᐳᖅ ᐅᔾᔭᖅᓴᕋᓱᒧᑦ ᐊᓂᐊᕆᑎᑕᐅᓂᖏᑦ ᓱᕈᕐᓗᑰᓂᐅᔪᑦ ᐊᑦᑕᕐᓇᖅᓯᙱᒃᑲᓗᐊᕐᒪᖔᑕ. ᐅᔭᕋᖕᓂᐊᕐᕕᒃᑕᖃᕈᓐᓃᕆᐊᖅᐸᓪᓗ ᐅᔭᕋᖕᓂᐊᕐᕕᒃ ᕿᒪᐃᔭᕆᐊᖃᖅᐳᖅ ᓯᕗᓂᕐᒥ ᐊᕙᑎᒋᔭᕐᒧᑦ ᐅᓗᕆᐊᓇᖅᑑᓛᖁᓇᒍ. ᓄᓇᑦᓯᐊᕐᒥ, ᐅᔭᕋᖕᓂᐊᕐᕖᑦ ᑲᒪᒋᔭᐅᕗᑦ ᒪᑲᓐᓯ ᕚᓕᒥ ᓄᓇᒥᙶᖅᑐᓂᒃ ᐊᐅᓚᑦᑎᓂᕐᒧᒃ ᐱᖁᔭᖅ. ᓄᓇᕗᒻᒥ, ᓄᓇᕘᑉ ᐃᒪᓕᕆᓂᕐᒧᑦ ᐱᖁᔭᖓ ᐊᑐᖅᑕᐅᕙᒃᐳᖅ.

ᐊᑐᖅᓯᔪᓐᓇᖅᓯᑎᑕᐅᓂᒃᑯᑦ ᑭᒃᑯᑐᐃᓐᓇᐃᖅ ᐃᓚᐅᓂᖃᖃᑕᐅᔪᒪᔪᑦ ᐱᕕᖃᕈᓐᓇᖅᑎᑕᐅᕗᑦ.

ᑭᒻᐳᓕ ᐸᓪᓯᓕ, ᐊᕙᑎᓕᕆᔨ ᑎ ᐱᐅᕐᔅ/ᒪᐅᓐᑎᓐ ᐳ ᒑᑦᓲ ᑰᐃ ᐅᔭᕋᖕᓂᐊᕐᕕᐊᓂ, ᒥᐊᓂᕆᔭᖃᕐᓂᕐᒧᑦ ᐃᓚᒋᔭᐅᓪᓗᓂ, ᐃᒪᕐᒥᒃ ᖃᐅᔨᓴᒐᒃᓴᖅᑖᖅᐳᖅ. ᐊᔾᔨᙳᐊᖁᑎᒋᔭᖅ: ᑎ ᐱᐅᕐᔅ

ᑕᒪᒃᑮᓯᒪᑦᑎᐊᖅᑐᒥᒃ ᓇᓗᓇᐃᔭᐃᓂᖅᑕᖃᓪᓗᐊᖅᐳᖅ ᐊᕙᑎᒋᔭᕐᒥᒃ ᐊᒃᑐᐃᓯᒪᓂᐅᓇᔭᕐᓂᕋᐃᓯᒪᔪᓂᒃ ᑎᑎᕋᐅᓯᕆᔭᐅᓯᒪᓗᓂᓗ ᑐᓂᔾᔪᑕᐅᔪᒫᖅᑐᒥᒃ ᒪᑲᓐᓯ ᕚᓕᒥ ᓄᓇᒧᑦ ᐃᒪᕐᒧᓪᓗ ᑲᑎᒪᔨᖏᓐᓄᑦ, ᓄᓇᕗᒻᒥ ᐃᒪᓕᕆᔨᒃᑯᓐᓄᑦ, ᐅᕝᕙᓘᓐᓃᑦ ᐊᕕᒃᑐᖅᓯᒪᔪᓂ ᐋᖅᑭᒃᑕᐅᓯᒪᔪᓄᑦ ᓄᓇᖃᖅᑳᖅᑐᑦ ᓄᓇᑖᓂᕆᓯᒪᔭᖏᑎᒍᑦ. ᐊᒻᒪᒃᑲᓐᓂᖅ, ᑐᙵᕕᒋᔭᐅᔪᒧᑦ ᖃᐅᔨᓴᕐᓂᖅᑕᖃᕆᐊᖃᖅᐳᖅ ᑎᑎᕋᖅᑕᐅᓯᒪᖁᓪᓗᒋ ᐃᓚᒋᔭᐅᓪᓗᑎᒃ ᒪᑯᐊ ᐃᖃᓗᖃᕐᓂᕆᔭᑦ, ᐆᒪᔪᐃᑦ, ᐃᒪᑦᑎᐊᕙᐅᑎᒋᓂᕆᔭᖅ, ᐱᕈᖅᑐᑦ, ᐊᒻᒪ ᑰᒐᓛᑦ ᑕᑦᑎᓪᓗ ᐃᖅᑲᕐᒥᐅᑕᕆᔭᖏᑦ ᖃᐅᔨᓴᖅᑕᐅᓯᒪᔭᕆᐊᖃᒻᒪᕆᒃᐳᑦ. ᑕᒪᒃᑯᐊ ᖃᐅᔨᒪᔭᐅᔾᔪᑕᐅᓇᔭᕐᒪᑕ ᐆᒪᔪᕆᔭᐅᔪᑦ ᐃᖃᓗᖃᕐᓂᕆᔭᐅᔪᓪᓗ ᐊᒻᒪ ᐊᓯᐊᓂᑦ ᐱᑕᖃᕋᔪᙱᑦᑐᑦ ᐱᑕᖃᕈᓐᓃᑐᐃᓐᓇᕆᐊᓖᓪᓘᓐᓃᑦ ᐱᕈᖅᑐᑦ ᐆᒪᔪᓪᓘᓐᓃᑦ ᑲᓴᒃᑕᐅᓂᖃᑐᐃᓐᓇᕆᐊᓖ ᐅᔭᕋᖕᓂᐊᕐᓂᐅᔪᒧᑦ.

ᐅᔭᕋᖕᓂᐊᕐᓂᕐᒥ ᐱᓕᕆᐊᒃᓴᖅᑖᖑᓵᖅᓯᒪᔪᑦ ᓄᓇᑦᓯᐊᕐᒥ ᓄᓇᕗᒻᒥᓗ ᓴᖅᑭᔮᖅᑎᑦᑎᕗᑦ ᑭᖑᓪᓕᐅᓂᖅᓴᐅᓪᓗᑎᒃ ᐊᕙᑎᓕᕆᔾᔪᓯᕐᓂᒃ ᒥᐊᓂᕆᔭᖃᕐᓂᕐᒥᒡᓗ. ᖃᓄᐃᓕᐅᖅᑕᐅᓇᓱᖕᓂᕆᔭᑦ ᑐᙵᕗᑦ ᒥᑭᓐᓂᖅᓴᐅᑎᑦᑎᓇᓱᖕᓂᕐᒥᒃ ᐅᔭᕋᖕᓂᐊᕐᕕᖕᓄᑦ ᐊᒃᑐᐃᓯᒪᓂᕆᔭᕐᒥᒃ ᐊᒻᒪ ᓄᓇᓖᑦ ᐃᓚᐅᖃᑕᐅᓂᕆᔭᖏᓐᓂᒃ ᑲᒪᒋᔭᖃᕐᓂᕐᒥᒃ ᖃᐅᔨᒪᓂᑐᖃᕐᓂᕆᔭᑦᑎᒍᑦ ᓄᓇᓖᓪᓗ ᐅᔾᔨᕈᓱᑦᑎᐊᕐᓂᕆᔭᖏᑎᒍᑦ. ᐱᕙᒌᔭᐃᓂᕆᔭᑦ ᐃᓗᓕᖅᑯᖅᑐᑎᒋᓂᕆᔭᖏᑦ ᐊᑐᖅᓯᔪᓐᓇᐅᑎᑖᓚᐅᖅᑳᑎᓐᓇᒋᑦ ᐊᖏᖅᑕᐅᓚᐅᖅᑳᖅᑎᓐᓇᒋᓪᓗ ᑎᑎᕋᖅᓯᒪᔭᕐᓂ ᓇᓗᓇᐃᖅᓯᒪᕙᒃᐳᑦ ᐅᑯᑎᒎᓇᖅ ᐊᕙᑎᒋᔭᕐᒥᒃ ᐊᒃᑐᐃᓯᓯᒪᓂᕐᒥᒃ ᐅᓂᒃᑳᓕᐊᓂᒃ ᑎᑎᕋᐅᓯᕆᔭᐅᔭᕆᐊᓕᖕᓂᒃ ᐊᒻᒪ ᑭᒃᑯᑐᐃᓐᓇᕐᓄᑦ ᓈᒻᒪᒋᔭᐅᓂᖅᓯᐅᕈᑎᒋᔭᐅᓕᕐᓗᑎᒃ. ᑭᓯᐊᓂᓕ ᐅᔭᕋᖕᓂᐊᕐᕖᑦ ᓇᖕᒥᓂᖅ ᐊᑐᖅᑕᐅᑎᑦᑎᔨᐅᓇᔭᖅᐳᖅ ᐃᓱᒪᓕᐊᕆᓯᒪᔭᕐᒥᒃ ᖃᓄᐃᓕᖓᓪᓗᐊᕐᓂᕆᔭᐅᔪᒥᒃ.

ᐅᔭᕋᖕᓂᐊᕐᕕᒃᑖᓵᑦ ᐋᖅᑭᒃᓯᓯᒪᔨᐅᓕᖅᐳᖅ ᓄᓇᕐᔪᐊᓕᒫᑦ ᑎᑭᐅᒻᒪᑎᔭᐅᓇᓱᓪᓗᐊᖅᑐᓂᒃ ᐊᕙᑎᓕᕆᓂᕐᒧᑦ ᐊᑐᐊᒐᕐᓂᒃ ᐱᓕᕆᐊᖃᐅᓯᒋᔭᐅᓕᖅᑐᓂᒡᓗ. ᐆᒪᔪᕐᓂᒃ ᒥᐊᓂᕆᔭᖃᕐᓂᕐᒥᑦ ᐃᒪᑦᑎᐊᕙᒃᑕᖃᖅᑎᑦᑎᓂᕐᒧᑦ ᐅᐊᔭᒃᑰᖅᑐᓂᒡᓗ ᐊᑐᖅᓯᓂᑭᓐᓂᕐᒧᑦ, ᑕᒪᒃᑯᐊ ᐅᔭᕋᖕᓂᐊᕐᕖᑦ ᐊᑐᖅᑕᐅᓚᐅᖅᓯᒪᙱᑦᑐᓂᒃ ᐃᔾᔪᐊᖅᑕᒃᓴᓕᐅᖅᐳᑦ ᑎᑭᐅᒻᒪᑎᔭᐅᓇᓱᐊᖅᑐᒃᓴᓂᒡᓗ ᐋᖅᑭᒃᓯᓪᓗᑎᒃ ᐅᑭᐅᖅᑕᖅᑐᕐᒥ ᐅᔭᕋᖕᓂᐊᕐᓂᕐᒧᑦ ᐱᓕᕆᐊᒃᓴᐅᔪᓄᑦ ᐆᒃᑐᕋᐅᑕᐅᓂᐊᖅᖢᑎᒃ.