ᑐᑦᑕᕐᕕᒃ » ᐋᖅᑮᒋᐊᖅᓯᒪᓂᕆᔭ & ᐃᖅᑲᓇᐃᔭᑦᑎᐊᕐᓂᖅ

ᐋᖅᑮᒋᐊᖅᓯᒪᓂᕆᔭ & ᐃᖅᑲᓇᐃᔭᑦᑎᐊᕐᓂᖅ

ᐃᑲᑎ

ᑕᐃᒪᙵᑦ ᓂᐅᕕᐊᖃᓚᐅᖅᑎᓪᓗᒋᑦ ᐃᑲᑎ ᐅᔭᕋᖕᓂᐊᕐᕕᖕᒥᒃ 2013ᖑᑎᓪᓗᒍ, ᑐᒥᓂᐊᓐᒃᑯᑦ ᐱᓕᕆᐊᖃᕐᔪᐊᖏᓐᓇᖅᓯᒪᕗᑦ ᐋᖅᑮᒋᐊᒃᑲᓐᓂᕐᓂᕐᒥᒃ ᐱᓕᕆᐊᖃᐅᓯᕐᓂᒃ, ᓱᕈᕐᓂᒃᑯᑦ ᓄᖑᑦᑐᓐᓇᖅᑐᑦ ᐊᒃᑕᑯᐃᑦ ᒥᐊᓂᕆᔭᐅᓂᖏᑦᑐ ᐅᔾᔨᕆᔭᐅᓂᖓᓂᒃ ᓇᓂᑐᐃᓐᓇᖅ ᐅᔭᕋᖕᓂᐊᕐᕕᖕᒥ, ᐊᒻᒪ ᑮᓇᐅᔾᔭᒍᑎᒋᕚᓪᓕᐅᑎᓇᓱᒧᑦ ᐱᓕᕆᐊᖃᐅᓯᐅᓕᖅᑐᓂᒃ ᐊᑐᖅᓯᓂᕐᒥᒃ ᐊᒃᑕᑯᖃᙱᓐᓂᖅᓴᐅᓕᕋᓱᒃᖢᑎᒃ ᐊᑐᓗᐊᖏᓐᓂᐊᖅᓴᐅᓕᕋᓱᒃᖢᑎᒡᓗ ᐅᖅᓱᐊᓗᖕᒥᒃ ᐃᒪᕐᒥᒡᓗ.

ᐊᕙᑎᒋᔭᕐᒥᒃ ᓱᕋᑕᒃᓯᑦᑕᐃᓕᒪᓂᖅᓴᐅᓇᓱᖕᓂᕐᒧᑦ ᐊᒻᒪ ᑲᔪᓰᓐᓇᕈᓐᓇᖅᑐᒥᒃ ᐱᕙᓪᓕᖅᐸᓪᓕᐊᑎᑦᑎᓂᕐᒧᑦ ᓵᙵᔭᖃᕐᓂᖅᓴᐅᓂᕐᒥᖕᓄᑦ ᑐᒥᓂᐊᓐ ᐱᑎᑕᐅᓚᐅᖅᐳᖅ ᐊᕙᑎᒥᒃ ᐸᖅᑭᑦᑎᐊᕐᓂᕐᒧᑦ ᐃᓕᓴᕆᔭᐅᔾᔪᑎᒥᒃ ᓄᓇᑦᓯᐊᑉ ᓄᓇᕘᓪᓗ ᑲᑐᔾᔨᖃᑎᒌᖓᓐᓄᑦ ᐋᖅᑭᐅᒪᑎᑦᑎᔨᑦ ᐊᒻᒪᓗ ᐅᔭᕋᓕᕆᓂᕐᒥᒃ ᖃᐅᔨᓴᖅᑎᑦ (NAPEG). ᐃᓕᓴᖅᓯᔾᔪᓯᐊᖅ ᑐᓂᔭᐅᓚᐅᖅᐳᖅ ᑐᒥᓂᐊᓐᒧᑦ ᓂᕐᕆᕐᓗᑯᕕᓂᕐᓂᒃ ᒥᐊᓂᕆᔭᖃᕈᓐᓇᕐᓂᕐᒧᑦ ᐃᑲᑎ ᐅᔭᕋᖕᓂᐊᕐᕕᒃ, ᐃᓚᖃᖅᖢᓂ ᓴᓇᕝᕕᖃᕐᕕᖕᒧᑦ ᓈᒻᒪᒃᑐᒥᒃ ᐃᔾᔪᕐᒧᑦ ᐃᓚᒃᓴᓕᐅᔾᔭᐅᔪᓐᓇᖅᓯᕝᕕᒥᒃ, ᐊᓂᐊᕆᓇᓂ ᐆᑕᖅᑎᑦᑎᕝᕕᖕᒧᑦ, ᐊᒃᑕᕐᕕᖕᒧᑦ, ᐊᒻᒪ ᐅᓗᕆᐊᓇᖅᑐᓂᒃ ᐊᒃᑕᑯᓂ ᒥᐊᓂᕆᔭᖃᐅᓯᕆᔭᕐᒧᑦ.

ᑐᒥᓂᐊᓐ ᐱᑎᑕᐅᓚᐅᕆᕗᑦ ᐊᕙᑎᒥᒃ ᐸᖅᑭᑦᑎᐊᕐᓂᕐᒧᑦ ᐃᓕᓴᕆᔭᐅᔾᔪᑎᒥᒃ ᓯᕗᒧᒃᐸᓪᓕᐊᓂᕐᒧᑦ ᑲᔪᓰᓐᓇᕈᓐᓇᖅᑐᒥᒃ ᐅᔭᕋᖕᓂᐊᕐᓂᕐᒥᑦ ᐃᓕᓴᖅᓯᓂᖃᕐᕕᒋᔭᐅᓂᒃᑯᑦ ᐊᑕᖐᓯᒪᓂᖃᖅᑐᒥᒃ ᐊᒃᑕᑯᓂᒃ ᒥᐊᓂᕆᔭᖃᕐᓂᕐᒧᑦ ᐱᓕᕆᐊᒥᖕᓄᑦ ᐃᑲᑎ ᐅᔭᕋᖕᓂᐊᕐᕕᖕᒥ.

ᑐᒥᓂᐊᓐ ᐃᓕᓴᕆᔭᐅᓯᒪᓂᖃᖅᐳᖅ ᓯᕗᓪᓕᖅᐹᖑᓪᓗᓂ ᐃᔾᔪᕐᒧᑦ ᐃᓚᒃᓴᓕᐅᔾᔭᐅᔪᓐᓇᖅᓯᕝᕕᖕᒧᐊᖅᑎᕆᕐᔪᐊᖅᐸᖕᓂᕐᒥᖕᓄᑦ ᐊᑐᖅᓯᓪᓗᑎᒃ ᓴᓇᕝᕕᖃᕐᕕᖕᒧᑦ ᓈᒻᒪᒃᑐᒥᒃ ᐃᔾᔪᕐᒧᑦ ᐃᓚᒃᓴᓕᐅᔾᔭᐅᔪᓐᓇᖅᓯᕝᕕᖕᒥᓄᑦ, ᖃᕋᓴᐅᔭᑎᒍᑦ ᕿᓂᖅᓴᕐᓂᒃᑯᑦ ᓂᐅᕕᐊᖑᓂᑰᔪᒧᑦ 2015ᒥ. ᐅᓪᓗᒥᐅᔪᖅ, ᓂᕐᕆᕐᓗᑯᕕᓃᑦ ᓇᑉᐸᓪᓗᐊᐸᓗᐊᖓᑕ ᐅᖓᑖᓃᑦᑐᖅ ᐃᑲᑎ ᐅᔭᕋᖕᓂᐊᕐᕕᖕᒥ ᐃᔾᔪᕐᒧᑦ ᐃᓚᒃᓴᓕᐅᔾᔭᐅᔪᓐᓇᖅᓯᕝᕕᖕᒧᐊᖅᑕᐅᕙᒃᐳᖅ.

ᑐᒥᓂᐊᓐ ᐱᒋᐊᖅᑎᑦᑎᓚᐅᖅᐳᑦ ᐊᖅᑯᑎᒃᑯᑦ ᐅᐃᒍᓕᕆᒃᑐᓂᒃ ᐃᑲᑎ ᐅᔭᕋᖕᓂᐊᕐᕕᖕᒥᖕᓂ ᐅᔭᕋᖕᓂᐊᖅᑕᕐᓂᒃ ᐅᓯᓂᕐᒧᑦ, ᐃᕐᓂᒃᖠᓂᖅᑎᑦᑎᓪᓗᑎᒃ ᐅᖅᓱᐊᓗᖕᒥᒃ ᐊᑐᖅᓯᓂᕐᒥᖕᓂᒃ, ᐱᓕᕆᐊᖃᕈᓐᓇᓯᑦᑎᐊᖅᐹᓪᓕᐅᑎᒋᓪᓗᒍ, ᐊᓂᐊᕆᙱᑦᑎᑦᓂᖅᓴᐅᓕᖅᖢᑎᒡᓗ. ᐅᐃᒍᓕᕇᑦ ᐊᑕᐅᓯᕐᒧᑦ ᐊᐅᓚᐅᑎᓕᖕᒧᑦ ᐅᓄᖅᑐᓂᒃ ᑲᓕᖦᖢᓂ ᐅᔭᕋᖕᓂᐊᖅᑕᓂᒃ ᐊᖅᑯᑎᒃᑯᑦ.

ᐊᖁᑎᑦ ᑕᖃᓗᐊᒧᑦ ᐅᓗᕆᐊᓇᖅᓯᑎᑦᑕᐃᓕᓇᓱᒧᑦ, ᑐᒥᓂᐊᓐ ᐊᑐᖅᓯᓕᓚᐅᖅᐳᑦ ᐊᔾᔨᓕᐅᕈᑕᐅᔨᖓᔪᓂᒃ, ᐊᒃᑐᐊᓯᓇᓂ, ᐅᓚᕕᓐᓇᕋᓂ ᖃᐅᔨᔭᖃᐅᑎ ᐊᖁᑎᓂᒃ ᓇᐅᑦᑎᖅᓲᑕᐅᓪᓗᓂ. ᑖᓐᓇ ᐃᓕᐅᕈᓯᖅ ᐃᒡᒐᖕᓂᒃ ᐊᑐᖅᓯᕗᑦ, ᓯᕿᓐᓂᖅᑐᖅᓯᐅᑎᓄᑦ ᐊᑐᒐᒃᓴᐅᓪᓗᑎᒃ, ᐆᒃᑐᕋᖅᓯᕙᒃᖢᑎᒃ ᓂᐊᖂᑉ ᐃᓕᖓᓂᕆᔭᖓᓂᒃ, ᓯᑯᙱᓕᕐᓂᕐᒥᒃ, ᐊᒻᒪ GPSᑎᒍᑦ ᓇᓃᓐᓂᖅᓯᐅᑎ ᓇᐅᑦᑎᖅᓲᑕᐅᓪᓗᓂ ᑕᖃᓗᐊᓕᖅᑐᒥᒃ ᖃᐅᔨᔾᔪᑎᓂ, ᓂᓪᓕᖅᑐᒃᑯᑦ ᖃᐅᔾᔨᐊᓪᓚᐃᒍᑎᖃᖅᖢᓂ ᐊᒻᒪ ᐃᒃᓯᕙᐅᑕᕆᔭᒃᑯᑦ ᐊᐅᓚᔾᔭᒃᑎᕆᓂᒃᑯᑦ, ᑕᕐᕆᔭᐅᑎᒃᑯᑦ ᖃᐅᔨᔭᕐᓂᒃ ᑐᓴᖅᑎᑦᓂᒃᑯᑦ, ᑮᓇᐅᑉ ᖃᓄᐃᓕᖓᓂᒃ ᓇᓗᓇᐃᕆᔾᔪᑦ ᐊᒻᒪ ᐆᒃᑐᕋᖅᓯᓂᒃᑯ ᐃᓕᐅᑉ ᕿᕐᓂᖅᑐᐊᓂᒃ/ᐃᔨᒥ/ᓂᐊᖂᑉ ᐊᐅᓚᓂᕆᔭᖓᓂᒃ.

2015ᒥ, ᑐᒥᓂᐊᓐ ᐃᑲᑎ ᐅᔭᕋᖕᓂᐊᕐᕕᐊ ᓄᓇᐅᑉ ᐃᓗᐊᓂ ᐅᔭᕋᖕᓂᐊᖅᑕᖃᕈᓯᐊ ᐊᓯᔾᔨᓚᐅᖅᐳᖅ ᓇᔫᑎᓇᑎᒃ ᐊᐅᓚᑦᑎᓂᕐᒧᑦ. ᑕᐃᒪᐃᓐᓂᑯᐊᓄᑦ ᖃᓗᓯᔾᔪᑎ ᓇᔫᑎᓇᓂ ᓅᑕᐅᓚᐅᖅᐳᖅ, ᓄᓇᐅᑉ ᖄᖓᓃᑦᑐᑦ ᐊᐅᓚᑦᑎᔾᔪᑎᑦ ᐊᐅᓚᑦᑎᕙᓕᖅᐳᖅ ᓄᓇᐅᑉ ᐃᓗᐊᓂ ᐅᔭᕋᖕᓂᐊᕐᓂᕐᒧᑦ ᖃᓗᓯᔾᔪᑎᑦ.

ᑐᒥᓂᐊᓐ ᐱᒋᐊᖅᑎᑦᑎᓯᒪᕗᑦ ᐱᓕᕆᐊᓂᒃ ᑐᑯᑐᒃᑐᖅᓯᐅᑎᒥᒃ ᐊᑐᖅᓯᙱᓐᓂᖅᓴᐅᓂᕐᒥᒃ ᑕᐃᒪᐃᓕᐅᕆᓂᒃᑯᑦ, ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᓐᓂᑦ ᐊᓂᐊᕆᙱᓐᓂᖅᓴᐅᑎᑦᑎᓪᓗᑎᒃ. ᑕᒪᒃᑯᐊ ᐃᓚᖃᖅᐳᑦ ᐋᖅᑭᒃᓯᓂᕆᔭᐅᓚᐅᖅ ᓄᑖᑦᑎᐊᖅ ᐃᓯᐊᕿᓇᓂ ᐆᑕᖅᓯᓂᒃᑯᑦ ᓄᖑᑎᕆᔾᔪᑎ 2015ᒥ ᐊᓂᐊᕆᓂᖃᕈᓐᓃᖅᐹᓪᓕᖅᑎᑦᑎᕐᔪᐊᓚᐅᖅᐳᖅ ᐊᒻᒪ ᐃᓕᐅᕋᐃᓂᒃᑯᑦ ᐆᒻᒪᖅᑯᑎᑐᖅᑐᓗᐊᙱᑦᑐᓂᒃ ᐆᓇᕋᑎᒃ ᖃᐅᒪᕐᔪᐊᖅᑐᓂᒃ ᐱᓕᕆᕝᕕᐅᔪᓕᒫᓂ, ᐃᓕᐅᕋᐃᕝᕕᐅᓂᐊᕆᓪᓗᑎᒃ ᐃᖅᑲᓇᐃᔭᖅᑎᓄᑦ ᓇᔪᕐᕕᒋᔭᕐᓂ ᐅᔭᕋᖕᓂᐊᖅᑕᒥᓗ ᐊᑐᖅᑕᒃᓴᙳᖅᑎᕆᕝᕕᖕᒥ, ᓯᒪᒦᑐᓄᓪᓗ ᖃᐅᒻᒪᖅᑯᑎᓄᑦ.

ᑕᐃᐊᕕᒃ

ᑕᐃᐊᕕᒃ ᐊᐅᓚᑦᑎᔨᐅᕗᑦ ᓄᓇᑦᓯᐊᑉ ᐊᓄᕆᒥᒃ ᐊᑐᖅᓯᔪᕐᔪᐊᑐᐊᖓᓂᒃ ᐊᒻᒪ ᓄᓇᕐᔪᐊᓕᒫᒥ ᐊᐅᓚᑦᑎᔪᑑᕗᖅ ᐊᖏᓂᖅᐹᒥᒃ ᑲᑎᓯᒪᑎᑦᑎᔪᒥᒃ ᐆᒻᒪᖅᑯᑎᖃᕐᓂᕐᒥᒃ ᐊᓄᕆᑎᒍᑦ ᑐᑯᑐᒃᑐᖅᓯᐅᑎᒃᑯᑦ.

Diavik is the global leader in cold climate renewable energy. Photo: Diavik Diamond Mines

ᑮᓇᐅᔭᖃᖅᑎᑕᐅᓪᓗᓂ ᐱᓕᕆᐊᖃᖃᑎᒌᒃᑐᓄᑦ, ᑎᓴᒪᐅᓪᓗᑎᒃ ᓴᙱᓂᖃᖅᑐᑦ 9.2-ᒥᒐᕗᐊᑦ ᐊᓄᕆᑦᑎᐅᑎᕐᔪᐊᖅ ᐊᓄᕆᒥᒃ ᐊᑐᖅᓯᔪᖅ ᓂᒡᓚᓱᖕᓂᓕᖕᒧᑦ -40°C ᐊᑐᖅᑕᒃᓴᐅᖏᓐᓇᖅᐳᑦ. ᐆᒻᒪᖅᑯᓯᖅᓯᓕᓚᐅᖅᐳᖅ ᐅᔭᕋᖕᓂᐊᕐᕕᖕᒧᑦ ᓯᑎᐱᕆ 2012ᖑᑎᓪᓗᒍ.

2017ᒥ, 9.2 ᐳᓴᒋᔭᖓᓂᒃ ᐅᔭᕋᖕᓂᐊᕐᕕᐅᑉ ᐆᒻᒪᖅᑯᑎᖃᕆᐊᖃᕐᓂᖓᓂᒃ ᑖᒃᑯᓇᙶᖓᓚᐅᖅᐳᖅ. ᐅᔭᕋᖕᓂᐊᕐᕕᐅᑉ ᑐᑯᑐᒃᑐᖅᓯᐅᑎᒥ ᐅᖅᓱᖃᕆᐊᖃᕐᓂᕆᔭᖓ 2017ᒥ ᐃᕐᓂᒃᖠᓕᖅᓯᒪᓕᓚᐅᖅᐳᖅ 4.2 ᒥᓕᐊᓐ ᓖᑕᓂ, ᐊᓂᕆᙱᓐᓂᖅᓴᐅᓂᖃᕋᓱᒋᔭᖅ 10.5 ᑕᓐᓂᒃ ᐳᔪᕐᓗᖕᒥᑦ, ᐊᒻᒪ ᑕᐃᐊᕕᒃᑯᑦ ᐅᑭᐅᒃᑯᑦ ᐊᖅᑯᑎᒋᕙᒃᑕᖓ ᐅᓯᕝᕕᐅᙱᓐᓂᖅᓴᐅᓪᓗᓂ 80 ᐸᓗᖕᓂᒃ.

ᑕᐃᒪᙵᓂᑦ 2012ᖑᑎᓪᓗᒍ, ᑐᑯᑐᒃᑐᖅᓯᐅᒻᒥᒃ ᐊᑐᖅᓯᙱᓐᓂᖅ 22.1 ᒥᓕᐊᓐ ᓖᑕᐅᕗᑦ. ᐊᑐᖅᓯᙱᓐᓂᕐᒧᑦ ᐅᔭᕋᖕᓂᐊᕐᕕᒃ ᐅᑎᕐᕕᐅᓂᕆᔭᖓ $31 ᒥᓕᐊᓐ ᑖᓚᐅᕗᑦ ᑮᓇᐅᔭᖅᑖᕈᒫᓂᐊᕐᓗᓂ ᐊᑐᖅᑕᐅᓂᑰᓯᒪᔪᓂᒃ ᑲᖐᒋᔭᐅᕗᑦ ᐊᕐᕌᒍᑦ ᐊᕐᕕᓂᓕᐅᔭᕆᐊᒃᓴᖏᓐᓂᒃ.

ᑎᑭᑕᕐᓂᙱᑦᑐᕐᔪᐊᖑᓂᖓ ᐱᔾᔪᑎᒋᓪᓗᒍ ᐊᑐᖅᑕᐅᓂᑰᓯᒪᙱᑦᑐᕐᔪᐊᒥᒃ ᐋᖅᑭᓯᓂᖅᑕᖃᕆᐊᖃᓚᕿᓚᐅᖅᐳᖅ ᐊᓄᕆᑦᑎᐅᑎᕐᔪᐊᕐᓄᑦ; ᐊᑐᖅᓯᕙᓪᓕᐊᓇᓱᓕᓵᖅᖢᑎᒃ ᑕᖅᑭᕋᓴᖕᓄᑦ ᐊᖅᑭᒋᐊᕆᑲᑕᐃᓐᓇᕐᓇᖅᐸᒃᖢᓂ. ᐸᑐᒃᑎᑦᑕᐃᓕᓇᓱᒧᑦ ᐸᐅᒐᐅᔭᖓᑕ ᐆᓇᖅᓯᔾᔪᓯᖓ ᐃᓪᓕᕆᔭᕆᐊᖃᕐᓇᓚᐅᖅᐳᖅ ᐸᑐᐃᔭᐃᔾᔪᓯᕐᒥᒃ ᐊᒻᒪ ᑐᙵᕕᖓ ᐋᖅᑭᒋᐊᒃᑲᓐᓂᕆᓪᓗᒍ ᐆᓇᕈᓐᓇᖅᓯᑎᖦᖢᒍ. ᐊᒻᒪ ᓱᓕ, ᐆᒻᒪᖅᑯᓯᕆᔨ ᓇᐅᑦᑎᖅᓱᖅᐸᒃᐳᑦ ᐊᓄᕆᑐᓂᕆᔭᕐᒥᒃ ᐱᕐᔪᐊᖑᓂᖓᓄᑦ ᐊᑑᑎᖃᑦᑎᐊᕐᓂᕐᒧᑦ.

ᒑᑦᓲ ᑰᐃ

ᒑᑦᓲ ᑰᐃᒥ, ᐊᔾᔨᒋᔭᐅᙱᑦᑐᒻᒪᕆ ᓂ ᕼᐊᑎ ᒃᓴ (NHX) ᐱᓕᕆᐊᖃᖃᑎᒌᖕᓂᒃᑯᑦ ᐊᕙᑎᒋᔭᕐᒥᒃ ᓇᐅᑦᑎᖅᓱᐊᖃᕐᓂᖅ ᐱᓕᕆᓂᕆᔭᐅᓚᐅᖅᐳᖅ 2016ᒥ. ᑖᓐᓇ ᐱᓕᕆᐊᖅ ᐃᓚᓕᐅᔾᔨᓯᒪᕗᖅ ᑕᓪᓕᒪᓂᒃ ᓄᓇᖃᖅᑳᖅᑐᑦ ᓄᓇᓕᖏᓂᒃ ᐱᓕᕆᖃᑎᖃᓲᓂᒃ ᐃᖅᑲᓇᐃᔭᖅᑎᒋᔭᕐᓂᒃ ᕿᒥᕐᕈᓯᕙᒃᐳᑦ ᐊᕙᑎᒥᒃ ᓇᐅᑦᑎᖅᓱᐊᖃᕐᓂᕐᒧᑦ. ᓂ ᕼᐊᑎ ᒃᓴᒃᑯᓐᓂᙶᖅᑐᖅ ᓇᐅᑦᑎᖅᓱᖅᑎ ᐱᓕᕆᖃᑎᖃᖅᐳᖅ ᒑᑦᓲ ᑰᐃᒃᑯᑦ ᐊᕙᑎᓕᕆᔨᖏᓐᓂᒃ ᐅᔭᕋᖕᓂᐊᕐᕕᖕᒥ. ᐊᒻᒪᒃᑲᓐᓂᖅ, ᐃᒡᓗᕋᓛᓕᐊᖑᔪᖃᓚᐅᖅᐳᖅ ᐅᔭᕋᖕᓂᐊᕐᕕᐅᑉ ᖃᓂᒋᔮᓂ ᒪᕐᕈᒃᑲᓐᓃᖕᓄᑦ ᓇᐅᑦᑎᖅᓱᖅᑏᖕᓄᑦ ᓇᔪᖅᑕᐅᕝᕕᒃᓴᒥᒃ ᐱᓇᓱᐊᕈᓯᕐᓄᑦ 12 ᐊᐅᓪᓚᖅᓯᒪᕝᕕᐅᖃᑦᑕᖅᑐᒃᓴᒥᒃ. ᐃᒡᓗᕋᓛᖅ ᐊᑐᖅᑕᐅᖃᑦᑕᕐᓂᐊᕆᕗᖅ ᐃᓚᒋᔭᑦ ᓂᐅᕐᕈᔭᕌᖓᑕ. ᓯᑎᐱᕆ 2016ᒥ, ᒑᑦᓲ ᑰᐃ ᑐᙵᓵᕆᓚᐅᖅᐳᑦ ᓯᕗᓪᓕᖅᐹᕆᓪᓗᒍ ᐃᖃᓗᒃᑐᖅᑎᑦᑎᓪᓗᑎᒃ. ᐃᓐᓇᐃᑦ ᓄᓇᓕᖕᓂᑦ ᖃᓂᒋᔮᓂᕐᒥᐅᑦ ᐆᒃᑐᖅᓯᖃᑕᐅᓚᐅᖅᐳᑦ ᐃᖃᓗᒃᑕᐅᔪᓂᒃ ᑕᓯᖅ N11ᒥᑦ.

ᐊᕐᕌᒎᓚᐅᖅᑐᓂ, ᑎ ᐱᐅᕐᔅ ᐃᑲᔪᖅᓱᖅᓯᒪᔪᖅ ᐊᒥᓱᒻᒪᕆᖕᓂᒃ ᐊᕙᑎᒥᒃ ᖃᐅᔨᓴᕐᓂᕐᒧᑦ ᐱᓕᕆᐊᕐᓂᒃ, ᐃᓚᒋᔭᐅᓪᓗᑎᒃ ᐅᖓᑖᓂ 25 ᖃᐅᔨᓴᖅᑎᐅᖃᑎᒥᓄᑦ ᕿᒥᕐᕈᔭᐅᓯᒪᔪᓪᓗᑎᒃ ᑎᑎᕋᖅᑕᐅᓯᒪᔪᑦ ᔅᓈᑉ ᓖᒃ ᐅᔭᕋᖕᓂᐊᕐᕕᖕᒥ ᐃᒪᕐᒥ ᐆᒪᔫᖃᑎᒌᑦ ᓇᔪᒐᖃᕐᕕᖏᓐᓂᒃ. ᐊᑐᖅᑕᐅᓵᕐᓂᑰᖃᑕᐅᔪᖅ ᐱᓕᕆᐊᑦ ᒑᑦᓲ ᑰᐃᒥ ᐃᓚᒋᔭᐅᓚᐅᖅᑐᖅ ᒪᕐᕉᖕᓂᒃ ᐊᕐᕌᒎᖕᓂᒃ ᐊᑯᓂᐅᓂᖃᖅᑐᖅ ᐱᓕᕆᐊᖅ ᖃᐅᔨᓴᖅᑕᐅᓂᖓᓄᑦ ᒑᑦᓲ ᑰᐃᒥᒃ ᓴᓇᓂᖅ ᐊᒃᑐᐃᓯᒪᓂᖓ ᓱᓗᑉᐸᐅᒐᕐᓄᑦ ᑰᒡᕕᒋᔭᕐᒦᑦᑐᓄᑦ. 2014/15ᒥ ᖃᐅᔨᓴᕐᓂᐅᓚᐅᖅᑐᖅ ᐱᓕᕆᖃᑎᒋᔭᐅᓚᐅᖅᑐᖅ ᕚᑕᓘᑉ ᓯᓚᑦᑐᖅᓴᕐᕕᒡᔪᐊᖓᓄᑦ ᐃᓚᒋᔭᖃᓚᐅᖅᖢᓂᓗ ᓇᐅᑦᑎᖅᓱᕐᓂᕐᒥᒃ ᐃᖃᓗᐃᑦ ᖃᓄᐃᓕᐅᖅᐸᖕᓂᖏᓐᓂᒃ. ᑕᐃᒪᐃᓕᕆᓂᖃᕈᓐᓇᓚᐅᖅᐳᑦ ᓱᓗᑉᐸᐅᒐᕐᓂᒃ ᓇᓃᓐᓂᕋᐃᔾᔪᓯᖅᓱᐃᓂᕐᒥᒃ ᐊᑐᖅᓯᓪᓗᑎᒃ ᓈᓚᐅᑎᒃᑰᕐᓂᕐᒧᑦ ᐊᑐᖅᑕᐅᓲᓂᒃ ᖃᐅᔨᓇᓲᑎᖃᖅᖢᑎᒃ ᑰᖕᒥ ᓴᑦᑎᖅᑭᔭᖓᓃᑦᑐᓂᒃ. ᖃᐅᔨᓴᕐᓂᕆᔭᒃᑯᑦ ᖃᐅᔨᓚᐅᖅᐳᑦ ᓱᓗᑉᐸᐅᒐᐃᑦ ᓇᔪᖅᑕᖃᐃᓐᓇᓚᐅᕆᐊᒃᓴᖏᓐᓂᒃ ᐅᔭᕋᖕᓂᐊᕐᕕᐅᑉ ᖃᓂᒋᔮᓃᑦᑐᓂᒃ ᐊᒻᒪ ᐅᓄᐃᓐᓇᕈᓐᓇᓚᐅᖅᖢᑎᒃ 10ᑭᓗᒦᑕᐅᒐᓗᐊᓂ ᐅᔭᕋᖕᓂᐊᕐᕕᐅᑦ ᓴᑦᑎᖅᑭᔮᓂᑦ.

ᒑᑦᓲ ᑰᐃ ᐅᔭᕋᖕᓂᐊᕐᕕᒃ ᐱᔅᓇᓯᑦ ᐱᐅᓯᕚᓪᓕᕈᓐᓇᕐᓂᖏᓐᓄᑦ ᐱᓕᕆᐊᖃᖅᑐᑦ ᐊᒥᓱᓂᒃ ᐱᒋᐊᖅᑎᑕᐅᓯᒪᔪᓂᒃ ᐋᖅᑭᒃᓱᐃᓇᓱᒃᖢᑎᒃ ᐱᐅᓯᕚᓪᓕᖅᑎᑦᑎᓇᔭᖅᑐᓂᒃ ᐊᐅᓚᓂᕐᒧᑦ ᐊᑭᖏᓐᓂᒃ ᐊᒻᒪᓗ ᐆᒻᒪᖅᑯᑎᓂᒃ ᐊᑐᑦᑎᐊᕐᓇᕐᓂᖅᓴᐅᓂᒃ. ᑖᔅᓱᒧᖓ ᐃᓚᒋᔭᐅᕗᖅ ᐃᓕᔭᐅᓂᖓ ᐆᖅᑰᓕᓴᐅᑎᓂᒃ ᐅᑎᖅᑎᑦᑎᔾᔪᑎᓂᒃ ᐅᖅᑯᒃᓴᖅᑎᑕᐅᓂᖏᓐᓄᑦ ᐃᒡᓗᕐᔪᐊᕋᓴᐃᑦ ᐅᔭᕋᖕᓂᐊᕐᕕᑉᒥ, ᐆᒻᒪᖅᑯᑎᓂᒃ ᐊᑐᕆᐊᖃᕐᓇᙱᓐᓂᖅᓴᒻᒪᕆᐅᓐᓇᖅᖢᓂ ᑲᑦᑐᖅᓯᒋᐊᖅᑎᑦᑎᓪᓗᓂᓗ ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᓐᓂᑦ ᐃᓯᐊᕿᔪᓂᒃ. ᐊᒻᒪᒃᑲᓐᓂᖅ, ᐊᑐᖅᑕᐅᑦᑎᐊᖅᑐᒥᒃ ᐱᓕᕆᐊᖃᓚᐅᕐᒥᔪᖅ ᐃᓕᔭᐅᓂᖏᓐᓄᑦ ᐆᓇᕐᓂᖃᙱᑦᑐᑦ ᖃᐅᒻᒪᖅᑯᑎᑦ ᐅᔭᕋᖕᓂᐊᕐᕕᖕᒥ

ᐊᓯᖏᑦ ᐱᒋᐊᖅᑎᑕᐅᔪᑦ, ᐸᕐᓇᒃᑕᐅᓯᒪᓪᓗᑎᒃ ᐊᑐᓕᖅᑎᑕᐅᓛᕐᓂᖏᓐᓄᑦ ᒑᑦᓲ ᑰᐃᒥ 2017ᒥ 2018ᒥᓗ, ᐃᓚᒋᔭᐅᕗᑦ ᐊᖏᒡᓕᒋᐊᖅᑎᑕᐅᓂᖓ ᖁᐊᕈᓐᓇᙱᑦᑐᒃᑯᑦ ᐅᖅᑰᓴᐅᑎ ᐊᒻᒪᓗ ᐊᑐᓕᖅᑎᑕᐅᓂᖓ ᐊᒃᑕᑯᓂᒃ ᐱᕈᕐᓂᑯᓂᒃ ᓯᖃᓪᓕᑎᕆᔾᔪᑎ. ᑎ ᐱᐅᕐᔅᑯᑦ ᐸᕐᓇᒃᓯᒪᖕᒥᔪᑦ ᐅᔭᖅᑲᓂᒃ ᖃᐅᔨᓴᕐᕕᓕᐅᕈᒪᓪᓗᑎᒃ ᓱᒃᑲᓴᒋᐊᖅᑎᑕᐅᓂᐊᕐᒪᑦ ᐅᔭᕋᖕᓂᐊᕐᕕᖕᒥᑦ ᐅᔭᖅᑲᓂᒃ ᓴᓪᕗ ᐃᑯᐊᓪᓚᒃᓴᕋᐃᑦᑐᖃᐅᖅᑐᓂᒃ ᓇᓗᓇᐃᖅᓯᓂᕐᒧᑦ. ᑖᓐᓇ ᐅᔭᖅᑲᓂᒃ ᑲᒪᒋᔭᐅᑦᑎᐊᕆᐊᓕᖕᓂᒃ ᐊᑐᙱᓐᓂᖅᓴᐅᑎᑦᑎᕐᔪᐊᕐᓂᐊᖅᑐᖅ ᑖᓐᓇᓗ ᖃᐅᔨᓴᕐᕕᒃ ᐊᐅᓪᓚᖅᑎᑦᑎᔭᕆᐊᖃᕐᓇᕈᓐᓃᓛᖅᑐᖅ ᐳᕆᑎᔅ ᑲᓚᒻᐱᐊᒧᑦ ᖃᐅᔨᓴᖅᑕᐅᔭᖅᑐᖅᑎᑦᑎᓗᑎᒃ.