ᑐᑦᑕᕐᕕᒃ » ᑕᐃᒪᓐ

ᑕᐃᒪᓐ

ᓄᓇᕐᔪᐊᕐᒥ ᖃᓄᐃᓕᐅᕈᓯᐅᕙᒃᓯᒪᔪᓂ, ᐃᓅᓯᖃᖃᑎᒌᒃᑐᑦ ᖃᓄᑐᐃᓐᓇᖅ ᐊᒃᖢᐃᑦᑑᓂᕐᒥᖕᓂᒃ ᓴᖅᑭᔮᖅᑎᑦᑎᓇᓱᒃᐸᒃᓯᒪᕗᑦ ᐊᑐᖅᓯᖃᓯᐅᔾᔨᓪᓗᑎᒃ ᑕᐃᒪᓐᓂᒃ. ᑕᐃᒪᐃᑦ ᐱᑕᖃᕋᔪᙱᑦᑐᒻᒪᕆᐊᓘᕘᑦ ᐱᑐᖃᕐᔪᐊᖑᓪᓗᑎᒡᓗ ᐊᒻᒪ ᐊᓕᒍᑦᑎᐊᕙᐃᑦ ᓄᓇᑦᓯᐊᕐᒥᙶᖅᑐᑦ ᐱᑐᖃᐅᓂᖃᖅᐳᖅ ᑎᑭᐅᑎᓯᒪᔪᓄᑦ 3 ᐱᓕᐊᓐᓄᑦ ᐊᕐᕌᒍᓄᑦ.

ᐅᑭᐅᖅᑕᖅᑐᕐᒥᙶᖅᑐᑦ ᑕᐃᒪᐃᑦ ᐊᓕᒍᑦᑎᐊᕙᐅᕗᑦ ᑕᑯᒥᓇᖅᓴᐅᑎᒃᓴᓕᐊᖑᔪᒃᓴᐅᑕᐅᓯᒪᓪᓗᑎᒡᓗ.

ᖃᐅᔨᒪᔭᐅᔪᓂᑦ ᑎᓯᓂᖅᐹᒻᒪᕆᐅᒋᐊᒃᓴᖓᓂᒃ ᑕᐃᒪᐃᑦ ᐊᑐᖅᑕᐅᕙᒃᓯᒪᕗᑦ ᑮᓇᕆᔭᐅᕙᒃᐳᑦ ᐊᕕᒃᓯᓂᕐᒧᑦ, ᐃᑰᑕᖅᓯᓂᕐᒧᑦ, ᓯᖃᓕᑎᕆᓂᕐᒧᑦ ᖃᐃᖅᑲᒃᓴᐃᓂᕐᒧᓪᓗ. ᑕᒪᓐᓇ ᑕᕝᕙ ᐊᑑᑎᓪᓗᐊᑕᕆᔭᐅᕗᖅ ᑕᐃᒪᓐᓄᑦ ᐃᖅᑲᓇᐃᔮᖃᕐᕕᒋᔭᐅᕙᒃᑐᓂ.

ᑕᐃᒪᐃᑦ ᑭᓱᓕᒫᑦᑎᐊᓂᑦ ᐆᓇᕐᓂᕐᒥᑦ ᓅᑎᕆᐊᓚᓂᖅᐹᖑᕗᑦ ᐊᑐᖅᑕᐅᕙᒃᖢᑎᒡᓗ ᓂᒡᓚᕆᐊᖅᓯᔾᔪᑕᐅᓪᓗᑎᒃ ᐆᒻᒪᖅᑯᑎᑐᖅᑐᓄᑦ ᓲᕐᓗ ᖃᕋᓴᐅᔭᕐᓄᑦ ᐊᒻᒪ ᐆᓇᕐᓂᖃᙱᑦᑐᓄᑦ ᖃᐅᒻᒪᖅᑯᑎᓄᑦ.

ᐊᒥᐊᓕᑲᐃᑦ ᐱᔭᖃᖅᐸᒃᐳᑦ 73ᐳᓴᒋᔭᖏᓐᓂᒃ ᑲᓇᑕᒥᙶᖅᑐᓂᑦ ᕿᓪᓕᖅᓴᖅᓯᒪᔪᓂᑦ ᑕᐃᒪᓐᓂᒃ ᐊᐅᓪᓚᖅᑎᑕᐅᕙᒃᑐᓂᑦ. ᓇᑭᙶᕐᓂᖓ ᑕᐃᒪᓐᓂᒃ ᓴᓇᔨᑦ ᑲᑐᔾᔨᖃᑎᒌᖓ

ᑲᓇᑕ ᐱᖓᔪᒋᔭᐅᕗᖅ ᓄᓇᕐᔪᐊᕐᒥ ᑕᐃᒪᓐᑕᕐᕕᐅᔭᕆᐊᒃᓴᖅ ᐊᑭᑐᓂᖏᑎᒎᖓᓪᓗᒍ ᐊᒻᒪ ᑕᓪᓕᒪᒋᔭᐅᓪᓗᑎᒃ ᐊᒃᑎᒋᓂᒃᑰᖓᓪᓗᒋᑦ (ᑭᐊᕋᑦ) 11ᐳᓴᒋᔭᐅᓪᓗᓂ ᐊᑭᑐᓂᖏᑎᒍᑦ ᐊᒻᒪ 10ᐳᓴᒋᔭᐅᓪᓗᓂ ᐊᒃᑎᒋᓂᒃᑯᑦ ᓄᓇᕐᔪᐊᕐᒥ ᑕᐃᒪᓐᑕᕐᕕᐅᕙᒃᑐᓂᑦ.