ᑐᑦᑕᕐᕕᒃ » ᑰᐹᓪᑦ

ᑰᐹᓪᑦ

ᑰᐹᓪᑦ ᓄᓇᕐᔪᐊᑉ ᖄᖅᐸᓯᐊᓃᓲᖑᕗᖅ ᑲᑎᕈᓘᔭᖅᓯᒪᓪᓗᓂ ᐊᓯᖏᓐᓄᑦ ᐃᓚᐅᕈᑎᖃᙱᑦᑐᓄᑦ. ᐊᐅᒃᑎᕆᓂᒃᑯᑦ ᓴᕕᕋᔭᑦᑎᐊᕙᙳᖅᑎᕆᓂᖅ ᓇᑰᐹᓪᑦᒥᒃ ᑲᑎᙵᔪᓐᓃᖅᑎᕆᕙᒃᐳᖅ ᐊᓯᖏᓐᓂᑦ ᐃᓚᐅᕈᑎᖃᙱᑦᑐᓂᑦ. ᑰᐹᓪᑦ ᓴᖅᑭᑎᑕᐅᒐᔪᒃᐳᖅ ᑲᓐᓄᔭᒃᓴᒥᒃ ᑮᓇᐅᔭᒃᓴᖅᒃᓴᒥᒡᓗ ᐅᔭᕋᖕᓂᐊᖅᑎᓪᓗᒋᑦ.

ᑰᐹᓪᑦ ᐱᔪᒪᔭᐅᕙᓪᓕᐊᖏᓐᓇᑐᐃᓐᓇᓕᖅᐳᖅ ᐊᑑᑎᖃᕐᔪᐊᓂᖓᓄᑦ ᐊᐅᓚᔪᓐᓇᐅᑎᓕᒃ ᓴᕕᕋᔭᐅᓪᓗᓂ’. ᑰᐹᓪᑦ ᐅᔭᕋᖕᓂᐊᖅᑕᑦ ᓇᑉᐸᓪᓗᐊᖏᑦ ᐊᑐᖅᑕᐅᕗᑦ ᕚᑕᓖᓄᑦ ᓴᙱᒃᑎᓴᒐᒃᓴᐅᔪᓄᑦ ᑎᒍᒥᐊᒐᐃᑦ ᑲᑉᐳᔾᔭᕆᐊᓖᑦ, ᑲᑉᐳᔾᔭᒐᕐᓄᑦ ᓄᓇᓯᐅᑎᓄᑦ, ᐊᒻᒪ ᓄᖅᑲᖓᓪᓗᑎᒃ ᐊᐅᓚᔪᓐᓇᐅᑎᑕᕈᑕᐅᔪᓄᑦ. ᐅᖄᓚᐅᑎᕋᓛᖅ ᑕᓪᓕᒪᓂᑦ 50ᓄᑦ ᒍᕌᒻᖃᖅᐳᑦ ᑰᐹᓪᑦᒥᒃ ᑲᑉᐳᔾᔭᒐᖅ ᓄᓇᓯᐅᑎᓕ ᑎᓴᒪᓂᑦ 30ᓄᑦ ᑭᓗᒍᕌᒻᖃᖅᐳᑦ ᑰᐹᓪᑦᒥᒃ.

ᐹᓪᑦ-ᓕᑎᐊᒻ-ᐊᐃᐋᓐ ᐹᑕᓖᑦ ᖃᐅᔨᒪᔮᕆᔭᐅᕗᑦ ᐆᒻᒪᖅᑯᑎᖃᕐᔪᐊᕐᓂᖏᓐᓄᑦ, ᓴᙱᓂᖏᓐᓄᑦ, ᑐᖅᑯᕐᓗᖕᓂᖏᓐᓄᓪᓗ.

ᑐᖑᔪᖅᑐᒥᒃ ᑕᖅᓴᐃᑦ ᑖᔅᓱᒪᙵᑦ ᐃᓚᐅᕈᑎᖃᙱᑦᑐᒥᑦ ᐊᑐᖅᑕᐅᕙᒃᓯᒪᕗᑦ ᑕᑯᒥᓇᖅᓴᐅᑎᓄᑦ ᒥᖒᑎᓄᓪᓗ ᐊᒻᒪ ᐊᓕᒍᕐᒧᑦ ᑕᖅᓯᖅᓯᔾᔪᑕᐅᓪᓗᑎᒃ. ᐊᑑᑎᒃᑲᓐᓂᖃᕆᕗᑦ ᓴᕕᕋᔭᐃᑦ ᑲᑎᖅᓱᒐᑦ ᓴᙵᒡᓕᑎᓯᒪᔪᑦ, ᓂᐱᖅᑲᕐᓇᐃᑦ, ᓴᕕᕋᔭᐃᑦ ᓯᑦᑕᕆᒃᑐᑦ, ᐊᓯᔾᔨᖅᑎᑦᑎᓲᑦ, ᐱᕈᖅᐱᕈᖅᓂᕐᒧᑦ ᓂᕿᓄᓪᓗ ᐃᓚᓕᐅᔾᔭᐅᑦᑕᖅᖢᑎᒃ.