ᑐᑦᑕᕐᕕᒃ » ᓄᓇᐅᑉ ᐃᓗᐊᓂ ᐅᔭᕋᖕᓂᐊᕐᓂᖅ

ᓄᓇᐅᑉ ᐃᓗᐊᓂ ᐅᔭᕋᖕᓂᐊᕐᓂᖅ

ᓄᓇᐅᑉ ᐃᓗᐊᓂ ᐅᔭᕋᖕᓂᐊᕐᓂᖅ ᐱᔭᕆᑐᓂᖅᓴᐅᕗᖅ ᐊᑭᑐᓂᖅᓴᐅᓪᓗᓂᓗ ᓄᓇᐅᑉ ᖄᖓᓂ ᐅᔭᕋᖕᓂᐊᕐᓂᕐᒥᑦ

ᐊᑭᑐᓂᖅᓴᐅᓗᐊᕐᓂᐊᕌᖓᑦ ᖄᒥᐅᑕᕆᔭᖅ ᐲᔭᓚᐅᖅᑳᕐᓗᒎᔭᕆᐊᒃᓴᖅ ᓱᓐᓂᐅᑎᓂᖃᙱᓐᓂᖅᓴᐅᑐᐃᓐᓇᕆᐊᖃᕌᖓᓪᓘᓐᓃᑦ ᐅᔭᕋᖕᓂᐊᒐᒃᓴᒧᑦ ᑎᑭᐅᑎᓇᓱᒡᓗᓂ, ᐃᓱᒪᓕᐅᖔᓲᖑᕗᑦ ᐅᔭᕋᖕᓂᐊᕋᔭᕆᐊᒃᓴᖅ ᓄᓇᐅᑉ ᐃᓗᐊᓄᑦ.


ᓄᓇᐅᑉ ᖄᖓᓂᑦᑐᒃᑯᑦ ᐅᔭᕋᖕᓂᐊᕌᓂᒃᑳᖓᒥᒃ, ᐅᔭᕋᖕᓂᐊᒐᒃᓴᑦᑎᐊᕙᑦ ᐱᔭᐅᓇᓱᓕᖅᐸᒃᐳᑦ ᓄᓇᐅᑉ ᐃᓗᐊᓂ ᐅᔭᕋᖕᓂᐊᕐᓂᒃᑯᑦ. ᑎᑭᐅᑎᓇᓱᒃᖢᑎᒃ ᐅᔭᕋᖕᓂᐊᕋᓱᑕᒥᒃᓄᑦ, ᓄᓇᐅᑉ ᐃᓗᐊᓂ ᓯᕗᖓᔪᒥᒃ ᐋᖅᑭᒃᓯᕙᒃᐳᑦ. ᐊᔾᔨᙳᐊᖁᑎᒋᔭᖅ: ᑕᐃᐊᕕᒃ ᑕᐃᒪᓐᓂᐊᖅᑎᑦ

ᓯᕕᖓᔪᓂᒃ ᓱᓪᓗᓕᓕᐅᓲᖑᕗᑦ ᑎᑭᐅᑎᓇᓱᒃᖢᑎᒃ ᐅᔭᕋᖕᓂᐊᒐᒃᓴᕐᒥᒃ. ᑎᑭᐅᔾᔨᓇᓱᒍᓯᒃᑲᓐᓂᖅᑕᖃᕆᕗᖅ ᑐᑭᖓᔪᒥᒃ ᐃᓗᐊᓄᐊᕐᕕᓕᐅᓲᖑᕗᑦ ᖁᓛᓂ ᓇᑉᐸᖅᓯᕕᒋᓯᒪᔭᖅᑕᖃᖅᖢᓂ ᖁᒻᒧᐊᒃᑕᔫᖅᑕᖃᖅᖢᓂ ᐃᖅᑲᓇᐃᔭᖅᑎᓂᒃ ᐊᕙᒻᒧᐊᒃᑎᑦᑎᔾᔪᑕᐅᓪᓗᓂ ᐅᔭᕋᖕᓂᐊᖅᑕᓂᒡᓗ ᐋᓂᐊᑎᑦᑎᔾᔪᑕᐅᓪᓗᓂ. ᓱᓪᓗᓕᖕᓂᒃ ᐊᑐᕌᖓᒥᒃ, ᐃᒪᖅᑕᖃᖅᑎᑦᑎᓂᖅ, ᑐᖅᑯᐃᕝᕕᒃᑕᖃᕐᓂᖅ, ᐲᔭᐃᔾᔪᓯᖅ, ᐆᒻᒪᖅᑯᑎᖃᕐᓂᖅ ᑐᓴᐅᒪᖃᑦᑕᐅᑎᔾᔪᑎᒃ ᐊᓂᖅᑎᕆᔭᖃᑦᑎᐊᒐᒃᓴᖅᑕᖃᕐᓂᖅ ᐱᑕᖃᕆᐊᖃᖅᐳᑦ. ᓄᓇᐅᑉ ᐃᓗᐊᓂ ᒥᐊᓂᕆᔭᖃᑦᑎᐊᖅᓯᕝᕖᑦ ᐊᓪᓚᒡᕖᓪᓘᓐᓃᑦ ᓴᓇᔭᐅᕙᒃᑭᕗᑦ.

ᐊᔾᔨᒌᙱᑦᑑᑕᐅᕗᑦ ᓄᓇᐅᑉ ᐃᓗᐊᓂ ᐅᔭᕋᖕᓂᐊᕉᓰᑦ ᐊᑐᖅᑕᖃᖓᕈᒪᓂᖅ ᐱᔾᔪᑎᖃᖅᐸᒃᐳᖅ ᐅᔭᕋᖕᓂᐊᖅᑕᒃᓴᑉ ᖃᓄᐃᑦᑑᓂᕆᔭᖓᓂᒃ (ᑐᐊᑦᑐᑯᑖᖑᒃᐸᑦ, ᑲᑎᙵᔪᐊᓘᒃᐸᑦ, ᓵᑦᑑᑕᐅᑦᑕᖅᐸᓪᓘᓐᓃᑦ) ᐅᔭᕋᖕᓂᐊᖅᑕᑦ ᐊᕙᑕᖏᖅᑕᐅᓯᒪᔾᔪᑎᐊᑕ ᐊᒻᒪ ᐅᔭᖅᑲᑦ ᐊᕙᓗᐊᓃᑦᑑᑉ ᑎᓯᑎᒋᓂᖓ ᒪᓕᒃᖢᒍ.

ᑐᐊᑦᑐᑯᑖᖑᔪᑦ ᐅᔭᕋᖕᓂᐊᖅᑕᐅᓲᖑᕗᑦ ᐃᓗᑦᑐᖅᑎᕆᓂᒃᑯᑦ ᐅᔭᕋᖕᓂᐊᒐᒃᓴᕐᓗ ᐲᔭᓕᖅᖢᒍ ᓄᓇᐅᑉ ᐃᓗᐊᓂ.

ᑲᑎᙵᔪᐊᓘᒃᐸᑕ ᐊᑕᐅᑦᑎᒃᑯᐊᓗᒃ ᐅᔭᕋᖕᓂᐊᓯᔾᔪᓯᕐᓂᒃ ᐊᑐᒡᒍᕗᑦ ᖄᖓᑕ ᐊᑎᑦᑎᐊᖓᒍᑦ ᐃᓗᑐᓂᓕᐅᖅᖢᑎᒃ. ᐊᔾᔨᒌᙱᑦᑑᑕᐅᕗᑦ . ᖄᖓᑕ ᐊᑎᑦᑎᐊᖓᒍᑦ ᐃᓗᑐᓂᓕᐊᕆᕝᕕᐅᓯᒪᓪᓗᑎᒃ ᐅᔭᕋᖕᓂᐊᕐᕖᑦ.

ᓵᑦᑑᑕᐅᒃᐸᑕ (ᓵᖦᖢᑎᒃ ᓯᕕᖓᓪᓗᑎᒡᓗ), ᖢᓂ ᓱᑲᓕᖅᓯᓪᓗᓂ ᐊᑐᖅᑕᐅᒐᔪᒃᐳᖅ. ᑕᐃᒪᐃᓕᐅᕌᖓᒥᒃ ᐅᔭᕌᖕᓂᐊᒐᒃᓴᑲᓪᓚᖕᒥᒃ ᐲᔭᐃᓪᓗᑎᒃ ᐃᓗᑐᔪᓕᐅᖅᐸᒃᐳᑦ ᐅᔭᖅᑲᓄᑦ ᓱᑲᓕᖅᓯᒪᓪᓗᒍ. ᐅᔭᕋᖕᓂᐊᕋᓱᒃᑕ ᐊᑎᖔᖓᓂᑦ ᐲᔭᐃᕝᕕᒋᓪᓗᒍ ᐊᑐᖅᑕᐅᕙᒃᑭᕗᖅ. ᐅᔭᕋᖕᓂᐊᕋᓱᒃᑕᖅ ᑲᑎᑕᐅᓚᐅᖅᖢᓂ ᓯᖃᑦᑎᐊᖑᓕᖅᖢᓂ, ᓯᖃᓪᓕᔭᕌᖓᑦ ᖁᒻᒧᒃᑎᑕᕐᓂᖅᓯᕙᒃᖢᓂ ᓄᓇᐅᑉ ᖄᖓᓄᑦ.

ᓄᓇᐅᑉ ᐃᓗᐊᓅᕆᐊᕐᕖᑦ ᒧᕐᓛᔾᔭᐃᒃᑯᓯᖅᑕᐅᓯᒪᑐᐃᓐᓇᕆᐊᖃᖅᐳᑦ ᒧᕐᓛᔾᔭᐃᒃᑯᓯᖅᑕᐅᓯᒪᙱᑐᐃᓐᓇᕆᐊᖃᖅᐳᓪᓘᓐᓃᑦ. ᐃᓚᒋᔭᐅᓪᓗᓂ ᐋᖅᑭᐅᒪᑎᑕᐅᑦᑎᐊᖅᑐᓂᒃ ᕿᑯᓕᖅᓱᖅᑕᐅᓂᖏᑦ ᑲᓱᖃᑦᑕᐅᑎᓂᕐᒧᑦ ᓱᓪᓗᐃᑦ. ᑲᑕᒐᖅᑎᑦᑎᑦᑕᐃᓕᔾᔪᑎᓂᒃ ᐃᓕᐅᕋᐃᓂᖅ ᖄᖓᓄᑦ (ᑐᓂᐊ) ᓴᓂᕌᖏᓐᓄᓪᓗ (ᑐᓕᒫᖏᑦ) ᓄᓇᐅᑉ ᐃᓗᐊᒍᑦ ᓱᓪᓗᐃᑦ ᑲᑕᒐᖅᑎᑦᑎᑦᑕᐃᓕᓲᖑᕗᖅ ᐅᔭᖅᑲᕋᓛᓂᒃ ᑲᑕᒃᐸᒃᑐᓂᒃ ᓇᕿᒻᒥᔭᐅᓂᕐᒧᑦ.

ᓴᓇᕐᕈᑎᓂᒃ ᐊᑐᖅᐸᒃᐳᑦ ᐅᓯᓕᖅᓲᑎᒋᔭᐅᓪᓗᑎᒃ ᑭᒻᐳᓚᐃᑦᒥᒃ ᐅᔭᕋᖕᓂᐊᖅᑕᒥᒃ ᓅᑎᕆᔾᔪᑎᒧᑦ ᓄᓇᐅᑉ ᐃᓗᐊᓂ ᑕᐃᐊᕕᒃ ᑕᐃᒪᓐᑕᕐᕕᐊᓂ. ᐅᓇ ᓇᕿᓪᓗᒍ ᐅᔭᕋᖕᓂᐊᕐᕕᐅᑦ ᓄᓇᐅᑉ ᐃᓗᐊᓂ ᐅᔭᕋᖕᓂᐊᕐᓂᖅ ᐅᔭᕋᖕᓂᐊᖅᑕᒥᒡᓗ ᐊᑐᖅᑐᒃᓴᙳᖅᑎᕆᓂᕐᒧᑦ ᑕᕐᕆᔭᐅᓯᐊᖑᓯᒪᔪᖅ. ᐊᔾᔨᙳᐊᖁᑎᒋᔭᖅ: ᑕᐃᐊᕕᒃ ᑕᐃᒪᓐᓂᐊᖅᑎᑦ

ᓄᓇᐅᑉ ᐃᓗᐊᓂ ᐅᔭᕋᖕᓂᐊᕐᓂᐅᑉ ᐃᓕᐅᕈᓯᖓᑕ ᑲᐃᕙᓂᖓ ᒪᑯᓂᖓ ᐃᓚᖃᖅᐳᖅ:

  • ᐃᑰᑕᕐᓂᖅ ᖄᖅᑎᕆᓂᕐᓗ ᓱᓪᓗᓕᓕᐅᕋᓱᒧᑦ ᐅᔭᖅᑲᑎᒍᑦ ᐊᑐᖅᑕᐅᔾᔮᙱᑦᑐᑎᒍᑦ ᐅᔭᕋᖕᓂᐊᖅᑕᐅᔪᒃᓴᒧᑦ ᑎᑭᐅᑎᓇᓱᒧᑦ ᑎᑭᐅᑎᒍᑎᒃ ᐃᑰᑕᓕᕐᓗᑎᒃ ᖄᖅᑎᕆᓗᑎᒡᓘᓐᓃᑦ ᐅᔭᕋᖕᓂᐊᕋᓱᒃᑕᒥᒃ
  • ᓯᖃᓪᓕᓯᒪᔪᑦ ᐅᔭᖅᑲᑦ ᐊᑐᖅᑕᐅᔾᔮᙱᑦᑐᑦ ᐅᔭᕋᖕᓂᐊᖅᑕᐅᓇᓱᒃᑐᕐᓗ ᓄᓇᐅᑉ ᖄᖓᓄᐊᖅᑎᑕᐅᓕᖅᖢᑎᒃ
  • ᐃᓗᓪᓕᖅᓱᐃᒃᑲᓐᓂᕆᐊᖃᕈᑎᒃ ᐃᓗᓪᓕᖅᓱᐃᒃᑲᓐᓂᕐᓗᑎᒃ

ᕿᓂᕐᓂᖅᑕᖃᓕᕐᓗᓂ ᓄᓇᐅᑉ ᐃᓗᐊᓂ. ᕿᓂᕐᓂᖅᑕᖃᐃᓐᓇᖅᐳᖅ ᐅᔭᕋᖕᓂᐊᕐᓂᓕᒫᒥ ᖃᐅᔨᕚᓪᓕᐅᑎᒋᔭᐅᕙᒃᑲᒥ ᐃᓂᓪᓚᐅᒪᓂᕆᔭᕐᒥᒃ ᐊᒃᑎᒋᓂᕆᔭᕐᒥᒃ ᐱᐅᑎᒋᓂᕆᔭᕐᒥᒡᓗ ᐅᔭᕋᖕᓂᐊᖅᑕᐅᓇᓱᒃᑐᒥᒃ. ᓄᓇᐅᑉ ᐃᓗᐊᓂ ᕿᓂᕐᓂᖅᑕᖃᕐᓂᖅ ᐱᕐᔪᐊᖑᓂᖃᖅᐳᖅ ᐅᔭᕋᖕᓂᐊᒐᒃᓴᖅᓯᐊᒃᑲᓐᓂᑳᓪᓚᒃᑲᔭᕈᑎᒃ ᑮᓐᓇᐅᔾᔮᒃᐹᓪᓕᒃᑲᓐᓂᐅᑕᐅᔪᓐᓇᕐᓂᐊᓄᑦ ᐅᔭᕋᖕᓂᐊᕐᕕᒃ ᐊᑯᓂᐅᓂᖅᓴᕐᓗ ᐅᔭᕋᖕᓂᐊᕐᕕᐅᔪᓐᓇᕈᓂ ᐃᑲᔫᑎᒋᔭᐅᔪᓐᓇᖅᑐᑦ ᐅᖓᑎᒃᑲᓐᓂᐊᓅᖓᔪᓐᓇᕋᔭᒪᑕ ᐱᒋᐊᓕᓵᖅᑎᓪᓗᒋᑦ ᐃᓱᒪᒋᔭᐅᓚᐅᕐᓂᕐᒥᑦ.