ᑐᑦᑕᕐᕕᒃ » ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᐃᓕᓴᕆᔭᐅᔾᔪᑎᑖᕐᓂᑯᑦ

ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᐃᓕᓴᕆᔭᐅᔾᔪᑎᑖᕐᓂᑯᑦ

ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᐃᓕᓴᕆᔭᐅᔾᔪᓯᐊᑦ ᓵᓚᒃᓴᐅᓯᐊᑐᐊᖑᔪᑦ ᐃᓕᓴᖅᓯᔪᓂᒃ ᑲᔪᓯᑦᑎᐊᖅᑐᐊᓘᓂᕐᒥᒃ ᐅᔭᕋᖕᓂᐊᕐᓂᕐᒥ ᕿᓂᕐᓂᕐᒥᓗ ᓄᓇᕗᒻᒥ. ᐊᕐᕌᒍᑕᒫᑦ, ᐱᖓᓱᑦ ᐃᓕᓴᕆᔭᐅᔾᔪᓯᐊᑦ ᐃᓱᒪᒃᓴᖅᓯᐅᕈᑕᐅᕙᒃᑐᑦ ᐅᑯᓄᖓ ᑐᕌᖓᓪᓗᑎᒃ ᑯᐊᐸᕇᓴᓐ, ᐃᓄᑐᐃᓐᓇᖅ ᐊᒻᒪ ᒐᕙᒪ. ᐃᓕᓴᕆᔭᐅᔾᔪᓯᐊᑦ ᑐᓐᓂᖅᓴᐅᑕᐅᕙᒃᐳᑦ ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᓂᕐᒥ.

ᓂᕈᐊᒐᒃᓴᙳᖅᑎᑦᑎᔨᐅᔪᓐᓇᖅᐳᑦ ᐅᔭᕋᖕᓂᐊᖅᑐᓕᕆᔨᓂᑦ ᕿᓂᖅᑐᓕᕆᔨᓂᙶᖅᑐᓂᑦ ᐊᒻᒪ ᐊᑐᓂ ᓂᕈᐊᒐᒃᓴᙳᖅᑎᑕᐅᔾᔪᑕᐅᔪᑦ ᕿᒥᕐᕈᔭᐅᕙᒃᐳᑦ ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᓂᕐᒧᑦ ᑲᑎᒪᔨᕋᓛᖏᓐᓄᑦ.

ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᐃᓕᓴᕆᔭᐅᔾᔪᑎᑖᕐᓂᑯᓄᑦ ᖃᐅᔨᒪᔭᐅᕝᕕᐊ ᐃᑭᐊᖅᑭᕕᒃᑯᑦ ᕿᒥᕐᕈᕝᕕᖓᑦ ᐱᒋᐊᖅᑎᑕᐅᓚᐅᖅᐳᖅ 2016ᒥ ᐃᓕᓴᖅᓯᓂᖃᖃᑦᑕᕈᒪᒧᑦ ᐱᒃᑲᐅᓂᕐᒧᑦ ᐅᔭᕋᖕᓂᐊᕐᓂᕐᒥ ᕿᓂᕐᓂᕐᒥᓗ ᓄᓇᕗᒻᒥ. ᑖᓐᓇ ᐃᑭᐊᖅᑭᕕᒃᑯᑦ ᕿᒥᕐᕈᕝᕕᒃ ᓴᖅᑭᓚᕿᓕᓚᐅᖅᐳᖅ ᐊᕐᕌᒍᑕᒫᖅᓯᐅᑎᑎᒍᑦ ᑐᓂᔭᐅᖃᑦᑕᓚᐅᖅᑐᓂᑦ ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᐱᑎᑕᐅᖃᑦᑕᓚᐅᖅᑐᑦ ᑕᐃᒪᒪᙵᓂᑦ 2008ᒥᑦ. ᐅᔭᕋᖕᓂᐊᕐᓂᕐᒧᑦ ᐃᓕᓴᕆᔭᐅᔾᔪᑎᑖᕐᓂᑯᑦ ᑐᓂᔭᐅᕙᙱᓚᐅᑦ ᒫᓐᓇᓕᓴᓵᖅ ᐅᔭᕋᖕᓂᐊᕐᓂᕐᒨᓕᖓᔪᓂᒃ ᐱᓕᕆᐊᖃᖅᐸᒃᑐᓂᒃ ᑭᓯᐊᓂᓗᑦᑕᐅᖅ ᖃᖓᓂᑦ ᐊᑐᖅᑕᐅᕙᖕᓂᑰᓯᒪᔪᓂᒃ ᐱᓕᕆᐊᖃᖅᐸᖕᓂᑰᔪᓂᑦ.

ᖃᐅᔨᒪᔭᖃᕈᕕᑦ ᐃᓚᒋᔭᐅᓕᓪᓗᐊᖅᑐᒥᖅ ᐅᔭᕋᖕᓂᐊᕐᓂᕐᒧᑦ ᐃᓕᓴᕆᔭᐅᔾᔪᑎᑖᕐᓂᑯᓄᑦ, ᓂᕈᐊᒐᒃᓴᙳᖅᑎᑦᑎᓗᑎᑦ..

ᓂᕈᐊᒐᒃᓴᙳᖅᑎᑦᑎᔾᔪᑎᓗᒃᑖᑦ ᕿᒥᕐᕈᔭᐅᑦᑎᐊᖅᐸᒃᐳᑦ ᐱᐅᓛᖅᓯᐅᕐᕕᐅᕙᒃᖢᑎᒡᓗ ᐊᑐᖅᓯᓪᓗᑎᒃ ᐱᒋᐊᖅᐹᓪᓕᖅᑎᑦᓂᕆᔭᕐᒥᒃ ᐅᔭᕋᖕᓂᐊᖅᑐᓕᕆᔨᓄᑦ ᓄᓇᕗᒻᒥ. ᐃᓚᓕᐅᔾᔭᐅᓇᔭᕈᑎᒃ, ᐃᖅᑲᐅᒪᓇᕈᑕᐅᓂᐊᖅᑐᖅ ᐃᓅᑉ ᑎᒥᐅᓪᓘᓐᓃᑦ ᐃᑲᔪᕐᓂᕆᓚᐅᖅᑕᖓᓄᑦ ᐃᓕᓴᕆᔭᐅᓛᖅᑐᖅ ᐃᓕᓴᕆᔭᐅᔾᔪᑎᑖᕐᓂᑯᓄᑦ ᖃᐅᔨᒪᔭᐅᕝᕕᒃ ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᓂᐅᑉ ᐃᑭᐊᖅᑭᕕᒃᑯᑦ ᕿᒥᕐᕈᕝᕕᐊᒍᑦ.

2018ᒥ ᐃᓕᓴᕆᔭᐅᓚᐅᖅᑐᑦ ᐅᑯᐊᖑᓚᐅᖅᑐᑦ:

  • ᔮᓐ ᑑᒑᖅ, ᐃᓄᑐᐃᓐᓇᖅ
  • ᓄᐊᑦ ᐋᕈ ᐅᔭᕋᖕᓂᐊᒐᒃᓴᐃᑦ, ᑯᐊᐸᕇᓴᓐ
  • ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᒐᕙᒪ
  • ᔅᑕᕙᓂ ᐊᐅᑐᑦ, ᐱᒋᐊᖅᐸᓪᓕᐊᑎᑦᑎᔨ

ᑕᑯᔪᒪᒍᕕᐅᒃ ᑕᒪᕐᒥᒃ ᑎᑎᕋᖅᑕᐅᓯᒪᔪᑦ ᐅᔭᕋᖕᓂᐊᕐᓂᕐᒧᑦ ᐃᓕᓴᕆᔭᐅᔾᔪᑎᑖᕐᓂᑯᑦ,ᐅᓇ ᓇᕿᓪᓗᒍ.

ᐊᑐᓂ ᓵᓚᒃᓴᐅᓯᐊᑦ ᐱᔭᐅᔪᓐᓇᕐᓂᖏᓐᓄᑦ ᑎᑭᐅᑎᔭᐅᔭᕆᐊᓖᑦ ᐃᒪᓐᓇᐅᕗᑦ:

ᐃᓄᑐᐃᓐᓇᖅ ᐃᓕᓴᕆᔭᐅᔾᔪᓯᐊᖅ (ᒪᐃᒃ ᕼᐊᐃᓐ ᓵᓚᒃᓴᐅᓯᐊᖑᓚᐅᖅᓯᒪᔪᖅ)
•ᐃᓕᓴᖅᓯᓂᖃᕈᒪᒧᑦ ᐃᓄᑐᐃᓐᓇᕐᒥᒃ ᐱᒋᐊᖅᐹᓪᓕᕐᓂᖃᖅᑎᑦᑎᕐᔪᐊᖅᑐᒥᒃ ᐅᔭᕋᖕᓂᐊᖅᑐᓕᕆᔨᓂᒃ ᓄᓇᕗᒻᒥ
•ᐃᓕᓴᖅᓯᓂᖃᕈᒪᒧᑦ ᐱᕚᓪᓕᖅᓯᒪᓂᖃᕐᔪᐊᖅᑐᒧᑦ ᓄᓇᕗᒻᒥ ᐃᖅᑲᓇᐃᔭᖅᑎᐅᔪᒧᑦ ᐅᔭᕋᖕᓂᐊᖅᑐᓕᕆᔨᓂ
•ᐃᓕᓴᖅᓯᓂᖃᕈᒪᒧᑦ ᐃᓕᓐᓂᐊᖅᑐ/ᐃᓕᓐᓂᐊᕐᕕᒃ ᑲᒪᓱᖕᓂᖃᖅᑐᒧᑦ ᐅᔭᕋᖕᓂᐊᖅᑐᓕᕆᔨᓂ

ᑯᐊᐸᕇᓴᓐ ᓵᓚᒃᓴᐅᓯᐊᖅ (ᒨᕆ ᐸᐃᒃ ᓵᓚᒃᓴᐅᓯᐊᖑᕙᓚᐅᖅᓯᒪᔪᖅ)
•ᐃᓕᓴᖅᓯᓂᖃᕈᒪᒧᑦ ᐃᑲᔪᕐᓂᐅᓚᐅᖅᑐᒥᒃ ᐅᔭᕋᖕᓂᐊᕐᓂᕐᒧᑦ, ᕿᓂᕐᓂᕐᒧᑦ, ᐊᒃᑐᐊᔪᒧᓪᓘᓐᓃᑦ ᑲᒻᐸᓂᐅᔪᒧᑦ ᒪᑭᒪᔾᔪᑎᖃᖅᐹᓪᓕᖅᑎᑦᑎᓂᕐᒧᑦ/ᐃᓅᖃᑎᒌᒍᑎᖃᑦᑎᐊᓕᖅᐹᓪᓕᖅᑎᑦᑎᓂᕐᒧᑦ ᓄᓇᓕᐅᔪᒥᒃ, ᐊᕕᒃᑐᖅᓯᒪᓂᐅᔪᒥᒃ ᓄᓇᕗᓕᒫᒧᓪᓘᓐᓃᑦ

ᒐᕙᒪ/ᑎᒥᐅᔪᖅ ᓵᓚᒃᓴᐅᓯᐊᖅ
•ᐃᓕᓴᖅᓯᓂᖃᕈᒪᒧᑦ ᖃᓄᐃᓕᐅᕐᓂᕆᔭᐅᓯᒪᔪᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ, ᑲᑐᔾᔨᓂᖃᖅᑐᒃ, ᐅᕝᕙᓘᓐᓃᑦ ᑎᒥᐅᔪᒥᒃ ᐱᕈᖅᐸᓪᓕᐊᓂᖃᖅᑎᑦᑎᔪᒥᒃ ᐅᔭᕋᖕᓂᐊᖅᑐᓕᕆᔨᓂᒃ ᓄᓇᕗᒻᒥ
•ᐊᐃᖅᑑᑕᐅᔪᓐᓇᖅᑐᖅ ᓇᓕᖏᓐᓄᑦ ᒐᕙᒪᐅᔪᓄᑦ – ᓄᓇᓖᑦ, ᓄᓇᕗᑦ, ᑲᓇᑕ ᐃᓄᐃᓪᓘᓐᓃᑦ ᑎᒥᖁᑎᖓᓐᓄᑦ

ᓵᓚᒃᑕᐅᓯᐊᖃᕐᓂᕐᒧᑦ ᐊᑐᖅᑕᐅᓯᒪᔪᖅ
ᓵᓚᒃᓴᐅᓯᐊᒃᓵᒃ ᒪᕐᕉᒃ ᑕᐅᔭᐅᓂᖃᕐᖓᓚᐅᖅᐴᒃ ᒪᕐᕉᖕᓄᑦ ᐱᓕᕆᐊᖃᕐᔪᖅᓯᒪᔫᖕᓄᑦ ᕿᓂᖅᑕᖃᕐᓂᖅ ᐱᒋᐊᖅᐸᓪᓕᐊᓕᖅᑎᓪᓗ ᓄᓇᕗᒻᒥ. (ᒨᕆ ᐸᐃᒃ ᖃᐅᔨᒪᔭᐅᑦᑎᐊᓚᐅᖅᑐᖅ ᐅᔭᕋᖕᓂᐊᖅᑐᓂᒃ ᐅᖅᓱᐊᓗᒃᓴᓂᒡᓗ ᕿᓂᕐᓂᕐᒥ ᐊᐅᔭᕋᓴᖕᓂᓗ ᓄᓇᙳᐊᓕᐊᕆᔭᖃᓚᐅᖅᐳᖅ ᑲᓇᑕᐅᑉ ᖃᐃᖅᓱᒑᖑᓂᕐᔪᐊᖓᓂᒃ ᓴᔅᑳᑦᓱᕙᓐ ᐅᐊᖕᓇᖓᓂ, ᓄᓇᑦᓯᐊᕐᒥ, ᓄᓇᕗᒻᒥᓗ. ᐊᖓᔪᖅᑳᕆᔭᐅᓚᐅᖅᐳᖅ ᑲᒻᐸᓚᒃᔅ ᐅᔭᕋᖕᓂᐊᒐᒃᓴᓕᕆᔨᒃᑯᓐᓄᑦ. ᐃᓕᓴᕆᔭᐅᔾᔪᓯᐊᖅ ᑖᔅᓱᒥᖓ ᐃᓕᓴᖅᓯᓯᒪᔪᖅ ᐱᑎᑕᐅᕙᒃᐳᖅ ᑯᐊᐸᕆᓴᓐᖑᔪᖅ ᐅᔾᔨᕐᓇᒻᒪᕆᒃᖢᑎ ᐱᕙᓪᓕᖅᑎᑦᑎᓯᒪᔪᒥᒃ ᓄᓇᕘᑉ ᐅᔭᕋᖕᓂᐊᖅᑐᓕᕆᕐᓂᕆᔭᖓᓄᑦ. ᐃᒪᐃᑦᑑᒐᔪᒃᐳᖅ ᐱᓕᕆᐊᒃᓴᐅᓂᖃᓪᓚᑦᑖᖅᑐᑦ ᐅᕝᕙᓘᓐᓃᑦ ᐱᒋᐊᖅᐸᓪᓕᐊᖅᑎᑕᐅᓯᒪᕐᔪᐊᖅᑐᑦ ᐱᔅᓂᔅᒋᔭᕐᓄᑦ ᑖᔅᓱᒧᖓ ᐱᕐᔪᐊᖑᔪᒧᑦ ᐃᓕᓴᕆᔭᐅᓂᖃᖅᐸᒃᐳᑦ.
ᒪᐃᒃ ᕼᐊᐃᓐ ᐅᔭᕋᓕᕆᔨᐅᓚᐅᖅᐳᖅ ᓄᓇᕗᒻᒥ ᐱᓕᕆᐊᖃᖃᑎᖃᕐᓂᑰᓯᒪᓪᓗᓂ ᐊᔾᔨᒌᙱᑦᑐᓂᒃ ᑎᒥᐅᔪᓂᒃ ᐃᓚᒋᔭᐅᓪᓗᑎᒃ ᕿᑭᖅᑖᓗᒃ ᑯᐊᐳᕇᓴᓐ ᐊᒻᒪ ᐃᓄᓕᕆᔨᑐᖃᒃᑯᑦ ᐊᒻᒪ ᐅᔭᕋᖕᓂᐊᖅᑐᓕᕆᔨᑦ ᑲᑐᔾᔨᖃᑎᒌᑦ. ᐃᓕᓴᕆᔭᐅᔾᔪᓯᐊᖅ ᐊᑎᖓᒎᖓᔪᖅ ᐃᓕᓴᖅᓯᓂᖃᖅᐸᒃᐳᖅ ᐃᓄᑐᐃᓐᓇᕐᒥᒃ ᐃᑲᔪᑦᑎᐊᕐᓂᑰᓪᓗᓂ ᐅᔭᕋᖕᓂᐊᕐᓂᕐᒧᑦ ᓄᓇᕗᒻᒥ ᐃᖅᑲᓇᐃᔭᖅᑎᐅᓂᒃᑯᑦ ᐅᔭᕋᖕᓂᐊᕐᓂᓕᕆᓂᕐᒥ ᐃᓕᓐᓂᐊᖅᑎᐅᔪᒧᓪᓘᓐᓃᑦ ᐱᔨᑦᑎᕋᕐᕕᐅᔪᒧᓪᓗᓐᓃᑦ ᐃᖅᑲᓇᐃᔭᖅᑎᐅᔪᒧᑦ.