ᑐᑦᑕᕐᕕᒃ » ᓇᐅᒃᑯᑦ ᐊᑐᕐᓂᖃᕐᒪᖔᑦ

ᓇᐅᒃᑯᑦ ᐊᑐᕐᓂᖃᕐᒪᖔᑦ

ᐅᔭᕋᖕᓂᐊᕐᕕᓕᐅᕐᓂᖅ ᐊᕐᕌᒍᒐᓴᖕᓄᑦ ᐊᒡᓛᑦ ᐊᕐᕌᒍᑦ ᖁᓕᕋᓴᐃᑦ ᐊᓂᒍᕈᓐᓇᖅᐳᑦ ᐱᓕᕆᐊᕆᔭᐅᖅᑳᑯᑖᖕᓂᒃᑯᑦ ᖃᔅᓯ ᒥᓕᐊᓐ ᑖᓚᕋᓴᖕᓄᓪᓗ ᑮᓇᐅᔾᔭᒍᑎᒋᔪᒫᕐᓂᐊᕐᓗᒍ ᐊᑭᓕᖅᓱᐃᔾᔪᑎᒋᓪᓗᒍ. ᐅᑭᐅᖅᑕᖅᑐᖅ ᐊᖏᓂᓕᒃ 3.4 ᒥᓕᐊᓐ ᑭᓗᒦᑕᑦ ᑭᑉᐹᕆᒃᑐᑦ ᑲᖐᓇᕐᓂᖃᕐᔪᐊᖅᐳᖅ ᓇᓂᓯᕝᕕᐅᔪᓐᓇᕆᐊᒃᓴᖅ ᓴᕕᒃᓴᖅᑕᖃᕆᐊᒃᓴᖓᓂᒃ ᐅᔭᕋᒐᒃᓴᖅᑕᖃᕆᐊᒃᓴᖓᓂᒡᓗ. ᒫᓐᓇᒃᑯᑦ, ᐅᔭᕋᖕᓂᐊᕐᕖᑦ ᐊᑐᖅᓯᐊᕐᔪᑯᓗᑐᐃᓐᓇᖅᐳᑦ ᓄᓇᑦᓯᐊᑉ ᓄᓇᕘᓪᓗ ᓄᓇᖓᓂᒃ; ᓄᓇᑦᓯᐊᕐᒥ 0.005% ᓄᓇᕗᒻᒥ 0.006%.

ᑕᒡᕙᙵᑦ ᑐᓪᓕᓂᐊᕐᔪᑯᓗᖕᒥᑦ, ᐅᔭᕋᖕᓂᐊᕐᕖᑦ ᐃᖅᑲᓇᐃᔮᖅᑖᖅᑎᑦᑎᕙᒃᐳᑦ, ᓇᖕᒥᓂᕆᔭᕐᓄᑦ ᐃᑲᔫᓯᖅᓯᔾᔪᑕᐅᓪᓗᑎᒃ, ᓄᓇᓖᑦ ᖃᓄᐃᙱᑦᑑᓂᖏᓐᓄᑦ ᐃᑲᔪᖅᓯᓪᓗᑎᒃ, ᐊᒻᒪ ᑖᒃᓰᔭᕈᑕᐅᔪᓂᑦ ᓂᖏᖅᑕᕈᑕᐅᔪᓂᒡᓗ ᐱᕕᒋᓐᓇᖅᖢᓂ ᑭᒃᑯᑐᐃᓐᓇᐃᑦ ᓄᓇᖃᖅᑳᖅᑐᓪᓗ ᒐᕙᒪᖏᓐᓅᖓᔪᓂᒃ. ᐊᕐᕕᓂᓕᐅᕗᑦ ᐅᔭᕋᖕᓂᐊᕐᕕᒋᔭᑦ ᐅᑭᐅᖅᑕᖅᑐᕐᒥ, ᐱᖓᓲᓪᓗᑎᒃ ᓄᓇᑦᓯᐊᕐᒥ, ᐱᖓᓲᒋᓪᓗᑎᒃ ᓄᓇᕗᒻᒥ.

ᓄᓇᑦᓯᐊᑉ ᐱᖓᓱᑦ ᑕᐃᒪᓐᑕᕐᕕᖏᑦ ᖃᓂᒌᒃᐳᑦ ᖃᐅᔨᒪᔮᕆᔭᐅᔪᒥ ᓄᓇᑦᓯᐊᑉ ᐅᔭᕋᖕᓂᐊᕐᓇᕐᓂᖏᓐᓃᑦᑐᑦ (Slave Geological Province), ᓄᓇᑦᓯᐊᑉ ᒐᕙᒪᖃᕐᕕᖓᑦᑕ ᔭᓗᓇᐃᖕ ᐅᐊᖕᓇᖓᑕ ᑲᓇᖕᓇᖓᓂ.

ᓄᓇᕗᑦ ᒪᕐᕉᖕᓂᒃ ᒎᓗᑕᕐᕕᖃᖅᐴᒃ ᐊᑕᐅᓯᕐᒥᒡᓗ ᓴᕕᕋᔭᒃᓴᖅᑕᕐᕕᖃᖅᖢᓂ. ᓄᓇᕘᑉ ᐊᕕᒃᑐᖅᓯᒪᓂᕆᔭᖏᑦ ᕿᑎᕐᒥᐅᑦ, ᑭᕙᓪᓕᖅ ᐊᒻᒪ ᕿᑭᖅᑕᓂ ᐊᑐᓂ ᐅᔭᕋᖕᓂᐊᕐᕕᖃᖅᐳᑦ ᐱᔭᖃᖅᑎᑦᑎᔾᔪᑎᒋᔭᐅᔪᓂᒃ ᓄᓇᓕᖏᓐᓄᑦ ᒪᑭᒪᔾᔪᑎᖏᓐᓄᓪᓗ.

ᕿᒥᕐᕈᑦᑎᐊᕐᓂᕐᒧᑦ ᐊᑕᖐᓯᒪᔪᓂᒃ ᐊᕕᒃᑐᖅᓯᒪᕕᐊᕈᓰᖕᓂ ᐅᔭᕋᖕᓂᐊᕐᕕᒋᔭᑦ, ᐱᓕᕆᐊᒃᓴᐃᑦ ᐱᕙᓪᓕᖅᐸᓪᐊᕐᔪᐊᖅᓯᒪᔪᑦ, ᐊᒻᒪ ᕿᓂᖅᓴᕐᕕᐅᔪᑦ,
ᐅᓇ ᓇᕿᓪᓗᒍ.