ᑐᑦᑕᕐᕕᒃ » ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐅᔭᕋᖕᓂᐊᕐᓂᕐᓗ

ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐅᔭᕋᖕᓂᐊᕐᓂᕐᓗ

ᐅᑭᐅᖅᑕᖅᑐᕐᒥ ᑎᑭᐅᑎᔭᕐᓂᙱᑦᑐᒦᑦᑐᑦ ᐅᔭᕋᖕᓂᐊᕐᕖᑦ ᐊᑐᕆᐊᖃᖅᑕᖃᖅᓯᒪᕗᑦ ᑐᑯᑐᒃᑐᖅᓯᐅᑎᒥᒃ ᐅᖅᓱᐊᓗᖕᒥᒃ ᓴᓇᕐᕈᑎᒥᓄᑦ ᐅᐊᔭᒃᑰᕈᓐᓇᐅᑎᒥᖕᓄᓪᓗ. ᐱᓕᕆᕝᕕᓗᒃᑖᑦ ᐊᒃᓱᕈᕐᓂᖃᖅᐸᒃᐳᑦ ᓴᓇᕐᕈᑎᓂᒃ ᐊᑐᖅᓯᑦᑎᐊᕐᓂᕐᒥᒃ ᐅᖅᓱᐊᓗᖕᒥᒃ ᐊᑐᕐᓂᑭᓐᓂᖅᓴᐅᓇᓱᒧᑦ. ᐊᔾᔨᙳᐊᖁᑎᒋᔭᖅ: ᓄᓘᔮᖕᓂ ᓴᕕᕋᔭᒃᓴᓕᕆᔨᒃᑯᑦ ᐅᔭᕋᖏᓂᐊᖅᑎᑦ

ᐅᑭᐅᖅᑕᖅᑑᑉ ᑕᐃᒪᓐᑕᕐᕕᖕᑦ ᓵᙵᔭᖃᖅᐳᑦ ᐊᑐᓗᐊᕈᓐᓃᖅᑕᖃᕋᓱᖕᓂᕐᒥᒃ ᐅᐊᔭᒃᑰᕈᑎᓂᒃ; ᓯᓚᐃᓐᓇᕐᒨᖅᑎᕆᙱᓐᓂᖅᓴᐅᓂᕐᒥᒃ ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᓐᓂᑦ ᐃᓯᐊᕿᔪᓂᒃ ᐊᒻᒪ ᑮᓇᐅᔭᖅᑐᙱᓐᓂᖅᓴᐅᓂᕐᒥᒃ.

ᑕᐃᒫᑦᑕᐃᓐᓇᖅ, ᑲᒻᒪᐸᓃᑦ ᐅᔭᕋᖕᓂᐊᕐᕕᓕᐅᖅᐸᓪᓕᐊᔪᑦ ᐅᔾᔨᕆᔭᖃᖅᓯᒪᕗᑦ ᐅᐊᔭᒃᑰᕈᓐᓇᐅᑎᓂᒃ ᐊᑐᖅᓯᓗᐊᙱᓐᓂᕐᒥᒃ; ᐱᓗᐊᖅᑐᒥᒃ ᑖᒃᓰᔭᕆᐊᖃᓕᕈᑎᒃ ᑳᕐᐸᓐᒥᒃ ᐊᑐᖅᓯᓂᕐᒧᑦ ᐊᒻᒪ ᐅᑭᐅᖅᑕᖅᑐᕐᒥ ᐊᐅᓚᑕᖃᕐᓂᖅ ᓇᐅᒃᑯᑐᐃᓐᓇᖅ ᐊᑭᑐᔫᓂᖓᓄᑦ.

ᑕᒪᓐᓇ ᐱᒋᐊᓲᖑᕗᖅ ᐅᔭᕋᖕᓂᐊᓕᓚᐅᖅᑳᖅᑎᓐᓇᒋᑦ.

ᐆᒃᑑᑎᒋᓗᒍ, ᕿᓂᖅᓴᓱᖓᖅᑎᓪᓗᒋᑦ ᓱᓕ, ᐋᕙᓛᓐ ᐊᑐᖅᓯᖃᓯᐅᔾᔨᓕᓚᐅᖅᐳᑦ ᐊᑐᖅᑕᐅᓂᑰᓯᒪᙱᑦᑐᒥᒃ ᐊᑐᓕᖅᑭᒐᒃᓴᐅᔪᓂᒃ ᓂᑦᓴᓛᑦᓱ ᐱᓕᕆᐊᒃᓴᕐᒥᖕᓂ ᓄᓇᑦᓯᐊᕐᒥ. ᐋᕙᓛᓐ ᐋᖅᑭᒃᓯᓚᐅᖅᐳᖅ ᐊᑐᖅᓯᓕᖅᖢᑎᒡᓗ ᐅᐊᔭᒃᑰᕈᓐᓇᐅᑎᓂᒃ ᐊᑐᓕᖅᑭᒃᑕᖃᐅᓯᕐᒥᒃ ᑲᑎᖅᓱᖅᖢᒋᑦ ᑐᑯᑐᒃᑐᖅᓯᐅᒻᒨᖅᑐᖅ ᔭᓄᓖᑕ, ᕚᑕᓖ ᑐᖅᑯᐃᓯᒪᕝᕕᐅᔪᓐᓇᖅᑐᖅ, ᑲᑎᖅᓱᖅᓯᒪᔭᕐᒥᒃ ᐊᑐᖅᓯᔪᓐᓇᐅᑎ ᐊᒻᒪ ᓯᕿᓂᐅᑉ ᐆᓇᕐᓂᖓᓂᑦ ᑲᑎᖅᓱᐃᔾᔪᑎᑦ. ᐱᒋᐊᖅᓯᔾᔪᑎᒋᔭᐅᓚᐅᖅᐳᖅ ᑐᑯᑐᒃᑐᖅᓯᐅᒻᒥᒃ ᐊᑐᓗᐊᕈᓐᓂᕆᐊᒃᓴᖅ ᐊᑭᓕᐅᑕᐅᔭᕆᐊᖃᒃᑲᓐᓂᖅᑐᓪᓗ ᒥᑭᒡᓕᑎᑦᑕᐅᓇᓱᒃᖢᑎᒃ. ᕚᑕᓖ ᑐᖅᑯᐃᓯᒪᕝᕕᐅᔪᓐᓇᖅᑐᖅ ᐊᑦᑕᕐᓇᙱᓐᓂᖅᓴᐅᑎᑦᑎᓕᓚᐅᕆᕗᖅ ᑐᐱᕐᓂ ᐅᖅᑰᓴᐅᑕᐅᔪᓄᑦ, ᑐᑯᑐᒃᑐᖅᓯᐅᑎᒥᒃ ᐅᖅᓱᐊᓗᖕᒥᒃ ᐊᑐᖅᓯᙱᓐᓂᖅᓴᐅᔾᔪᑕᐅᒃᑲᓐᓂᓕᕆᓪᓗᓂ. ᑖᓐᓇ ᐱᓕᕆᐊᒃᓴᖅ ᐅᐊᔭᒃᑰᕈᑎᓂᒃ ᐊᑐᖅᓯᓂᑭᓐᓂᖅᓴᐅᔾᔪᑕᐅᓚᐅᖅᐳᖅ ᓯᓚᐃᓐᓇᕐᒨᖅᑎᕆᙱᓐᓂᖅᓴᐅᔾᔪᑕᐅᓪᓗᓂᓗ
ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᓐᓂᑦ ᐃᓯᐊᕿᔪᓂᒃ.

ᑲᓇᐃᑎᐊᓐ ᔨᖕᒃ, ᓴᖅᑭᑦᑎᓚᐅᖅᖢᑎᒃ ᑲᔪᓯᑦᑎᐊᕈᓐᓇᕋᔭᕐᒪᖔᑦ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᕐᒥᓂᒃ 2017ᒥ ᐳᐱᐊᕆ ᑯᕆᒃ ᐅᔭᕋᖕᓂᐊᕐᕕᖕᒧᑦ (Prairie Creek), ᐅᔭᕋᖕᓂᐊᖅᑕᖃᓕᕆᐊᕈᓐᓇᖅᐳᖅ 2020 ᐱᒋᐊᓕᓵᖅᓯᒪᑎᓪᓗᒍ ᐊᒻᒪᓗ, ᑕᐃᓐᓇ ᐊᖅᑯᑎᒋᔭᐅᖏᓐᓇᐅᔭᕈᓐᓇᖅᓯᓇᓱᒃᑐᖅ ᐱᒋᐊᖅᓯᒪᓕᖅᐸᑦ, ᓴᓗᒪᓂᖅᓴᐅᔪᒃᑯᑦ ᐆᒻᒪᖅᑯᑎᖃᕐᓂᖅ ᓲᕐᓗ ᐃᒪᙳᖅᑎᓯᒪᔪᖅ ᐳᓪᓚᐅᔪᖅ ᒑᓴᓖᓐ (LNG), ᐊᑐᖅᑕᐅᖔᕈᓐᓇᓕᕋᔭᖅᑐᑦ. ᑲᓇᐃᑎᐊᓐ ᔨᖕᒃ ᐊᒻᒪ ᓄᓇᑦᓯᐊᑉ ᐆᒻᒪᖅᑯᑎᓕᕆᔨᒃᑯᖏᑦ ᐊᑎᓕᐅᖅᓯᒪᓕᖅᐴᒃ ᐊᖏᖃᑎᒌᒍᑎᒥᒃ ᖃᐅᔨᓇᓱᒃᑕᖃᒃᑲᓐᓂᕈᒪᓪᓗᑎᒃ. ᕗᐊᑦᑐᓐ ᒥᓄᕋᓪ ᓂᑯ (Fortune Minerals’ Nico) ᐅᔭᕋᖕᓂᐊᕐᕕᓕᐊᕆᔪᒪᔭᖓᑦᑕᐅᖅ ᐱᔪᒪᒍᑎᒃ ᐊᑐᖅᓯᖔᓕᕈᓐᓇᕋᔭᕐᒥᔪᑦ ᐃᒪᙳᖅᑎᓯᒪᔪᖅ ᐳᓪᓚᐅᔪᖅ ᒑᓴᓖᓐᒥᒃ ᐊᖅᑯᑎᒋᔭᐅᖏᓐᓇᐅᔭᕈᓐᓇᖅᑐᒃᓴᖅ ᐃᖅᑲᓇᐃᖅᑕᐅᒃᐸᑦ

ᑲᓇᑕᓗᒃᑖᕐᒥ, ᐅᔭᕋᖕᓂᐊᕐᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ (MAC) ᐃᓚᖏᓪᓗ ᐊᔪᐃᓐᓈᕆᔭᖃᖅᑐᑦ ᐱᐅᓯᕚᓪᓕᖅᑎᑦᑎᓂᕐᒥᒃ ᓄᑖᕈᕆᐊᖅᑎᑦᑏᓐᓇᐅᔭᖅᖢᑎᒡᓗ ᐊᕙᑎᒥᒃ ᓴᐳᒻᒥᓇᓱᒃᖢᑎᒃ, ᐱᐅᓯᕚᓪᓕᖅᑎᑦᑎᓇᓱᒃᖢᑎᒃ ᐊᐅᓚᔪᓐᓚᐅᑎᓂᒃ ᐊᑐᕐᓂᕐᒥᓂᒃ, ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᓐᓂᑦ ᐃᓯᐊᕿᔪᓂᒃ ᑲᑦᑐᖅᓯᒋᐊᖅᑎᑦᑎᓇᓱᒃᖢᑎᒡᓗ. ᐊᕐᕌᒎᓚᐅᖅᑐᓂ ᐊᕙᑎᓂᒃ, ᐅᔭᕋᖕᓂᐊᕐᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᐃᓚᖏᑦ ᑲᒻᐸᓂᐅᔪᑦ ᐱᐅᓯᕚᓪᓕᖅᑎᑦᑎᓯᒪᔪᑦ ᐊᐅᓚᔪᓐᓇᐅᑎᓂᒃ ᐊᑐᑦᑎᐊᕐᓂᕐᒥᒃ ᑲᑦᑐᖅᓯᒋᐊᖅᑎᑦᑎᓂᕐᒥᒡᓗ ᐃᓯᐊᕿᔪᓂᒃ ᐅᔭᕋᖕᓂᐊᕐᕕᖕᒥᓂ ᐱᓕᕆᔾᔪᓯᖅᑎᒍᑦ ᓲᕐᓗ ᐅᔭᕋᖕᓂᐊᕐᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᐊᑐᕆᐊᖃᖅᑎᑕᖓ ᓯᕗᒧᒃᐸᓪᓕᐊᓂᕐᒧᑦ ᑲᔪᓰᓐᓇᕈᓐᓇᖅᑐᒥᒃ ᐅᔭᕋᖕᓂᐊᕐᓂᕐᒥᒃ ᐱᒋᐊᖅᑎᖅᑎᑕᐅᔪᖅ ᐊᒻᒪᓗ ᐅᔭᕋᖕᓂᐊᕐᕕᖕᓂ ᓇᖕᒥᓂᖅ ᐋᖅᑮᒋᐊᖅᓯᒪᓂᕆᔭᖏᓐᓂᒃ. ᐊᐅᓚᔪᓐᓇᐅᑎᑦ, ᐅᖅᓱᐊᓗᑦ, ᐱᓕᕆᔾᔪᓯᖃᑦᑎᐊᕐᓂᐅᓪᓗ ᐅᖓᑖᓂ, ᐃᓚᒋᔭᐅᔪᑦ ᑲᒻᐸᓂᐅᔪᑦ ᐱᓕᕆᖃᑎᖃᖅᓯᒪᕗᑦ ᓄᓇᓕᒋᔭᕐᓂ ᐅᓄᖅᑐᓂ ᐱᓕᕆᐊᒃᓴᕐᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓅᖓᔪᓄᑦ.

ᐅᓪᓗᒥ ᐊᕙᑎᒋᓕᖅᑕᑦᑎᓐᓂ, ᐅᔭᕋᖕᓂᐊᕐᓂᖅ ᐱᔭᒃᓴᖃᒻᒪᕆᒃᐳᖅ ᓴᓗᒪᔪᒃᑯᑦ ᓴᓇᔪᓕᕆᓂᕐᒥᒃ. ᐅᔭᕋᖕᓂᐊᕐᓂᓕᕆᔨᑦ ᐊᑐᖅᑕᐅᓂᐊᓵᖅᑐᓂᒃ ᓴᖅᑭᑎᕆᕙᒃᐳᑦ ᐆᒻᒪᖅᑯᑎᖃᕐᓂᕐᒧᑦ ᐊᑐᓕᖅᑭᒃᑕᐅᔪᓐᓇᖅᑐᓂᒃ ᓴᓇᔭᐅᔪᓪᓇᖅᑐᓂᒃ, ᐊᓄᕆᑦᑎᐅᑎᕐᔪᐊᓂᒃ, ᓯᕿᓂᐅᑉ ᐆᓇᕐᓂᖓᓂᑦ ᑲᑎᖅᓱᐃᔾᔪᑎᓂᒃ, ᕚᑕᓖᒨᖅᑐᓂ ᓄᓇᓯᐅᑎᓂᒃ. ᐆᒃᑑᑎᒋᓗᒍ, ᐅᕿᑦᑐᔮ ᓕᑎᐊᒻᓖᑦ ᕚᑕᓖᑦ, ᐱᔪᒪᔭᐅᓂᖅᓴᐅᕙᓪᓕᐊᑐᐃᓐᓇᖅᑐᑦ, ᐊᑐᖅᓯᔭᕆᐊᖃᖅᐳᑦ ᑰᐹᓪᑦᒥᒃ. ᐱᓕᕆᐊᒃᓴᖅ ᓂᑯ (NICO) ᐊᖏᔪᒥᒃ ᑰᐹᓪᑦᖃᖅᐳᑦ ᒎᓗ, ᐱᔅᒪᑦ ᐊᒻᒪ ᑲᓐᓄᔭᖃᖅᓯᓐᓈᖅᑐᒥ ᐊᒻᒪ ᓄᓇᑦᓯᐊᕐᒧᑦ ᐱᕕᒃᓴᐅᓕᕐᓂᐊᖅᖢᓂ ᑕᒪᑐᒥᖓ ᐊᑐᖅᑕᐅᓕᖅᑐᒃᓴᐅᑕᐅᔪᒥᒃ ᓄᓇᕐᔪᐊᕐᒧᑦ ᐱᔭᐅᔭᕆᐊᖃᓕᖅᑐᒥᒃ ᐸᐅᕿᓐᓇᙱᑦᑑᓕᕈᒫᕋᒥ ᓯᕗᓂᕐᒥ.

ᐆᒃᑐᕐᓂᖅ ᐅᔭᕋᖕᓂᐊᕐᓂᐅᑉ ᓯᕗᓂᒃᓴᒥ ᑲᔪᓯᑦᑎᐊᕐᓂᕆᓇᔭᖅᑕᖓᓂᒃ ᐃᓚᖃᖅᐳᖅ ᖃᓄᖅ ᐃᓱᒪᒃᓴᖅᓯᐅᕈᑕᐅᑦᑎᐊᖅᓯᒪᓗᓂ ᑲᒪᒋᔭᖃᑦᑎᐊᖅᑎᒋᓗᓂᓗ ᓴᖅᑭᑦᑎᓇᔭᕐᒪᖔᑦ ᐊᔾᔨᐸᓗᖏᓐᓂᒃ ᓴᕕᕋᔭᒃᓴᓂᒃ ᐅᔭᕋᖕᓂᐊᒐᒃᓴᓂᒃ ᐅᕙᑎᒧᑦ ᐱᐅᓗᑎᒃ ᑮᓇᐅᔾᔭᒃᓴᔪᖃᕈᓐᓇᕋᔭᕐᒪᖔᑦ ᐊᒻᒪᓗ ᐊᑐᖅᑎᑦᑎᓇᔭᕐᒪᖔᑦ ᓴᖅᑭᑦᑐᓂᑦ ᓄᑖᙳᖅᐸᓪᓕᐊᔪᓂᒃ ᐊᑐᖅᑕᐅᓯᒪᔪᓐᓇᖅᑐᓂᒃ ᐊᑐᓂ ᓄᓇᒥᙶᖅᑐᓂᒃ ᐅᔭᕋᖕᓂᐊᖅᑐᖃᕋᔭᕐᒪᖔᑦ ᐃᖏᕐᕋᑎᑕᐅᔪᓂ ᐅᔭᕋᖕᓂᐊᕐᕕᖕᓂ.