ᓴᓇᔭᖃᕐᓂᖅ

ᕿᓂᖅᑕᖃᕐᓂᖅᑎᒍᑦ, ᐊᕙᑎᒥᒃ ᒥᐊᓂᕆᔭᖃᐅᓯᕐᓂᒃ ᖃᐅᔨᓇᓱᒃᑕᖃᕐᓂᖅᑎᒍᑦ, ᓄᓇᖃᖅᑎᐅᔪᓂᒃ ᑐᓴᐅᒪᔭᖃᖅᑎᑦᑎᓂᑎᒍ, , ᑲᔪᓯᑦᑎᐊᖅᕈᓐᓇᖅᑎᒋᓂᕐᒧᑦ ᖃᐅᔨᓇᓲᑎᑦ, ᐊᕙᑎᒋᔭᕐᒥᒃ ᖃᐅᔨᓇᓱᒃᑕᖃᕐᓂᖅᑎᒍᑦ, ᐊᑐᖅᓯᔪᓐᓇᐅᑎᑖᕐᓂᒃᑯᑦ ᓚᐃᓴᓐᓯᑖᕐᓂᒃᑯᓪᓗ, ᐃᓚᒋᔭᐅᓪᓗᑎᓂ ᐃᓅᓯᖃᖃᑎᒌᖕᓂᕐᒨᖓᔪᒃᓴᓄᑦ ᓚᐃᓴᓐᓯᑖᖅᓯᒪᓂᖅ ᐊᐅᓚᑦᑎᓂᐊᕐᓗᓂ, ᑮᓇᐅᔭᖃᖅᑎᑕᐅᓯᒪᓕᕐᓂᒃᑯᓪᓗ, ᐱᓕᕆᐊᒃᓴᕆᓂᐊᖅᑕᒥᒃ ᓇᖕᒥᓂᓖᑦ ᐱᓯᒪᔭᐃᓐᓗᒃᑖᖅᑕᖃᓕᖅᐳᖅ ᓴᓇᔭᖃᖅᐸᓪᓕᐊᔪᓐᓇᖅᓯᔪᓐᓇᕐᓂᐊᕐᓗᑎᒃ. ᑕᕝᕘᓇ ᓴᓇᔭᖃᓯᒋᐊᖅᐳᑦ ᐅᔭᕋᖕᓂᐊᕐᕕᒃᓴᒥᒃ ᑐᖅᑕᐅᖃᐅᓯᐅᔾᔭᐅᔭᕆᐊᓕᖕᓂᒡᓗ.

ᐊᑐᖅᑕᐅᖃᐅᓯᐅᔾᔭᐅᔭᕆᐊᓖᑦ ᒪᑯᓂᖓ ᐃᓚᖃᒡᒍᕗᑦ, ᐊᑐᖅᑐᒃᓴᙳᖅᑎᕆᔾᔪᓯᖅ, ᖃᐅᒻᒪᖅᑯᓯᐅᕈᓐᓇᐅᑎ, ᐃᒪᕐᓗᖕᒥᒡᓗ ᑭᓈᓗᒃᑕᓂᒡᓗ ᓴᓗᒻᒪᖅᓴᐃᕝᕖᑦ, ᓴᓇᔭᖃᕈᓐᓇᐅᑎᑦ ᐋᖅᑭᐅᒪᑎᑕᐅᕝᕕᖏᓐᓄᑦ ᑯᓛᔾᔪᐃᑦ, ᓯᕐᓗᐊᑦ ᐊᓪᓚᒡᕖᓪᓗ, ᐅᖅᓱᐊᓗᐃᖅ ᖄᖅᑎᕆᔾᔪᑎᓪᓗ ᑐᖅᑯᖅᑕᐅᓯᒪᕝᕕᖏᑦ, ᐊᖅᑯᑎᑦ, ᐊᒻᒪ ᐃᒪᕐᓗᑯᓄᑦ ᑕᓯᕋᓕᐊᑦ ᑰᒐᔾᔭᐃᒃᑯᑎᖏᑦ.

ᑎᑭᑕᕐᓂᙱᑦᑐᒦᑦᑐᓂ ᐊᑐᐃᓐᓇᒐᒃᓴᐅᔪᒥᒃ ᐊᖅᑯᑎᖃᙱᑦᑐᒦᑦᑐᓄᑦ, ᐊᑐᖅᑕᐅᖃᐅᓯᐅᔾᔭᐅᔭᕆᐊᓖᑦ ᒪᑯᓂᖓ ᐃᓚᖃᕆᐊᖃᕆᕗᑦ ᒥᕝᕕᒃ, ᐊᖏᕐᕋᕆᔭᐅᕙᒃᑐᒃᓴᖅ ᐃᖅᑲᓇᐃᔭᖅᑎᑦ ᐃᓚᒃᑯᑦ ᐃᒡᓗᕈᓯᖃᕈᓐᓇᕐᓗᑎᒃ, ᓂᕆᕕᒃ, ᓂᖅᖠᐅᕐᕕᒃ, ᐋᓐᓂᖅ/ᐋᓐᓂᐊᕐᓂᕆᔭᐅᕝᕕᒃ ᓴᐃᓕᕝᕕᒃ ᐃᖃᐃᓕᓴᕐᕕᖃᖅᑐᒥᒃ.

ᓴᓇᔭᖃᕐᓂᖅ, ᐊᕐᕌᒎᖕᓄᑦ ᐱᖓᓱᓄᓪᓘᓐᓃᑦ ᓴᓇᔪᓐᓇᐅᑎᓪᓗᒍᑦᑕᐃᓐᓈᕈᐊᖕᓂᑯᐊᓄᑦ ᓂᒡᓚᓱᒃᑐᕐᔪᐊᕐᒥ ᕼᐊᓐᓇᓚᖏᓐᓃᑦᑐᓄᑦ ᐋᖅᑮᒋᐊᖅᓯᒪᓂᓕᖕᓂᒃ ᐊᔪᙱᓐᓂᖃᑐᓅᖓᕗᖅ. ᐃᒪᐃᒐᔪᒃᐳᖅ, ᐅᔭᕋᖕᓂᐊᕐᕕᒃᓴᓕᐅᖅᑐᒃᓴᖅ ᐅᓄᕐᓂᖅᓴᐅᒡᒍᕗᑦ ᐅᔭᕋᖕᓂᐊᓪᓚᕆᒃᓱᒃᓴᓂᑦ. ᐊᔪᙱᓐᓂᕆᔭᐅᔪᑦ ᐅᔭᕋᖕᓂᐊᕐᓂᕐᒨᖓᙱᑦᑑᑕᐅᒍᐊᒃᐳᑦ. ᐱᓕᒻᒪᒃᓴᖅᓯᒪᓂᖃᑦᑎᐊᖅᑐᓂᒃ ᓴᓇᔭᖃᖃᑕᐅᔪᒃᓴᓂᒃ ᐅᑭᐅᖅᑕᖅᑐᕐᒥ ᐊᒃᓱᕈᕐᓇᕈᑕᐅᕙᒃᐳᖅ.

ᐃᒪᐃᑉᐳᕐᓕ, ᑕᒪᑐᒨᓇ ᐱᓕᒻᒪᒃᓴᐃᓂᖅᑕᖃᖅᐳᖅ, ᐃᖅᑲᓇᐃᔮᒃᓴᖅᑕᖃᖅᑎᑦᑎᓐᓇᖅᐳᖅ ᐊᒻᒪ ᓇᖕᒥᓂᓕᖕᓄᑦ ᐱᕕᒃᓴᐅᔪᓐᓇᖅᑐᖃᕐᓇᖅᐳᖅ. ᐅᔭᕋᖕᓂᐊᕐᕕᖃᖅᑎᐅᔪᑦ ᑕᒪᑐᒥᖓ ᐅᔾᔨᕈᓱᒃᑲᒥᒃ ᓄᓇᓕᖕᓂᒃ ᐱᓕᕆᖃᑎᖃᓲᖑᕗᑦ ᓄᓇᒋᔭᐃᑦ ᑕᒪᒃᑯᓂᖓ ᐃᑲᔫᑕᐅᔪᓐᓇᖅᑐᑦ ᐱᔭᐅᔪᓐᓇᕋᓗᐊᕐᒪᖔᑕ. ᐅᑭᐅᖅᑕᖅᑐᕐᒥ ᐅᔭᕋᖕᓂᐊᕐᕕᑦ ᐱᓕᒻᒪᒃᓴᕈᑕᐅᔪᓐᓇᖅᑐᓂᒃ ᐃᓕᓐᓂᐊᖅᑕᐅᑎᑦᑎᓚᐅᖅᖢᑎᒃ ᐃᓚᐅᖃᑕᐅᔪᑦ ᐃᖅᑲᓇᔭᐃᔮᖅᑖᖅᑎᑉᐸᒃᐸᔾᔪᒃ. ᐅᔭᕋᖕᓂᐊᕐᕕᖃᖅᑎᐅᔪᑦ ᐱᓕᕆᖃᑎᖃᖅᐸᒃᐳᑦ ᑳᓐᑐᓛᖃᖅᑎᐅᓕᐊᓂᒃᑐᓂᒃ ᐃᓚᐅᖃᑕᐅᓕᖅᑎᑦᑎᓇᓱᒃᖢᑎᒃ ᓴᖅᑭᑎᑦᑎᓇᓱᖃᑎᖃᖅᖢᑎᒡᓗ ᐱᓕᕆᐊᖃᖃᑎᒋᓂᐊᖅᑕᒥᖕᓂᒃ ᑲᒻᐸᓂᓂᒃ. ᐅᓄᖅᑐᑦ ᑲᒻᐸᓃᑦ ᐅᔭᕋᖕᓂᐊᕐᕕᐅᔪᒧᑦ ᐱᔨᑦᑎᕈᑕᐅᑎᑦᑎᔪᑦ ᓄᓇᖃᖅᑳᖅᑐᓄᑦ ᑲᒻᐸᓂᖁᑎᒋᔭᐅᕘᓪᓘᓐᓃᑦ ᐅᔭᕋᖕᓂᐊᕐᕕᖕᒧᓪᓘᓐᓃᑦ ᐱᓕᕆᐊᖃᖃᑎᒋᔭᐅᓂᐊᕋᒥᒃ ᓴᖅᑭᑎᑕᐅᓂᑰᓯᒪᕗᑦ. ᑕᐃᒪᐃᓕᐅᕆᓂᒃᑯᑦ ᓄᓇᓕᒋᔭᐅᔪᑦ ᑮᓇᐅᔾᔭᒍᑕᐅᔪᓐᓇᖅᑐᒥᒃ ᐱᕝᕕᒋᔭᖃᖃᑕᐅᔪᓐᓇᖅᐳᑦ.

ᐃᓚᐅᖃᑕᐅᒐᔪᒃᐳᑦ, ᐅᑭᐅᖅᑕᖅᑐᕐᒥᐅᑕᑦ ᐱᔅᓇᓰᓪᓗ ᓴᓇᓂᕐᒧᑦ ᑳᓐᑐᕌᓖᑦ ᐊᐅᓚᑕᖃᕐᓂᕐᒥᒃ.

ᐅᑭᐅᖅᑕᖅᑐᖅ ᓴᓇᔭᖃᕐᓇᕐᓂᑭᑉᐸᒃᐳᖅ ᐊᒃᓱᕈᕐᓇᕈᑎᖃᐅᖅᖢᓂᓗ. ᐅᔭᕋᖕᓂᐊᒐᒃᓴᐅᔪᓐᓇᖅᑐᑦ ᑎᑭᑕᕐᓂᙱᑦᑐᒦᒐᔪᒃᖢᑎᒡᓗ. ᐅᔭᕋᖕᓂᐊᕐᕖᑦ ᐅᓄᖅᑐᑦ ᐊᑐᐃᓐᓇᖃᙱᓚᑦ ᖃᐅᒻᒪᖅᑯᓯᐅᕈᑎᓄᑦ ᐊᖅᑯᑕᐅᖏᓐᓇᐅᔭᖅᑐᓄᓪᓗ. ᐱᓕᕆᐊᒃᓴᕆᔭᖅ ᐱᓕᕆᐊᖑᔪᓐᓇᕈᑎᖃᒡᒍᕗᖅ ᐅᑭᐅᒃᑯᑦ ᐊᑐᖅᑕᐅᔪᓐᓇᖅᑐᒥᒃ ᐊᖅᑯᓯᐊᖑᔪᒥᒃ ᐊᖅᑯᑎᓕᐊᖑᑦᑎᐊᒻᒪᕆᒃᑐᒥᓪᓘᓐᓃ.