ᑐᑦᑕᕐᕕᒃ » ᕋᐃᑎᐊᒻ

ᕋᐃᑎᐊᒻ

ᐊᕐᕌᒍᑦ 100ᑲᓴᐅᓕᖅᐳᑦ, ᑳᓐᓱᒥᒃ ᐋᖅᑮᒋᐊᕆᓇᓱᒃᑐᑦ ᕋᐃᑎᐊᒻᒥᒃ ᐊᑐᖅᓯᕙᓚᐅᖅᐳᑦ ᐆᑕᕐᓇᖅᑑᓂᖓᓄᑦ. ᕋᐃᑎᐊᒻ ᐱᑕᖃᕋᔪᙱᑦᑐᒻᒪᕆᐊᓘᕗᖅ ᐊᑭᑐᔪᕐᔪᐊᕌᓘᓪᓗᓂ ᑎᑭᐅᒪᓪᓗᓂ $73,000 ᒍᕌᒻ ᐊᑕᐅᓯᖅ ᐅᕝᕙᓘᓐᓃᑦ ᐅᖓᑖᓂ $2ᒥᓕᐊᓐ ᑖᓚ 1 ᐊᐅᓐᓯᒧᑦ. ᑕᐃᒪᐃᑦᑑᓂᖓᓄᑦ ᐊᒃᖢᐃᑦᑐᕐᔪᐊᕌᓗᐃᑦ ᑭᓯᐊᓂ ᑳᓐᓱᖃᕐᓂᕐᒧᑦ ᑲᒪᒋᔭᐅᔪᓐᓇᖅᑐᑐᐊᖑᓚᐅᖅᐳᑦ. ᕋᐃᑎᐊᒻ ᐋᖅᑭᐅᒪᔾᔪᑎᓕᒫᖏᑦ ᐆᑕᕐᓇᖅᑐᖃᕐᔪᐊᖅᑐᐃᓐᓇᐅᕗᑦ.

ᕋᐃᑎᐊᒻ, ᓄᖑᑦᑐᐃᑦᑐᒦᑦᑐᖅ, ᐊᑐᖅᑕᐅᕙᒃᐳᖅ ᐆᑕᕐᓇᖅᑐᓕᖕᒥᒃ ᐋᓐᓂᐊᕐᓂᓕᕆᔾᔪᓰᑦ ᐊᑐᖅᓯᕙᒃᐳᑦ ᐆᑕᕐᓇᖅᑐᓕᖕᓂᒃ ᖃᐅᔨᔭᖃᕋᓱᒃᖢᑎᒃ ᐋᓐᓂᐊᕆᔭᐅᖏᓐᓇᖅᐸᙱᑦᑐᓄᓪᓗ ᐋᖅᑮᒋᐊᕆᔾᔪᑕᐅᕙᒃᖢᓂ.