ᑐᑦᑕᕐᕕᒃ » ᕿᓂᕐᓂᖅ

ᕿᓂᕐᓂᖅ

ᕿᓂᕐᓂᖅ ᑎ ᐱᐅᕐᔅᑯᑦ ᑦᓯᑦᓕᐊᒃ ᐱᓕᕆᐊᒃᓴᖓᓂ, ᑕᐃᒪᓐᓂᒃ ᕿᓂᕐᕕᐅᔪᖅ 120 ᑭᓛᒥᑕᑦ ᐃᖃᓗᐃᑦ ᓂᒋᖅᐸᓯᐊᓂᑦ ᑲᓇᖕᓇᖅᐸᓯᐊᓂᑦ ᕿᑭᖅᑖᓗᖕᒥ. ᐱᓕᕆᖃᒃᓴᖅ 74ᓂᒃ ᑭᒻᐳᓚᐃᑦᖃᖅᐳᖅ, ᑖᒃᑯᓇᙵᑦ ᐊᕐᕕᓂᓖᓪᓗ ᒪᕐᕉᒡᓗ ᑮᓇᐅᔭᓕᐅᕐᕕᐅᔪᓐᓇᑐᐃᓐᓇᕆᐊᖃᖅᑐᑦ, ᑦᓯᑦᓕᐊᒃ/ᕿᓚᕐᒥ ᓇᖕᒥᓂᖅᓱᕈᓐᓇᐅᑎᖃᕐᕕᒋᔭᐅᔫᖕᓂ. ᐱᒋᐊᖅᓯᕙᓪᓕᐊᔾᔪᑎᒋᔭᐅᕗᖅ ᑲᖐᓇᖅᑑᑎᖃᖅᐳᖅ ᐊᑐᖅᑕᐅᔪᓐᓇᖅᑐᖅᑕᖃᕆᐊᒃᓴᖓᓂᒃ 22.2 ᒥᓕᐊᓐ ᑭᐊᕋᑦ. ᐅᔭᕋᖕᓂᐊᕐᕕᐅᑉ ᐅᔭᕋᖕᓂᐊᕐᕕᒋᔭᐅᔪᓐᓇᖅᑎᒋᓂᖓ ᒥᒃᓴᐅᓴᒃᑕᐅᓯᒪᔪᖅ 13ᖑᓇᓱᒋᔭᐅᓪᓗᑎᒃ ᐊᕐᕌᒍᑦ. 2018ᒥ, ᑎ ᐱᐅᕐᔅᑯᑦ ᓂᐅᕕᓚᐅᖅᐸᖏᑦ ᐱᐅᕆᒍᕆᓐ ᑕᐃᒪᓐ, ᐃᓚᒋᔭᐅᓪᓗᓂ ᑦᓯᑦᓕᐊᒃᒥ ᓄᓇᖁᑎᖓ. ᐊᔾᔨᙳᐊᖅ: ᑎ ᐱᐅᕐᔅ ᑲᓇᑕ

ᓯᕗᓕᑐᖃᐅᔭᖓᓂ, ᕿᓂᖅᑐᖃᓲᖑᕗᖅ.

ᖃᓄᐃᒻᒪᑦ ᕿᓂᖅᐸᒃᐸᑦ ᐅᑭᐅᖅᑕᖅᑐᕐᒥ?

ᒪᔾᔭ ᑎᓴᐅᒪᐅᔪᑦ ᐱᔾᔪᑎᑦᑎᐊᕙᐃᑦ:

  1. ᐅᑭᐅᖅᑕᖅ ᑐᖅ ᐊᒃᑐᖅᑕᐅᓯᒪᙱᑦᑐᓂᒃ ᐱᕕᒃᓴᐅᔪᓐᓇᕐᓂᖅᑕᖃᑐᐃᓐᓇᕆᐊᖃᖅᐳᖅ.
  2. ᐱᑦᑎᐊᖅᑕᐅᓇᓱᒃᖢᓂ ᒪᓕᒃᑕᐅᑦᑎᐊᖅᖢᑎᒡᓗ ᒪᓕᒐᖁᑎᕗᑦ, ᕿᓂᕐᓂᖅ ᐅᔭᕋᖕᓂᐊᕐᓂᕐᓗ ᐊᕙᑎᒥᒃ ᐊᒃᑐᐃᓗᐊᕌᓗᒃᐸᙱᑦᑐᖅ.
  3. ᐃᒻᒪᖄ ᐱᓗᐊᖅᑐᒥᖃᐃ, ᕿᓂᑦᑎᐊᕐᓂᖅ ᒪᑭᒪᑎᑦᑎᓲᖑᕗᖅ ᐅᔭᕋᖕᓂᐊᕐᓂᕐᒥᒃ, ᐊᒃᑐᐊᔪᓂᒡᓗ ᐃᑲᔫᑎᓂᒃ.
  4. ᐅᔭᕋᖕᓂᐊᕐᕖᑦ ᐱᐅᕗᑦ ᐃᖅᑲᓇᐃᔮᒃᓴᓕᐅᕐᓂᕐᒧᑦ, ᐱᔅᓇᓯᓂᒃ ᐃᑲᔫᑎᒃᓴᖃᖅᑎᑦᑎᓂᕐᒧᑦ, ᐱᐅᓯᕚᓪᓕᖅᑎᑦᑎᓂᕐᒧᑦ ᓄᓇᓕᐅᑉ ᖃᓄᐃᙱᑦᑎᐊᕐᓂᖓᓂᒃ, ᐊᒻᒪᓗ ᐃᑲᔪᕐᓂᕐᒧᑦ ᒐᕙᒪᓂᒃ ᑖᑭᓰᔭᐃᔭᕐᕕᐅᔪᑎᒍᑦ ᐊᒻᒪᓗ ᓂᖏᖅᑕᐅᔪᑎᒍᑦ. ᒐᕙᒪᐃᑦ ᑕᐃᒪᐃᑦᑐᓂᒃ ᐃᑲᔫᑎᖃᕆᐊᖃᓲᖑᒋᕗᑦ ᑮᓇᐅᔭᓕᐅᕈᓐᓇᕐᓂᐊᕋᒥᒃ ᐊᑭᓕᕈᓐᓇᕐᓂᐊᕋᒥᔾᔪᒃ ᐃᓕᓐᓂᐊᖅᑐᓕᕆᓂᕐᒨᖓᔪᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒨᖓᔪᑦ, ᐃᖏᕐᕋᔪᓕᕆᓂᕐᒨᖓᔪᑦ, ᐊᓯᖏᓪᓗ ᑖᒃᓰᔭᐃᔭᕐᕕᐅᓲᑦ ᐱᔪᒪᔭᖏᑦ ᐱᔭᕆᐊᖃᖅᑕᖏᓪᓗ.

ᕿᓂᕐᓂᖅ ᐊᑦᑕᕐᓇᕐᓂᖃᕈᓐᓇᑦᑎᐊᖅᑐᖅ, ᐊᑕᐅᓯᑐᐊᕐᓗ 1000ᓂᑦ ᕿᓂᕐᕕᐅᓯᒪᔪᓂᑦ ᐅᔭᕋᖕᓂᐊᕐᕕᙳᓲᖑᕗᖅ (ᓄᓇᕐᔪᐊᕐᒥ ᐅᔭᕋᖕᓂᐊᕕᑦᑎᐊᕙᐅᓛᖑᖃᑕᐅᔪᓄᑦ, ᐊᑦᑕᕐᓇᕐᓂᖃᕈᓐᓇᒋᐊᓪᓚᒃᐳᖅ, ᐊᑕᐅᓯᑐᐊᖅ 3,333ᓂᑦ ᐱᓕᕆᐊᒃᓴᕆᔭᐅᔪᓂᑦ ᓄᓇᕐᔪᐊᕐᒥ ᐅᔭᕋᖕᓂᐊᕐᕕᑦᑎᐊᕙᐅᓛᖑᖃᑕᐅᓕᓲᖑᓪᓗᑎᒃ. ᐅᔭᕋᖕᓂᐊᕐᕖᓪᓗ ᕿᓂᖅᑕᐅᔅᓲᔭᖅᐸᒃᖢᑎᒃ. ᓇᓗᓇᙱᑦᑐᖅ, ᐊᔪᕐᓇᖅᐸᒃᑐᖅ ᐅᔭᕋᖕᓂᐊᕐᕕᒃᓯᐊᕆᐊᒃᓴᖅ, ᐊᕐᕌᒍᕋᓴᐅᕙᒃᖢᑎᒡᓗ, ᖁᓕᖏᓐᓂᓪᓘᓐᓃᑦ ᕿᓂᕐᕕᐅᔪᖅ ᐅᔭᕋᖕᓂᐊᕐᕕᙳᕆᐊᒃᓴᖅ. ᑕᐃᒪᐃᒻᒪᑦ ᑕᐅᑐᑦᑎᐊᕈᓐᓇᖅᑐᓂᒃ “ᐅᔭᖅᑲᓂᒃ ᖃᐅᔨᓴᖅᑎ”ᖃᒃᑲᓐᓂᕆᐊᖃᖅᑐᒍᑦ ᐅᑭᐅᖅᑕᖅᑐᕐᒥ ᐅᔭᕋᖕᓂᐊᕐᓂᖅ ᓴᙱᔫᖏᓐᓇᕐᓂᐊᕐᒪᑦ ᐃᑲᔫᑎᒃᓴᖅᑖᕐᕕᐅᖏᓐᓇᕐᓗᓂᓗ.

ᐅᔭᕋᒃᓯᐅᖅᑎᑦ ᓄᓇᓕᕆᓂᕐᒥᒃ ᖃᐅᔨᓴᖅᑏᓪᓗ ᓯᕗᓪᓕᕐᒥ ᐅᔭᕋᖕᓂᐊᒐᒃᓴᓄᑦ ᓇᖕᒥᓂᖅᓱᕈᓐᓇᐅᑎᑖᓲᖑᕗᑦ ᑲᑎᖅᓱᓕᖅᖢᑎᒡᓗ ᐅᔭᖅᑲᓂᒃ ᖃᐅᔨᓴᖅᑕᐅᔪᒃᓴᓂᒃ. ᑖᒃᑯᐊ ᕿᓂᖅᑎᑦ ᐊᔾᔨᒌᙱᑦᑑᑎᓂᒃ ᐅᔭᖅᑲᓂᒃ ᖃᐅᔨᓴᕈᑎᓂᒃ ᐊᑐᖅᐸᒃᐳᑦ, ᐱᓗᐊᖅᖢᑎᒃ ᓄᓇᓕᕆᓂᖅ, ᐅᔭᖅᑲᓪᓗ ᓄᓇᐅᓪᓗ ᐋᖅᑭᒃᓯᒪᓂᖓᓂᒃ ᖃᐅᔨᓴᖅᑕᖃᕐᓂᖅ.

ᕿᓂᖅᐸᓪᓕᐊᓕᓵᕐᓂᐅᓂᕋᖅᑕᐅᐅᕙᓪᓕᐊᔪᒥ, ᐅᔭᕋᓕᕆᔨᑦ ᓇᓗᓇᐃᖅᓯᔾᔪᑎᓯᐅᕋᓱᒃᐸᒃᐳᑦ ᐅᔭᕋᖕᓂᐊᒐᒃᓴᓂᒃ ᐅᔭᕋᖕᓂᐊᖅᑕᐅᔪᓐᓇᖅᑐᓂᒃ ᐱᑕᖃᕐᓂᖓᓂᒃ ᑕᑯᒃᓴᐅᙱᑐᐃᓐᓇᕆᐊᓕᖕᓂᒃ ᓄᓇᐅᑉ ᖄᖓᓄᑦ. ᐊᔾᔨᒌᙱᑦᑐᑎᓂᒃ ᐊᑐᖅᐸᒃᐳᑦ ᓄᓇ ᑭᓱᖃᕐᓂᖓᓂᒃ ᓄᓇᓯᐊᒥᑦ ᖃᐅᔨᓴᕐᓂᕐᒧᑦ ᓇᓕᐊᖕᓂᑐᐃᓐᓇᖅ ᐅᔭᖅᑲᓂᒃ ᓴᖅᑭᔮᑐᐃᓐᓇᕆᐊᓕᖕᓂᒃ, ᓄᓇᐅᑉ ᐃᓚᐅᕈᑎᒃᓴᖃᕐᓂᖓᓄᑦ (ᐆᒃᓯᑖᕆᓂᖅ ᐃᔾᔪᕐᒥᒃ, ᑰᑦ, ᑰᒐᓛᑦ, ᑕᓰᓪᓗ ᐃᒪᖏᓐᓂᒃ, ᐊᒡᓛᑦ ᐱᕈᖅᑐᓂᒃ) ᓇᓗᓇᐃᖅᓯᔾᔪᑎᒃᓴᖅᓯᐅᖅᖢᑎᒃ. ᐊᑐᖅᓯᓇᔭᖅᑐᒃᓴᐅᕗᑦ ᓄᓇᐅᑉ ᐋᖅᑭᒃᓯᒪᓂᖓᓂᒃ ᖃᐅᔨᓴᕈᓯᕐᓂᒃ ᐆᒃᑐᕋᖅᓯᔾᔪᑕᐅᓲᓂᒃ ᖃᓄᑎᒋ ᓂᐱᖅᑲᕐᓇᖃᖅᑎᒋᖕᒪᖔᑦ, ᐅᐊᔭᒃᑰᕈᓐᓇᑎᒋᓂᖅ, ᓱᑲᓐᓇᖅᑐᒃᑰᕐᕕᐅᔪᓐᓇᖅᑎᒋᓂᖓ ᓱᑦᑕᐃᓕᓂᖓᓗ, ᐊᒻᒪᓗ/ᐅᕝᕙᓘᓐᓃᑦ ᑐᕌᕆᔭᐅᔫᑉ ᓱᓐᓂᐅᑎᓂᖃᕈᓐᓇᖅᑎᒋᓂᖓ ᑲᐅᔨᔭᖃᕈᑎᒋᕚᓪᓕᕋᓱᒧᑦ.

Mineral exploration has a small and virtually negligible footprint. Here is a barely visible exploration drill rig (centre), at Agnico Eagle’s Whale Tail gold deposit, on the Amaruq Property in Nunavut’s Kivalliq Region.

ᓇᓗᓇᐃᖅᓯᔾᔪᑎᓗᒃᑖᑦ ᐃᒪᓐᓇᐅᓐᓇᖅᐳᑦ “ᑭᓱᒥᑭᐊᖅ ᓇᓂᓯᖅᑰᖅᑐᒍᑦ” ᑲᐃᕗᖅᑎᑦᑎᓕᕋᔭᖅᑐᑦ ᖃᐅᔨᓴᖅᑕᐅᓂᐊᕐᒪᑕ ᑕᑯᔪᓐᓇᙱᑕᓂ ᓄᓇᐅᑉ ᐃᓗᐊᓂ ᐲᔭᖅᑕᐅᓗᑎᒃ ᐅᔭᖅᑲᑦ ᐃᓗᖏᓐᓃᑦᑐᑦ (ᑕᐃᒪᓐᖑᓪᓗᑎᒃ ᐃᑰᑕᕈᑎᑦ) ᐅᕝᕙᓘᓐᓃᑦ ᐅᔭᖅᑲᑦ ᐅᓕᖅᓯᕝᕕᐅᓯᒪᔪᑦ (ᐃᒡᓗᐊᓄᖔᖅ ᐃᖏᕐᕋᔪᑦ ᑲᐃᕘᑎᑦ). ᑭᖑᓪᓕᕐᒥ, ᑕᑯᔪᓐᓇᕐᓂᖅ ᐅᔭᖅᑲᓂᒃ ᑐᕌᕆᔭᐅᓇᓱᒃᑐᓂᒃ ᑲᐅᕘᑎᑦ ᖁᓛᓄᐊᕋᐃᕙᓪᓕᐊᑎᓪᓗᒋᑦ ᑕᑯᔭᐅᔪᓐᓇᓚᐅᙱᑦᑐᓂᒃ, ᒧᒥᓚᐅᑲᑐᐃᓐᓇᕆᐊᖃᖅᑐᑦ ᖁᕕᐊᓲᑎᒋᓗᓂᔾᔪᒃ ᓇᓂᔭᐅᓂᖓ ᐅᔭᕋᖕᓂᐊᒐᒃᓴᐅᖅᑰᔨᔪᖅ.

ᑕᐃᒪᓕ ᐊᑭᑐᓂᖅᓴᓂᒃ ᐅᔭᕋᖕᓂᐊᕐᓂᓕᕆᓐᓇᖅᓯᕗᖅ ᖁᑦᑎᖕᓂᖅᓴᒥᒃ ᕿᓂᕐᓂᐅᓂᕋᖅᑕᐅᕙᒃᑐᒥ ᕿᓂᖅᑏᑦ ᐊᐱᖅᑯᑕᐅᓛᖑᔪᒥᒃ ᑭᐅᓇᓱᒃᑎᓪᓗᒋᑦ: ᖃᓄᖅ ᐊᖏᑎᒋᕙ (ᑕᑭᓂᖓ, ᓯᓕᖕᓂᖓ, ᐃᑎᓂᖓ), ᐃᓗᐃᑦᑐᕙ ᓱᕋᒃᑎᖅᓯᒪᕙᓘᓐᓃᑦ, ᐊᒻᒪᓗ ᐅᔭᕋᖕᓂᐊᒐᒃᓴᖅᑕᖃᑦᑎᐊᖅᐸ (ᐱᑕᖃᑦᑎᐊᖅᑐᖅ) ᐅᔭᕋᖕᓂᐊᒐᒃᓴᖅᑕᖃᓗᐊᕌᓗᙱᑉᐸᓘᓐᓃᑦ (ᐱᑕᖃᓗᐊᙱᑦᑐᖅ) ᐅᔭᕋᖕᓂᐊᕐᕕᐅᔭᐅᔪᒪᔪᒥ?

ᓇᓗᓇᐃᖅᑕᐅᓇᓱᒡᓗᓂ ᐊᖏᑎᒋᓂᖓ ᐱᐅᑎᒋᓂᖓᓗ, ᐅᔭᕋᖕᓂᐊᒐᒃᓴᖅ ᖃᐅᔨᓴᖅᑕᐅᑦᑎᐊᖅᐸᒃᑐᖅ ᐆᒃᑐᖅᑕᐅᓗᓂ ᐅᔭᕋᖕᓂᐊᒐᒃᓴᖅᑕᖃᖅᑎᒋᓂᖓ. ᑖᓐᓇ ᖃᐅᔨᒋᐊᕐᕕᐅᓂᕋᖅᑕᐅᕙᒃᑐᖅ. ᖃᐅᔨᒃᑲᐃᔾᔪᑎᑦ ᓇᓗᓇᐃᖅᑕᐅᕙᒃᑐᑦ ᐆᒃᑐᖅᑕᐅᓂᖏᑎᒋᑦ, ᓇᓗᓇᐃᖅᑕᐅᓂᖏᑎᒍᑦ ᒥᒃᓴᐅᓴᒃᑕᐅᓯᒪᑎᒋᓂᒍᓪᓘᓐᓃᑦ, ᑐᙵᕕᒋᔭᐅᓪᓗᓂ ᖃᔅᓯᐅᓂᖏᑦ ᑲᐃᕗᖅᑕᐅᓯᒪᔪᓂᑦ ᖃᐅᔨᓴᕐᕕᐅᔪᑦ. ᐊᒻᒪᒃᑲᓐᓂᖅ, ᐱᕝᕕᐅᔫᑉ ᓴᓂᕐᕙᒃᑕᐅᓯᒪᓂᕆᔭᖓ – ᐅᔭᕋᑦᑎᐊᕙᙳᖅᓯᒪᔪᖅ ᐊᑐᖅᑕᒃᓴᙳᑦᑎᑕᐅᑐᐃᓐᓇᕆᐊᓕᒃ ᖃᐅᔨᓴᖅᑕᐅᒃᑲᓐᓂᕈᓂ – ᓇᓗᓇᐃᖅᑕᐅᕙᖕᒥᔪᖅ.

ᐃᓕᑉᐸᓪᓕᐊᒃᑲᓐᓂᕐᓂᖅ ᓇᓂᔭᐅᓯᒪᔪᒥᒃ ᖁᑦᑎᖕᓂᖅᓴᒃᑯᑦ ᕿᓂᕐᓂᒃᑯᑦ ᐊᑯᓂᐅᓂᖃᕈᓐᓇᖅᑐᖅ ᑕᖅᑭᕋᓴᖕᓂᒃ ᐊᕐᕌᒍᕋᓴᖕᓂᒡᓘᓐᓃᑦ ᕿᓂᕐᓂᖅ ᑲᔪᓯᑎᑕᐅᕙᓪᓕᐊᑎᓪᓗᒍ ᖃᐅᔨᕚᓪᓕᕈᓐᓇᕐᓂᐊᕐᒪᑕ. ᑮᓇᐅᔭᖅᑐᖅᑐᒻᒪᕆᐊᓘᓂᖅᓴᐅᓪᓗᓂᓗ, ᑕᔭᖏᓐᓂᑦ ᕼᐊᓐᓇᓚᖏᓐᓄᓪᓘᓐᓃᑦ ᒥᓕᐊᓐ ᑖᓚᓂᒃ. ᐊᒥᓱᑦ ᑲᐃᕗᕈᑎᑦ ᑎᑭᑎᑕᐅᔪᓐᓇᖅᑐᑦ ᐊᑕᐅᑦᑎᒃᑯᑦ ᑲᐃᕗᕐᓂᐊᕐᒪᑕ ᖃᐅᔨᓴᖅᑕᐅᔪᒃᓴᓂᒃ ᖃᐅᔨᑲᐅᑎᒋᔪᓐᓇᕐᓂᖅᓴᐅᓂᐊᕋᒥᒃ. ᐃᓛᓐᓂᒃᑯᑦ ᐊᖏᓂᖅᓴᓂᒃ ᖃᐃᕗᕐᓂᒃᑯᑦ ᐱᔭᐅᔪᓐᓇᖅᑐᓂᑦ ᖃᐅᔨᓴᖅᑕᐅᔪᒃᓴᓂᒃ ᐱᔭᕆᐊᖃᓲᖑᔪᑦ, ᕿᓂᖅᑏᑦ ᓄᓇᐅᑉ ᐃᓗᐊᓄᐊᕆᐊᖃᖔᓕᓲᖑᓪᓗᑎᒃ ᐊᖏᔪᓂᒃ ᖃᐅᔨᓴᖅᑕᐅᔪᒃᓴᓂᒃ ᐱᔪᓐᓇᕐᓂᐊᕋᒥᒃ ᑲᒪᒋᔭᐅᓂᐊᕐᒪᑕ.