ᑐᑦᑕᕐᕕᒃ » ᖃᑯᓪᓕᖅ

ᖃᑯᓪᓕᖅ

ᖃᑯᓪᓕᖅ ᖃᐅᔨᒪᔮᕆᔭᐅᕗᖅ ᐆᒻᒪᖅᑯᑎᒃᑰᕈᑎᑦᑎᐊᕙᐅᓂᖓᓂᒃ ᐊᒻᒪ ᐆᓇᖅᓯᔪᓐᓇᕐᓂᕆᔭᖓᓄᑦ, ᕿᓪᓕᕈᓐᓇᕐᓂᕆᔭᖓᓄᓪᓗ.

ᖃᑯᓪᓕᖅ ᓴᖅᑭᒐᔪᒃᐳᖅ ᓴᕕᑐᐃᓐᓇᙳᖅᑎᑕᐅᓇᓱᒃᑎᓪᓗᒋ ᑲᓐᓄᔭᖅ, ᒎᓗ, ᐊᕿᑦᑐᔭᖅ, ᐊᒻᒪ ᓯᐊᕐᓇᖅ.

ᖃᑯᓪᓕᖅ ᐱᕐᔪᐊᕆᔭᐅᑯᑖᒃᓯᒪᕗᖅ ᐊᑭᑐᔫᔫᓪᓗᓂ. ᖃᑯᓪᓕᖅ ᐊᑐᖅᑕᐅᕙᒃᐳᖅ ᓴᕕᖕᓂ ᑮᓇᐅᔭᓂ.

ᑮᓇᐅᔭᕆᔭᐅᓇᓂ ᑮᓇᐅᔾᔭᒃᓴᐅᑕᐅᔪᒫᕐᓂᐊᖅᑐᖁᑎᒋᔭᐅᓇᓂᓗ, ᖃᑯᓪᓕᖅ ᐊᑐᖅᑕᐅᕙᒃᑭᕗᖅ ᓯᕿᓂᐅᑉ ᐆᓇᕐᓂᖓᓂᑦ ᑲᑎᖅᓱᐃᔾᔪᑎᓂ, ᐃᒪᕐᒧᑦ ᓱᕈᕐᓗᑯᐃᔭᐅᑎᒋᔭᐅᓪᓗᓂ, ᑎᒥᒧᑦ ᐱᐅᓴᐅᑎᑦ, ᑕᑯᒥᓇᐅᑎᑦ, ᐊᑭᑐᔪᕐᔪᐊᑦ ᓂᕆᔾᔪᑎᑦ ᓂᖅᖠᐅᕈᑎᓪᓗ, ᐆᒻᒪᖅᑯᑎᒃᑰᕈᑎᓄᑦ ᑲᑎᖅᓱᐃᔾᔪᑕᐅᓪᓗᑎᒃ ᐃᖏᕐᕋᑎᑦᑎᔾᔪᑕᐅᓪᓗᑎᒡᓗ, ᑕᕐᕋᖅᑑᑎᑐᐃᓐᓇᐅᙱᑦᑐᓂ, ᐃᒐᓛᓄᑦ ᖄᕆᔭᐅᓪᓗᑎᒃ, ᓱᕐᕋᔮᓇᑎᒃ ᓱᕐᕋᒃᑎᕆᔾᔪᑎᒋᔭᐅᓪᓗᑎᒃ ᐃᓚᐅᕈᑎᓄᑦ, ᑕᖅᓴᕆᔭᐅᓪᓗᓂ ᐊᓕᒍᕐᓂ ᑕᖅᓯᖅᓯᒪᔭᓂ ᐊᒻᒪ ᑕᑯᒥᓇᖅᓯᑎᓯᒪᓇᓱᒡᔪᐊᖅᑐᓂᓗ ᓰᕐᓇᓄᑦ ᖄᖑᓪᓗᓂ. ᐊᓯᖏᓐᓄᑦ ᐃᓚᒋᓕᐅᑎᔪᓐᓇᕐᓂᕆᔭᖏᑦ ᐊᑐᖅᑕᐅᕙᒃᐳᑦ ᐊᔾᔨᒃᓴᓄᑦ. ᐃᒪᕐᒧᑦ ᓴᙲᒡᓕᑎᖅᓯᒪᔪᑦ ᕿᓪᓕᖅᑑᑉ ᑕᕆᐅᖑᔮᕐᓂᕆᔭᖓ ᕿᓪᓕᖅᑑᓪᓗ ᐊᓯᖏᓐᓄᑦ ᐃᓚᐅᕈᑕᐅᔪᓐᓇᕐᓂᕆᔭᖏᑦ ᐊᑐᖅᑕᐅᕙᒃᐳᑦ ᐊᐃᑦᑐᕐᓗᐃᔾᔭᐃᒃᑯᑎᓄᑦ, ᐆᒪᔪᐊᕈᓯᕐᓂᒃ ᑐᖁᑎᕆᔨᐅᓪᓗᑎᒃ, ᐋᓐᓂᐊᕐᓂᓕᕆᔾᔪᑎᓂᓗ.