ᑐᑦᑕᕐᕕᒃ » ᖃᓅᕙᖕᓂᖓ

ᖃᓅᕙᖕᓂᖓ

ᐅᔭᕋᖕᓂᐊᕐᓂᖅ ᑲᓇᑕᐅᑉ ᑮᓇᐅᔭᖃᑦᑎᐊᕈᓐᓇᐅᑎᒋᕚ. ᑲᓇᑕᒥ, ᑖᓐᓇ ᓄᓇᖁᑎᒋᔭᐅᔪᖅ ᓄᓇᕐᔪᐊᕐᒥ ᓯᕗᓕᖅᑎᙳᖅᓯᒪᔪᖅ ᓇᓂᓯᓂᕐᒥᒃ ᐅᔭᕋᖕᓂᐊᕐᓂᕐᒥᒡᓗ ᐅᔭᕋᖕᓂᐊᒐᒃᓴᕐᓂᒃ. ᑲᓇᑕ ᖃᐅᔨᒪᔪᖅ ᖃᓄᖅ ᕿᓂᕆᐊᒃᓴᖅ ᖃᓄᕐᓗ ᐅᔭᕋᖕᓂᐊᕐᕕᖕᓂᒃ ᓴᓇᔭᕆᐊᒃᓴᖅ ᐅᔭᕋᖕᓂᒃ ᑮᓇᐅᔾᔭᒃᓴᙳᖅᑎᑦᑎᔪᓐᓇᖅᑐᓂᒃ. ᑕᒪᓐᓇ ᐱᓗᐊᖅᑐᒥᒃ ᓱᓕᔪᖅ ᓄᓇᑦᓯᐊᕐᒥ ᓄᓇᕗᒻᒥᓗ. ᐅᔭᕋᖕᓂᐊᕐᓂᖅ ᐱᒋᐊᕈᑕᐅᓚᐅᖅᐳᖅ ᐱᕙᓪᓕᖅᐸᓪᓕᐊᑎᑦᑎᓂᐅᔪᒥᒃ ᐅᑭᐅᖅᑕᖅᑐᕐᒥ.

ᐊᕐᕌᒍᑦ ᖁᓖᖅᓱᖅᑕᖅᖢᒋᑦ ᒎᓗ ᔭᓗᓇᐃᒧᑦ ᑭᓇᐅᔾᔭᒃᓴᐅᑕᐅᕙᓚᐅᖅᐳᖅ ᐅᖓᓯᖕᓂᖅᓴᓂᒡᓘᓐᓃᑦ ᐅᔭᕋᖕᓂᐊᕐᕕᖕᓂᒃ ᓴᓇᔪᖃᓚᐅᖅᖢᓂ ᖁᑦᑎᒃᑐᒥ ᓄᓇᕗᒻᒥ. ᐅᓪᓗᒥ, ᑕᐃᒪᓐᓂᒃ ᐅᔭᕋᖕᓂᐊᕐᕕᑦ ᓄᓇᑦᓯᐊᕐᒧᑦ ᑮᓇᐅᔾᔭᒃᓴᔪᓐᓇᕐᓂᖓᓄᑦ ᐱᕙᓪᓕᐊᑎᑦᑎᔪᑦ.

ᐅᔭᕋᖕᓂᐊᕐᓂᕐᒧᑦ ᑲᒻᐸᓂᐅᔪᑦ ᐅᑭᐅᖅᑕᖅᑑᑉ ᐅᔭᕋᖕᓂᐊᒐᒃᓴᖏᓐᓂᒃ ᑮᓇᐅᔾᔭᒃᓴᕈᑕᓕᐅᓕᖅᑎᑦᑎᔪᑦ ᐱᕈᖅᑎᑦᑎᓇᓱᐊᖅᑎᓄᑦ, ᓄᓇᓕᖕᓄᑦ, ᐊᒻᒪᓗ ᑭᒃᑯᑐᐃᓐᓇᕐᓄᑦ ᓄᓇᖃᖅᑳᖅᑐᓄᓪᓗ ᒐᕙᒪᐅᔪᓄᑦ. ᖃᔅᓰᓐᓇᑯᓗᐃᑦ ᐅᔭᕋᖕᓂᐊᕐᕖᑦ ᐅᑭᐅᖅᑕᖅᑐᕐᒥ ᐅᖓᓯᖕᓂᖅᓴᐃᑦ ᐹᕕᓐᓛᓐ ᓄᓘᔮᓂ ᐅᔭᕋᖕᓂᐊᕐᕕᖓᓂᑦ, ᐅᑭᐅᖅᑕᖅᑑᑉ ᑭᒡᓕᙳᐊᖓᑕ ᖁᓛᓃᖦᖢᓂ, ᕿᑭᖅᑖᓗᖕᒥ. ᐊᔾᔨᙳᐊᖅ: ᐹᕕᓐᓛᓐ ᓴᕕᒃᓴᕐᓂᒃ ᐅᔭᕋᖕᓂᐊᕐᕕᑦ

ᒎᓗ ᐊᒻᒪᓗ ᓴᕕᒃᓴᑦ ᐅᔭᕋᖕᓂᐊᖅᑕᐅᓂᖅᓴᐅᕙᓪᓕᐊᔪᑦ ᓄᓇᕗᒻᒥ.

To learn more about Nunavut’s mineral resources industry, see the new Explore for More! video.

ᑮᓇᐅᔾᔭᒃᓴᕐᓇᖅᑐᓗᒃᑖᖑᔪᑦ ᓄᓇᓕᖕᓄᑦ ᑲᓇᑕᒧᓪᓗ. ᑭᓯᐊᓂ ᐱᔭᕆᐊᑐᓐᓇᖅᑐᒻᒪᕆᐊᓗᒃ.

ᓇᓂᓯᓂᖅ ᓴᓇᓂᕐᓗ ᐅᔭᕋᖕᓂᐊᕐᕕᖕᓂᒃ ᐊᒃᓱᐊᓗᒃ ᐊᔪᐃᓐᓈᕆᐊᖃᕐᓇᖅᑐᖅ. ᐅᔭᕋᖕᓂᐊᒐᒃᓴᖅᑕᖃᐅᖅᑐᑦ, ᐅᔭᖅᑲᑦ ᐅᔭᕋᖕᓂᐊᖅᑕᐅᓪᓗᑎᒃ ᑮᓇᐅᔾᔭᒃᓴᕐᓇᖅᑐᑦ, ᐅᖓᓯᒃᓯᕙᓪᓕᐊᑐᐃᓐᓇᖅᑐᑦ. ᐅᔭᕋᖕᓂᐊᕐᓂᖅ ᐱᔭᕆᐊᑐᓐᓇᖅᑐᖅ ᐊᑭᑐᓪᓗᓂᓗ. ᑭᓯᐊᓂ ᐊᒥᓲᕗᑦ ᐱᔭᐅᔪᒥᓇᖅᑐᑦ ᐃᓚᒋᔭᐅᓪᓗᑎᒃ ᐱᓕᒻᒪᒃᓴᕐᓂᖅ, ᐃᖅᑲᓇᐃᔮᑦ ᐊᒻᒪᓗ ᓇᖕᒥᓂᖅ ᐃᖅᑲᓇᐃᔮᕆᔭᐅᔪᓄᑦ ᐃᑲᔫᑎᑦ ᐊᒻᒪᓗ ᓄᑖᓂᒃ ᑎᑭᐅᑎᔭᐅᔭᕆᐊᓖᑦ ᐃᖅᑲᓇᐃᔭᖅᑎᑦ ᐊᑦᑕᕐᓇᖅᑐᖅᓯᐅᖅᑎᑕᐅᑦᑕᐃᓕᓂᖏᓐᓄᑦ ᐊᒻᒪᓗ ᐊᕙᑎᒥᒃ ᓴᐳᒻᒥᓂᖅ.