Hivulliqpaanganut Utirvinga » Cobalt-guyuq

Cobalt-guyuq

Cobalt naniyauvaktuq Nunaqyuap qaliani ilagiyaani aalat nunamiutalu. Auktuqtirijut aturiaqaqtut atagiriagani cobalt-guyuq ahiinit nunamiutanit Takukhauqataqtuq, cobalt ahivagauvaktuq kanuyaqmit qivliqtunilu uyaraktaanit.

Piyumayauginaqtuq cobalt atuqniqatiaqnigalu ‘aulajutini havivalukni’. Napainik cobalt hanayauniga atuqtauvaktut hakugikhilaaqtunik batuliini nakhagaulaaqtuni alruyaqtuqtuni, kasiliiqtugituni akhalutini, aulagitunilu tuutqumavikni alruyaq-tuutikhanik. Ilikuuqtut hivayaut talimanit 50-mut grams-ni cobalt-qaqtut kasiliiqtugituqlu akhaluut hitamanit 30-kilogams-mik cobalt-qaqtut.

Cobalt-lithium-ion-qaqtut batuliit qauyimayauyut tuqugalaitunik, atukhaalaaqtunik, hakugikniginik, atukhaalaaqhutiklu.

Tuguyuktut ilagiyait ukua uyaraktaat atuqtauvaktut piniqutikhani miguutini, taaqtihimayunilu hikuliani. Aalat atuqnigit ukua hakugiktut havivaluit, nipitqaqtautit, hitiyut havivaluit, qivliqtut, nautiqtuiyunit niqinilu avugiyauvlutik.