Hivulliqpaanganut Utirvinga » Naunaitkutalirininnga Laisilirininngalu

Naunaitkutalirininnga Laisilirininngalu

Naunaitkutat laisiliqininngillu titiqqauyu tuniyauyut atan’nguyat pipkaidjutiyuq hulilukaarutimik aturninngaluuniit uyarakhiurvikmik. Tamna havaanga naunaitkutalirininnga laisiliqtirininngalu uyarakhiurniqmut piyuq iniqtirumitkut tamna havauhikhaq’s avatiliriniqmut naunaiyaininnga. Uumannga avatiliriniqmut naunaiyaininnga, talvannga piyuq Avatiliriniqmut Angirutinga. Nunannganik aturninnga laisikhat, unalu imanganik laisikhangit ikittut amihunit ihariagiyauyuq uumannga uyarakhiurniqmut. Taimaa uyarakhiurniqmut akhuurutaulluaqtaanik kaanatap laisikhanga una imanganik laisinga. Piliuqtaa qanuriliurutikhat kiklikhangallu qanuraaluk imanga uyarakhiurniqmut atuqtaaqtaat imaqarninngalu kikliqaqtitaa uyarakhiurniqmut piyakhaa utiqtifaaqtinnagut imanga avatinganut.

December 2010mi, De Beers tuniyait Gahcho Kué Avatiliriniqmut Qanuriliurutipkainiqmut Naunaiyainiq (atauhiq aadjikutaliurhimayuq naunaiqhimayuq) Mackenzie Valley Ihivriuqtiuyut Katimayiinginnut. Tamna havauhikhaq piyut katimayiinginnit angirutinganik July 2013mi. Piksaliurhimayuq De Beers Canada-kut Laisiliqiyiinga Atan’nguyaq Paul Cobban. Gahcho Kué Kaanataup tallimayuq diamond-mik uyarakhiurniqmik, talvani hitamat iliuraqtauyut Nunatsiaqmi/Nunavunmi.
Piksaliuqtaa De Beers

Nunatsiami, diamond-nik uyarakhiurniqmut havakvingit kavamatkullu sainiqtait nunamikni-hivuliqtiyuq ayurhautingit ikayuutikhamut angirutingit, ilihimayauyuq ilauniqmut angirutinganik. Tamna uyarakhiurniqmut havakvingit ilitariyaillu uqariiktamiknik inungnut maniliurniqmullu munariniqmut angirutinga Kavamanganit Nunatsiap. Ukunatitut, uyarakhiurviit aulapkaiyut Nunavunmi sainiqtait Inuit ayurhaqtipkaiyut ikayuutikhamut angirutinganik. Hapkuat titiqqat naunaiqtait uqariiyaqtut ayuirhagakhanut, havaakhanut, havakvimullu ikayuutikhanik, nunallaanut maniliurninnga, tautuknaqtumiklu. Hapkuat angirutit hivuliqtiuyut piliurmata nutaatqianik hanalrutingit ikayuriami nunallaanut-ittut munariniq, ilauniq, aadlamitlu munariyaugiami. Piyut nunamut malirutinganik naunairiami inungit piyut ihuaqtumik ilauniq uumani uyarakhiurniqmut.

Nutaatqianit angirutauyunit uyarakhiurviit ihariagiyut huna ilihimayait inungnut laisikhanganik aulapkaidjutigiamikni. Una laisikhaq piyuq uyarakhiurniqmut pidjutinga angiriami angiriamiluuniit inungnit. Ukiuqtaqtumi, una akhuraaluk akhuurutauyuq taimaa amihut nunallaangit Nunaqaqqaarhimakmata qiniqtut pikhait piliurninnga maniliuriamikni ihuarhigiamikni nunallaani nakurudjutinganik. Ukiuqtaqtumi, nutaat angirutingit piyuq havakvikmut akhuuqtut inungnut ikayuutikhanganik.

Ukiuqtaqtup nutaaq, angikliyuumiqtuq uyaqqanik pikhait piliuliqtuq angiyumik hivumuuqtuq Nunaqaqqaarhimayunut ilihimaninnganik. 2015mi, Kaanatap Itquumanikkut Nutaanguqtiriniqlu Katimayiuyut tuniyait 94 Pitquyauyut tamainnut Kaanatamiunut ilaugiamikni tikiutinnahuaqtanginnik Nunaqaqqaarhimayut uqariiyaqtamiknik. Pitquyauyut #92 apiriyait havakvinga talvannga piyakhait takuniaqtuq ihuaqtumik uqaqatigiikniq nakuuyumik piyait Nunaqaqqaarhimayunut nunagiyanginnullu unalu pikhait, unalu ihuaqtumik piinarialaqihimayut havaamut ayuirhaidjutikhamullu akuniraalukmik nungulaittumik ikayuutikhanik. Ukiuqtaqtumiutat uyarakhiurviit naunaiqhimmaaqtait nakuutqiat akhuurutingit pigiamikni uqariiyaqtamiknik tamaitalu uqaqtait qakunguraikpat qanurittaakhaanik.