ᐅᔭᕋᖕᓂᐊᕐᓂᖅ ᕿᓂᕐᓂᕐᓗ ᐊᒥᓱᒻᒪᕆᐊᓗᖕᓂᒃ ᐊᔾᔨᒌᙱᑦᑑᑎᓂᒃ ᐊᔪᐃᓐᓈᕆᔭᖃᕐᓇᖅᑐᓂᒃ ᐊᑐᐃᓐᓇᐅᑎᑦᑎᔫᒃ ᐃᖅᑲᓇᐃᔮᕇᓐᓇᒐᒃᓴᑦᑎᐊᕙᖕᓂᒃ!
ᐅᔭᕋᓐᓂᐊᓐᓂᒻᒧᑦ ᐃᖅᑲᓇᐃᔮᒃᓴᑦ ᒪᑐᐃᕈᑎᔪᑦ ᑲᓇᑕᐅᑉ ᓄᓇᕘᑕᕝᕕᐅᑉ ᐊᒡᒍᖅᓯᒪᓂᐊᓂ. ᐅᓇ ᓇᕿᓪᓗᒍ ᒥᓇᕆᓗᒍ ᐃᖅᑲᓇᐃᔮᑉ ᓴᖅᑭᑎᓯᒪᔭᖓᑦ.
ᓄᓇᕗᑦ ᓴᓇᔪᓕᕆᔩᑦ ᐃᓅᓯᓐᓄᑦ ᓴᓇᕝᕕᒃᓴᖃᕝᕕᑦ ᐅᖃᓕᒫᒐᖃᕝᕕᐊi ᐃᖅᑲᓇᐃᔭᖅᑎᖏᑦ ᑭᓇᒃᑰᓂᖏᓐᓂᒃ ᐃᓚᓕᒃ!
ᓄᓇᑦᓯᐊᕐᒥ ᐅᖓᑖᓂ ᓴᖅᑭᑎᓯᒪᔭᖓᑦ, ᐅᓇ ᓇᕿᓪ.
ᓴᓇᔨᓂᑦ ᐅᔭᕋᖕᓂᐊᕐᕕᓕᕆᔾᔪᑎᓕᕆᔨᓂᑦ, ᐋᖅᑭᐅᒪᑎᑦᑎᔨᓂᑦ ᐊᕙᑎᒥᒃ ᓴᐳᓐᓂᐊᖅᑎᓄᑦ. ᑮᓇᐅᔭᓕᕆᔨᓂᑦ ᐊᓪᓚᒃᑎᓄᑦ. ᐅᔭᕋᓕᕆᔨᓂᑦ ᓄᓇᓕᕆᔨᓄᑦ. ᓲᖃᐃᒻᒪᓗ, ᐅᔭᕋᖕᓂᐊᕐᕖᑦ ᐅᔭᕋᖕᓂᐊᖅᑎᖃᕆᐊᖃᓲᖑᔪᑦ! ᑎᑎᕋᖅᑕᐅᓯᒪᓪᓗᑎᒃ ᓄᓇᒥᙶᖅᑐᓕᕆᓂᕐᒧᑦ ᐃᖅᑲᓇᐃᔮᖃᕐᕕᐅᕙᒃᑐᓂ ᐃᖅᑲᓇᐃᔭᖅᑎᑦ 100 ᐅᖓᑖᓅᖅᓯᒪᔪᑦ ᐊᔾᔨᒌᙱᑦᑑᑎᑦ ᐃᖅᑲᓇᐃᔮᑦ. ᑖᒃᑯᐊ ᐃᖅᑲᓇᐃᔮᑦ ᐃᓐᓄᒃᑕᐅᓇᓱᒃᖢᑎᒃ, ᐃᖅᑲᓇᐃᔮᖃᕐᕕᐅᕙᒃᑐᑦ ᐅᑭᐅᖅᑕᖅᑐᕐᒥᐅᓂᒃ ᕿᓂᖅᑳᓲᖑᔪᑦ.
ᓄᓇᓕᖕᒥᐅᑕᐃᑦ ᐅᔾᔨᕈᓱᒋᐊᖃᖅᐳᖅ ᐱᕕᖃᕐᓇᐅᔪᓐᓇᖅᐸᒃᑐᓂᒃ ᐱᕙᒌᔭᖅᓯᒪᔭᕆᐊᖃᖅᖢᑎᒡᓗ. ᐃᓕᓐᓂᐊᖅᓯᒪᓂᖅ ᐱᓕᒻᒪᒃᓴᖅᓯᒪᓂᕐᓗ ᑐᙵᕕᐅᕗᑦ ᐃᖅᑲᐃᓇᐃᔭᐃᓐᓇᕐᕕᖃᕐᓂᐊᕐᓗᓂ ᐃᖅᑲᓇᐃᔮᖃᕐᕕᐅᔪᓐᓇᖅᑐᓂ ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᕐᓂᕐᒥᒃ, ᓯᓚᑦᑐᖅᓴᕐᕕᖕᒥᒃ, ᓯᓚᑦᑐᖅᓴᕐᕕᐊᓗᖕᒥᒃ, ᓴᓇᔪᓕᕆᔨᐅᒋᐅᖅᓴᓂᕐᒥᒃ ᐊᓂᒍᐃᓯᒪᔪᓄᑦ, ᐊᕐᕌᒍᒐᓴᖕᓄᓪᓘᓐᓃᑦ ᐱᓕᕆᐊᖃᕐᓂᑰᓯᒪᔪᓄᑦ.
ᐅᑭᐅᖅᑕᖅᑑᑉ ᐃᓄᒋᔭᖏᑦ ᐅᓄᙱᓚᑦ ᒪᒃᑰᒃᖢᑎᒡᓗ ᓯᕗᓂᒃᓴᕆᔭᒥᓄᓪᓗ ᓵᙵᓪᓗᑎᒃ.
ᓄᓇᑦᓯᐊᕐᒥ, 2030ᙳᖅᓯᒪᓕᖅᐸᑦ, 11,000 ᒪᒃᑯᒃᑐᑦ ᐃᓕᓐᓂᐊᕌᓂᒃᓯᒪᓕᕐᓂᐊᕋᒥᒃ ᐃᖅᑲᓇᐃᔮᒃᓴᖅᓯᐅᖅᑳᑎᒋᓂᐊᖅᑐᑦ. ᓄᓇᕗᒻᒥ, ᐃᓄᖏᑦᑕ 38,000ᖑᔪᑦ ᐱᖓᓱᐃᓕᖅᑲᓂᖓᑦᑕ ᐃᓚᓪᓗᐊᖏᑦ ᐊᕐᕌᒍᖃᖅᐳᑦ 20 ᑐᖔᓂ.
ᐅᑭᐅᖅᑕᖅᑐᖅ ᐊᑐᖅᑕᐅᔪᓐᓇᖅᑐᒃᓴᖁᑎᖃᐅᖅᐳᖅ, ᐃᖅᑲᓇᐃᔮᒃᓴᖅᑕᖃᐅᖅᖢᓂ, ᐃᖅᑲᓇᐃᔮᕆᓐᓇᒐᒃᓴᓯᐅᖅᑐᖅᑕᖃᐅᖅᖢᓂᓗ.
ᐃᖅᑲᓇᐃᔮᕆᓐᓇᒐᒃᓴᓯᐊᓚᐅᕆᑦ ᐅᔭᕋᖕᓂᐊᕐᓂᓕᕆᓂᕐᒥ ᐃᖅᑳᓇᐃᔮᕆᔭᒃᓴᓂᒃ ᑎᑎᕋᖅᓯᒪᔫᑎᑦᑎᒍᑦ!