ᐅᔭᕋᖕᓂᐊᕐᕖᑦ ᓄᑖᓂᒃ ᓇᖕᒥᖃᓕᕈᑕᐅᕙᒃᐳᑦ ᐃᑲᔪᖅᓯᕙᒃᖢᑎᒡᓗ ᐱᑕᖄᓂᒃᑐᓂᒃ ᐱᕈᖅᐹᓪᓕᖅᑎᑦᑎᓂᒃᑯᑦ ᖃᐅᔨᒪᔭᖃᓕᖅᐹᓪᓕᕈᑕᐅᓂᒃᑯᓪᓗ ᓯᕗᓂᕆᔭᕐᒥ ᐱᕈᖅᐹᓪᓕᐅᑕᐅᔪᓐᓇᕋᔭᖅᑐᓂᒃ. 1996ᒥᑦ ᐱᒋᐊᖅᖢᒍ, ᐅᔭᕋᖕᓂᐊᕖᑦ ᐊᑐᖅᓯᓯᒪᕗᑦ $16.6ᐱᓕᐊᓐ ᑖᓚᓂᒃ ᐅᑭᐅᖅᑕᖅᑐᕐᒥ. ᑖᒃᑯᓇᙵᑦ, ᖃᔅᓯᕋᓴᑦ ᐱᓕᐊᓐ ᐊᑐᖅᑕᐅᓯᒪᕗᑦ ᓄᓇᖃᖅᑳᖅᑐᑦ ᓇᖕᒥᓂᖁᑎᒋᔭᖏᓐᓄᑦ ᐅᑭᐅᖅᑕᖅᑐᕐᒥ. 1ᑖᓚ ᐱᖓᓲᓕᖅᑲᖓᓕᖅᑎᑕᐅᒍᓂ ᒪᕐᕉᒃ ᐊᑐᖅᑕᐅᔫᒃ ᐅᔭᕋᖕᓂᐊᕐᕕᖕᒥ ᖃᐅᑕᒫᑦ ᐊᐅᓚᑦᑎᓂᕐᒧᑦ ᓴᓇᔭᖃᕐᓂᕐᒧᓪᓗ ᑐᓂᔾᔪᑕᐅᕙᒃᐴᒃ ᓄᓇᓕᐅᔪᓂ ᑲᒻᐸᓂᓄᑦ.
2017ᒥ, ᐅᑭᐅᖅᑕᖅᑐᕐᒦᑦᑐᑦ ᐅᔭᕋᖕᓂᐊᕐᕖᑦ (ᐱᖓᓱᑦ ᓄᓇᑦᓯᐊᕐᒥ ᐱᖓᓱᓪᓗ ᓄᓇᕗᒻᒥ) ᐊᑐᖅᓯᓚᐅᖅᐳᑦ $1 ᐱᓕᐊᓐ ᑖᓚᐃᑦ ᐅᖓᑎᑦᑎᐊᖓᓂ ᓄᓇᓕᖕᓂ ᓇᖕᒥᓂᖃᖅᑐᓄᑦ.