Hivulliqpaanganut Utirvinga » Havaariyait

Havaariyait

Talvannga ore-mit, ilaliutihimayuq akituyumik uyaqqat unalu ilakunga uyarak, agyaqtaukpata qaanganut, ihuarhaqtauyukhaq.

Ore ihuarhaqtaunginnarialik uyarakhiurvinganit agyaqtauluniluuniit ahinut havagiamikni taimaa pivaktut piliuryaktirvikmi, ikualaarvingit havigalingit piiyariamikni, havakvingilluuniit.

Tamna hivulliqpaanga talvanga piyakhaq halummaqtiniq ore-mik ikikliyuumiriami aktikkulaanga. Una piyauyuq aadlatqiiktunik piluryaliriniqmik ahiruqtaa uyaraq mikkannuamut munarittaaqtamikmut.

Kaipluaqtut agyarutit agyaqtait piluryakhimayut ore angiyumut himmiqtuutauyumut havigalikmut qattaryukmut, taiyauyut piluryaktimut, talvani ilahimayuq imaqmik ilaani hunavaluknik. Piluryaktittiniq ahiruqtait mikkannuat ore-nganik uyaqqat piluryangit piiyaqtait ukunannga ilakunga uyarak.

Talvannga pidjutinga uyaraq kinipayuq, marlungaplunilu.

Piyuq qanurittaakhaanik uyaqqat uyarakhiuqtauyut, talvannga piyakhat aadlatqiinguyut huli.

Taimaa gold unalu qiplariktuq, akikitqianguyut pigiami avvaklugit havigaliit ukunannga hunavaluk akiqangittuq atuqhugit hunavalunginnik uqumailitaaninngalu aadlatqiininngit.

Taimaa uyaqqat ore-lu piiqtaulimaittut akhuurninnga, talvannga hunavaluit cyanide-titut atuqtauyut mahaktait uyaranga. Puyuqmik kuvininnga atuqtaunginnarialik katitiriami piumayauyut havigaliit.

ihuarhigiami akikittukhajait havigaliit, ukunatitut kannuyaq, aqilruq, zinc haviqquuyaqmikluuniit, aadlangayurlu ukunannga diamond-nik gold-mikluuniit. Nunamit ore ikayuqtauyuq angiyunut imaqarvik, puplattaaqtunulluuniit, iliuraqhimayuq irmiutiryualikmik hunavalukmik iliuraqhimayuq ayakharhimayuq qapungurumi anurimit.

Ore uyaqqat nipitpaktut publamut agyaqtauyut qaanganut imaqarvikmut tamvani puptallaarhimmaaqtuq kiklinga katitiqtait ore-mik piqaqtuq qapunganik. Ilakunga uyarak unaluuniit uyarakhiurviup piluryangit ikhinnaqtauyuq. Kinipayuq ore inmikkuuqtitauyuq ukunannga imanga atuqhutik kuviqpiuvikmit, paniqtitauyuqlu upalungaiyarniq tuyuqtaugiami havigaliiqtitauyuq uyarakmik.

Akikittukhajait havigalik havigaliiqtitauyuq uyaqqamit akituvallaaqtut havaariyait igluqpangit ihariagiyut angiyumik aulayunnautimik angiyumiklu halummaqtirutimik. Piittuq, piliuqtaulimaittullu qakugunnuaq, Nunatsiaqmi. Gold halummaqtirutingit, talvani, piliurhimayuq mikitqiamik piplugit ukunannga akikittukhajait havigaliit halummaqtirutimik. Talvuuna, Mahaktittaaqtuq ikualaaqtumit uyarakhiurvikmi.

Akhuraaluk-ihumagiyangit agyaqtut kivikhugit diamond-nik-piqaqtuq diamond-nga inigigayuktanga ore uumunnga hiliktut qitiqarmi inmikkurvinganut. Una piliurninnga, pihimayaa ore-nga taffingit, ikikliyuumiqtaa havaanga uyarakhiurviup naunaitkutinga.
Piksaliuqtaa: Diavik Diamond-nik Uyarakhiurvingit

Diamond-nik ore havaariyait ihariagingittuq hunavaluit inmikkuuqtitaugiami the diamond-nik ukunannga diamond-nga inigigayuktanga pipkaidjutipkaiyuq uyarak. Diamond-nik piqaqtuq aadlatqiittumik pidjutinga akhuraaluk hilikninnga, naptuninnga, unalu qaumayuq pipkaidjutigiyait inmikkuurninnga ore-mit. Ihivriuqvingani, diamond-nik ore ilaliutihimayuq imaqmik unalu iliurainiq havirayaqmik atuqtauyuq piliurninnganik havigalikmik (nipitqaqtutut hiuraq) ikayuutauyuqlu aniriqyuaqpiaqtumut inmikkuqtitait diamond-nik naunaitkutaniklu atuqhuni hilikninnganik. Ihuarhaivinganut igluqpak, tamna diamond-nik inmikkuuqtitauyut ukunannga ilakunganit atuqhutik iksuliirutimik pigiami aadlatqiittumik qanurittaakhaanik diamond-nik – diamond-nik qaumayut taimaittumi qulliqmi, urhurutimillu ikpatinit.

Piksaliuqtaa-alruyaqtuqtumik hanalrutit talvannga piyait nakuuqpiaqtumik-iliuraqhimayut anurimit piyuq hupluuriami diamond-nik agyaqtumit kivikhugit uumunnga diamond-nik katitiriniqmut tutquumavinganut.

Pittaarumi, hunavaluit atuqtauffaarutiniaqtut qaffinik kuviyautinnagit kuviyauvimikmut, unalu piluryakhimayut ilakunga uyarak. Hapkunani, ilihimayauyut iqqakunik tutquumavinga tahiit, qayagittiaqtumik piliurhimayut pittailigiami hunavaluit ukunannga piiyaqtut halumaiqtittuqlu haniani kuukkanut tahiqmullu.