Hivulliqpaanganut Utirvinga » Ilakunga uyarak Munariniq

Ilakunga uyarak Munariniq

Uyarakhiurniq havaangit piiuqtut malruuknik ilakunik: ilakut uyaqqat ukunannga uyarakhiurniq aulapkaininnganik piliuryakhimayullu uyaqqat unaluuniit hunavaluit ukunannga uyaqqat havaariyait aulapkaininnganik.

Ilakunga uyarak, qitqani, ukunannga Diavik Diamond-nik Uyarakhiurvinga nunap qaangani angmaumayuq uyarakhiurvinga. Qaanga taliqpiani uyarakhiurvip havagiamikni diamond-nga inigigayuktanga munarivinga. Naunaiyariami ilakunga uyarak, uyarakhiurvinga piliuqtaa nunaryuapta angitqiyauqpianganik ilakunga uyarak uuktuutikhat qaliriikhimayuq. Unipkaanganut ukunannga uyarakhiurviup taiguagakhanik naqillutit hamunga.. Piksaliuqtaa: Diavik Diamond-nik Uyarakhiurvingit 

Ilakunga uyarak tutquumaraaqpakvinga uyarakhiurvikmi naqhani atuqtauyulluuniit iliuraidjutimut apqutiliurniqmulluuniit aadlanullu nunallaani napatjutingit.

Havaktauyut uyaqqat tutquqtauyut ukununnga taiyauyut iqqakunik tutquumavinga tahiqmut ilangani uyarakhiurvingit naunairiami piqaqtullu hunavalukmik, havaktauyut diamond-nga inigigayuktanga munariniq tahiit diamond-nik uyarakhiurvinginni, naunairiami hunaluittut havaariyait atuqtauyut talvani.

Pittaarumi, hunavaluit atuqtauffaarahuaqtait qaffinik kuvitinnagu kuviyautimiknut, unalu piluryaktut ilakunga uyarak. Hapkuat, ilihimayauyuq uuminnga iqqakunik tutquumavinga tahiit, qayagittiaqtumik piliurhimayuq pittailigiami hunavaluknik ukunannga piiyaqtut halumairutiyullu hanianut kuukkanut tahiqmullu.

Ilakunga tutquumaniaqtuq pitillugu uyarakhiurniq, munariyaunginnaqniaqtuqlu pitillugu umikvinga Utiqtiffaarninngalu Uyarakhiurviunguqtinnagu ilagiyanga.