Hivulliqpaanganut Utirvinga » Hilap Aalaguqpalianiga Uyarakhiuqniqlu

Hilap Aalaguqpalianiga Uyarakhiuqniqlu

Ukiuqtaqtuup ugahiqtuni uyaraktaqviit atuinaqtut uqhuqyuanik aturiagani piqutimikni alruyaqtuutimiknilu. Tamaita igluqaqviit havakpiaqpaktut atutiariagani piqutit mikhivaaliriaganilu uqhuqyuanik atuqtamiknik. Piksa: Baffinland-kunit Havivalukni Uyaraktaqvik

Ukiuqtaqtumi piniqutikhanik uyaraktaqviit ihumagiyaqaqtut ihuaqhivaaliriagani aulajutinik atuqniganik; mikhivaaliriagani puyuvaluit kasiliinik atuqniganit iliturilutiklu mangit atuqpalaagitaagani.

Taimaatauq, havakviit pivaliahimayut uyaraktaqvikhanik qauyimayut ihariagiyaunigani aulajutinik atutiaqniqmik; nahuritilugit puyuuqnigagut taksiiyautinik Ukiuqtaqtumilu akitunigani aulaniganik havakviuyumi.

Una pigiarut atuqpaktuq uyarakhiuliriaqtinagit.

Ima, nalvakhiuqtilugit, Avalon Advanced Materials-kut atuliqhimayut ihuaqtunik atuqhimaginaqtukhanik uvani Nechalacho-mi Havaami Nunatiami. Avalon-kut iliuraihimayut atuqhugulu atuinaqtukhamik aulajutinut atuqtumik ilaliutivlugu uqhuqyuaqtuqtut igniqutit, batuliilu, alruyaqtuutini ihuaqut, hiqiniqmilu alruyaqtutigurutit. Pigiarutaulraaqtuq atuqpalaagi-taagani uqhuqyuanik ilagiyainiklu akituniginik. Batuliilu aturutauyut aaniqnaitqiyani, ihuaqtunik tupiqni uunaqutinik, agitqiyamiklu huli aturutaugituq uqhuqyuanik. Havaaq mikhivaalirutauyuq aulajutinik atuqniganik mikhivaalirutivlunilu igniqutinit puyuinik.

Canadian Zinc-kut, havitait aulaniqatialaaqniganik ilituqhaut 2017-mi Prairie Creek-mi Uyarakhiuqvikhami, hanalaaliqniaqtut 2020-mi, atulirumayauyumik ukiuraaluk apquut atuqtukhaq, halumatqiyat aulajutit kuviyaaqtuq puyuit kasiliit (LNG), atulaaliqpaktuq. Canadian Zinc-kut Northwest Power-kulu Kuapariisiuyuq sainiqhihimayut MOU-mik agiqatiriigunmik naunaiyaiyaamikni. Fortune Minerals-kut atulirumayaat Nico-mik Uyaraktaqvikhaq atulaaliqniaqtuq LNG-nik uqhukhanik una ukiuraaluk apqutauyuq atulaaqtuq iniqaat.

Kanatami, Uyarakhiuqtinit Katimayit Kanatami (MAC) ilagiyailu tuniqhimayut ihuaqhivaaliriagani ihuaqhaihimaqtulu munariyaagani avatauyuq, ihuaqhivaaliriagani aulajutimiknik atuqtamiknik, mikhivaaliriagani halumaitut puyuit hilamut. Atuqhumayuni 20-nik ukiuni, MAC-kuni ilauyut havakviuyut ihuaqhaihimaliqtut aulajutinik aulaniqatiaqniginik mikhivaaliqhutiklu puyuvaluit havakvikmikni ihuaqhautinit MAC-kut aturiaqaqtumik Turaaqvikhaq Atuqhimaginariagani Uyaraktaqniqmi havaaq uyaraktaqvikmilu ihuaqhaqhimayunik. Ahiani aulajutit, uqhukhat, uyaqiqitiarutilu, ilauyut havakviuyut upipkaivaktulu nunagiyauyunik amihuni hilaap aalaguqpalianigagut havaani.

Ublumi aulanigagut havakviuyumi, uyaraktaqniq ilauniqaqtuq halumayumik nutauniqhaliqiyaamikni. Havakviuyut hanavaktut hanahimagitunik uyaraktaanik atuinaqpaktukhanik aulajutinut hanahimayunik, anurituutitut alruyaqtuutikhanik, hiqiniqmit alruyaqtuutikhanik, kasiliiqtugituniklu akhalutinik. Imaa, lithium-kaqtunik batuliini, atuqtauyumaluaginaqtut, piqariaqaqtut cobalt-mik. NICO-kuni havaaq piqaqtuq agiyunik cobalt-mik kuulqaqhutiklu, bismuth-miklu, kanuyaqmiklu Nunatiamilu hanayakhuguqniaqhuni hilaqyuami ihariagiyauyunik nuutpalianigani puyuqaqpalaaginikhamik hivunikhami.

Naunaiyaqniga uyaraktaqtit hivunikhami aulaniqatiaqnikhaa ilaqaqniaqtuq qanuq ihuaqnikhamik munaritiaqlutiklu hanayaamikni amihunik ajikutainik havivaluknik uyaraktaaniklu aulajutauyaagani halumayuq manikhaqhiurutikhaq ilaliutilugilu nutauniqhaliqijutit ihuaqutinik pivalianigini uyaraktaqvigiyatilu.