Kanata ihuaqutikhaqatiaqtuq qauyimayuniklu nunamik ihuaqu-tainiklu atuqluaqtut qiniqhiayaagani, pivalialugit, ilauvigilugilu pitiaqviuyuni ihuaqutinik pivalianigini.
Inuutiarutit inuuhiqmi aalaguuqtut agiyumik pivalianiginit ihuaqutit. Uqhukhat (puyuit kasiliikhat, uqhuqyuaq, aumailu) inuknik unaqutauyut, pipkaiyuq halumayunik, unaqtunik immaqnik, aulaaqtitugilu inuit. Palastiuyut (uqhuvaluqaqtut) ihariagiyauyut hanayuni, tuhaumajutiliqijutini, hanauganilu.
Havivaluit uyaraktaakhalu atuqluaqtut akhalutini, igluqpakni, hanaugani, alruyaqtuqtuni, piqutinilu ukunani taktit pilautainik. Tamaitavyak hanalrutit pipkaijutauyut nutauniqhani inujuhiptikni aulatiariagani aturiaqaqtut uyaraktaakhanik havivaluukniklu uyaraktaqviknit.
Uyaraktaqniq, qanuq hanayauniganik ilagiyaiyut kituliqaa inujuhiini, naunaituq humiliqaa ittuq.
Ihumagivlugit taimani tajalu ukiuqtaqtumi uyaraktaqvikni ihuaqutauyut, takulugit ilagit makpiqnigit ilituriyaagani qanuq ihuaqutait ilagiyauniginik ublumi hilaqyuami.