Ilaukmat Nuutiqtiqninnganut, nuutiqtitauyuq munarininnganik avikturhimayumut kavamatkut uumannga kaanatap kavamatkut , tamna Kavamatkut Nunatsiamit tadja nutaanguqtitauliqtaa Uyaqqanik Qanuriliurutinganut Maligaq.
Nunatsiaq uyarakhiurniqmut unalu ihivriuqniq tadja munariyauyuq Nunatsiap Uyarakhiurniqmut Maliganganit. Una aadjikutaliurhimayuq kaanatap maliganganit tuniyauyuq Nuutiqtitauliqtillugit.
Hapkuat maligait iliuraqtauniaqtut ihuarhaqtauniaqtullu ilagiyanganik maliganganit, piliuqtauniaqtuq munariyaugiami:
•Uyaqqat pilaarutingit
•Manikhat inungnut (ukunatitut akiliuhiat)
•Uqaqtukhaq uyaqqat aadlatqiingit humi ittutlu
•Maliktakhat iliurariami uyarakhiurutikhamiknik pihimagiamilu uyaqqat aturninnganik
MRA aadlangulimaitait himmilimaitaillu aadlat kaanatap nunavunmilluuniit maligangit maliktakhangillu munariyainnik uyarakhiurniqmut unalu ihivriuqniq Nunatsiami.
MRA pilimaitait piyakhangit havaallu piliurhimayuq titiraqhimayumi uumani Mackenzie Valley Ikayuutikhamut Munariniqmut Maliganganit.
Atulihaaliqmat 2018, Nunatsiap Kavamanga tuniyait naunaitkutanik inungnut qanuqtut ihumagiyanganik. Hamna naqillugu naunairyuumirumaguvit.