Hivulliqpaanganut Utirvinga » Maniliqininnga Maniliurninngalu

Maniliqininnga Maniliurninngalu

Manik ihariagiyauyuq tamainnut talvannga piyakhangit piliuriami uyarakhaliurvikhanganik.

Tamna uyarakhiuqtiuyuq ihariagiyuq manikmik uyarakhiuqtiuyup laisikhanganik tamayakhanginniklu ihariagiyaa uyarakhiuriami.

Pihimagiami uyaqqanik nanminiqhurunnaut atugaittumik, kavamatkut nunanganik nanminiqaqtut ihariagiyait tamna uyaqqanik ihivriuqtiuyut and uyarakhiurniq havakvingit atuqtuq mikitqiamik manikmik taimaa pihimagiamikni nanminiqhurunnaut. Pingitkumik, tamna nanminiqhurunnaut nutqarumi, utiqtitauffaarumi kavamatkunnut, kimut piyakhaanik havakvikmulluuniit piyakhaanik.

Nunavut Tunngavikkut havaktingit Katimayiinginnut uumunnga Uyaqqanik Uyarakhiurniqmut Katimapkaiyut Vancouver-mi. Una atauhiqmi ukiumi katimaniq quviagipkaidjutiyuq maniliurutauyunit tamainnit nunaryuaptiknit. Piksaliuqtaa: Nunatsiaq Nunavunmilu Havakvinga Uyarakhiurviuyunit

Nukarhiuyut uyarakhiurniqmut havakvingit – havakvingit qinirhiayut piqaqaqtauhimayumik nanmiringitaaluuniit aulapkaigiami uyarakhiurviit – ilaani ihariagiyut amihumik maniliqinirmut ikayuutikhanganik. Taimaa ittuq uumani pidjutingani uyarakhiurniqmut, havakvingit aulapkaiyut ungahiktumi ukiuqtaqtumi piyut akituvallaarnaqtumik. Una uuktuutigillugu, ikuutaqtut akhaluutiryuangit halikaaptakkuuqtut iliurarahuarninnganut. Ilaani, inungit akilirumayait hapkuat akingit kihimi akhuraaluk qayangnarmat maniliqininnganut. Nukarhiup pilluarumayaa qanurittaakhaanik pigiami maniliqininnganut angikliyuumirumitkut akituyut ukununnga kavamatkut tamayamut niuvvaavingatigut. Una pidjutaut hiamitiqtaa qayangnarninnga pipkaidjutiyuq maniliurutiuyut niuviriami avvaktakhamiknik.

Aadlattauq qanuriliurutikhaq pigiami manikharmik angitqiamit tamainnit pikhait havakvingit. Ilaani, angitqianguyut havakvingit maniktiqtiriyait nukarhiuyup uyarakhiurniq akikhanga nampanganik hivuniqmi maniliurutikhanganik. Unaluuniit, angitqiaq havakvinga tunittaaqtuq niuviriami tamaita avvaktakhamiknik nanminirininngalu nukarhiup.
Akhuuqtuq tamainnut havakviuyunut qanuriliurutinga ilihimayauyuq akiittumik itirutinganik taimaa pipkaidjutiyaa uyarakhiuqtiuyunik itiriami kavamatkut nunagiyanganut qinirhiagiamiknik uyaqqanik.

Ukiuqtaqtumi, itquumaritauyut 30 pusantmik nunannganik pilimaittuq uumunnga uyaqqanik uyarakhiurniq. Una ilaliutiyuq piyuq kiklikhanganik nungutailiniqmut, nunanga nanminikhariyanganik, unalu nunannganik aturninnga ihumaliurutingit. Kikliqarniq piinarialaqininnga nunamut ikikliyuumiqtaa pipkaidjutininnga uuminnga uyarakhiurniq nakuuyumik pigiami.