Hivulliqpaanganut Utirvinga » Umikvinga Utiqtiffaarninngalu Uyarakhiurviunguqtinnagu

Umikvinga Utiqtiffaarninngalu Uyarakhiurviunguqtinnagu

Nunamit nauhipkaiffaaqniq ihumagiyauyuq uumani uyarakhiurvingani ikayuutinga naunaiyariami huradjat naunaiyariami qanuqtut nunamit nauhimayut ivingillu ilaliutiniaqtuq umikvinganut angmaffaarninnganullu. Piksaliuqtaa: Diavik Diamond-nik Uyarakhiurvingit

Umikvinga Utiqtiffaarninngalu Uyarakhiurviunguqtinnagu havaariyaa utiqtiffaariami uyarakhiurvinga uyarakhiunguqtilihaaliqtinnagu. Una ilaliutihimayuq upalungaiyaqtaa havakvinga nunallaallu kavamangalu. Ilaliutihimayuq unguvaqtait hanalrutinik, igluqpingit, uyarakhiurviuplu havaktut ukunatitut ihuarhaininnga ilakunga uyarak qaliriiktut nauhimayuniklu nauhimaliriamikni nunannga, avalitiriniqmut munariniq.

Uyarakhiurvinga akuniraalukpiamut angmaumaniaqtuq, taimaa uyaqqat piqarniraqtauhimayuq piinginnaqtuq maniliurutairumiluuniit uyarakhiurvinga.

Uyarakhiurniq tadjakaffuuyuq havaaq piyuq ukuninnga mikiumik taimaa 10nik ukiunik uumunnga 100 ukiunik.

Qangaraaluk, piqaqtuq mikiumik ihumaginiq tuniyauyuq halummaqtiriami uyarakhiurvikmik taimaa uyarakhiuruiqmata, taimaalu umikvikhanga piliuqtaat, taman havaktuq avaliiqtuq taimaa uyarakhiurniq taimaaqtaukmat.

Ublumi nutaat uyarakhiurvingit ihumaliurutingit umikvikhamut uyarakhiurviliuqtinnagit, taimaa pipkaidjutiyaa piliurninngit takunnaqtut uyarakhiuqtillugit talvani ilaliutiyuq nuutiqtittuq hunavaluknik uyarakhiurvikmut nakuuyumik.

Piffaarninnga, ihuarhaqhugu uyarakhiurvinga taimaa uyarakhiuruirmata, ilagiyaa una uyarakhiurviup tamaat uqariiyaqtamiknik avatinganut hapummiutikhaanik.