Aulaaqviit atutauyut ikituut Ukiuqtaqtumi. Nunatiaq atuinaqtunik apqutiqaqtuq atuqtunik. Piqaqtuq hitamanik, ilagani talimanik, tatqiqhiutini umiaqtuqviuyumik Mackenzie-mi Kugaqyuami hitamaniklu talimanut tatqiqhiutinik Ukiuqtaqtumi immauyut umiaqtuqviulaaqtut. Havakviuyuq naamatiaqniqat uyaraktaqvikhaliulaaqtuq haniani ukua atuqtauyut apqutauyut, hanayariaqaqniaqtut ukiumi apqutauyumik nunagiyamiknut. Ahianit tikmijutit, akituyuukmat atuqtakhaq, ahiagut akyalimagituq agiyunik, uqumaitunik piqitunik agiyuqyualuniit uqhuqyuat ahiilu agiyut ihuaqutikhat ihariagiyait.
Havakviuyuq tuniqhikpat hanayaamikni, April 1-mi atuqniqatialiqpaktuq ublua tatqiqhiunmi. Aturiagani naunaqhivakmat hikumi apqutinik kiguani tafuma ubluup, uqumaitpalu piqutit, uqhuaqyuat ahiilu agiyut ihuaqutit inikhamugitpata, atuqtakhait kiguvaqpakmata atauhiqmi ukiumi.
Ukiumi apqutit aturiaqariaqaqtut akhaluutit iijiraalukmi ukiumi, alapaaknaqtilugut mainis 40-mik (-40) tigriimik.
Atiq ilitariyauvaktuq Ukiuqtaqtumi hikumi apqutinik una John Denison. Hikumi apqutiliuliqhimayut ukiuqtaqtumi uyaraktaqviknut 1960-ni Byers Transport-kulu akyaqtit. Talvuna kuulmik uyagaktaqviiq Discovery-mi Tundra-milu qiniqhiakmata akikitqiyamik atuqtakhamik tikmiakut akyautini ihuaqutinik piqutiniklu. Denison apqutiliuqatinilu havakhimayut taaqtilugu, iijiraalukmilu ubluni ukiumi hanatilugit hikumi apqutinik ilaginut alapaaqnaqtunik ugahiktuniklu Ukiuqtaqtumi nunanut hilaqyuami.
Talvuna ubluini apqutiliuriami aaniqnahuquuqnaqpaktuq, aanirutaulaaqhunilugiaq, akyautinik tamayanik ukunani. Atuqhutik ayuqnaitunik piqutinik, havaktut aputaiyaivlutik immaqtirivaktut apqutikhanik – hanaqiluaqpaktut amuyagani immaaqhimayunik piqutit immaqmit apqutiliuqhimaaqhutik.
Ublumi, hanayaagani hikumi apqutikhanik nutauniqhanik aturutauyuq. Naunaiyautiqaqhutik hilikniganik hikuup qilainaguuqtuniklu ihuaqutiqaqhutik inikhamik, hanayit naninilaaqtut hikuup haaniganik apqutauyuni qilamik nalaumatiaqtuniklu. Havautaugituq talvatuaq ihuaqniganik, kihiani hanayaagani aaniqnaitumik hikumi apqutikhamik.
Hikumi apqutit atuqtauyut ublumi ihuaqutinik apqutauvlutik akyariami piniqutikhanik uyaraktaqvikmut Nunatiami Nunavumilu. Uqhuqyuaat, akhaluat, hanajutilu piqutit amigainiqhalu akyagauvaktut qiqumayuni tahiqtigut hivigitumi qulini saniuniqni atuqvikhaini atuni ukiumi.
Ilitpaalirit hamani.